Amɔs 5:14 - NYANMIƐN NDƐ'N 1998

¹⁴ Nán an kunndɛ kɛ amun yo sa tɛ. Sa ng'ɔ ti kpa'n, yɛ amun `kunndɛ amun `yo-ɔ. I liɛ'n, an ´nyan nguan, kpɛkuun Anannganman b'ɔ sie mɛn wunmuan'n ɔ nin amun wa tran kpakpa sakpa kɛ an fa sunnzun su'n sa.

Amɔs 5:14 ပူးပေါင်းရင်းမြစ်များ

Bo Bolɛ 39:23

Bisua su kpɛnngbɛn'n ɔ bo-man wɛ nian-man junman ng'ɔ fa wlɛli i Zozɛf sa nun'n kun, yɛlɛ kɛ Anannganman nin Zozɛf be o nun, ɔ yo man like kwlaa ng'ɔ yo, ɔ yo ye.

1 Be Nyoliɛ 28:20

David kɛnnin i ekun kleli i wa Salomɔn kɛ: «Jran kekle, yɛ tra wɔ anwlɛn nan di junman sɔ'n. Nán srɛ kun wɔ, nán ɔ klun titi wɔ, afin Anannganman Nyanmiɛn'n b'ɔ ti min Nyanmiɛn'n ´jran ɔ́ sin. Ɔ su yi-man wɔ ase, ɔ su kpɔci-man wɔ lele yɛ i sua'n i su junman'n ´wie-ɔ.

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Jue Mun 97:10

Amun bɔ an klo Anannganman'n, an `kpɔ sa tɛ'n. Ɔ sasa i sufuɛ nanwlɛfuɛ'm be nguan'n. Ɔ de be klunwifuɛ'm bé sa nun .

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Nyanndra Mun 11:27

Sran nga sa kpa'n yɛ ɔ kunndɛ yo'n, i wun yo Nyanmiɛn fɛ. Sran nga kusu bɔ sa tɛ'n yɛ ɔ kunndɛ yo'n, san ɔ ´nyan sa tɛ'n le.

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Ezai 8:10

Kannzɛ amun bu like nga amun ´yo'n be akunndan sie, be su kpɛn-man su! Kannzɛ amun kan ndɛ wie'n, ɔ su kpɛn-man su, afin Nyanmiɛn nin ye o nun.

Amɔs 3:3

?Sran nnyɔn bɔ be ´kɔ lika sa'n, sɛ bé nuan ɔ'a dun-man mmua ɔ'a sɛ-man bé wun'n, be kɔ likawlɛ sɛ yɛ ɔ yo ye-ɔ?

Amɔs 5:6

Zozɛf osu nunfuɛ mun, sɛ amun klo kɛ amun ´nyan nguan'n, Anannganman'n yɛ ɔ fata bɔ amun mɛntɛn i-ɔ. Sɛ ɔ'a yo-man sɔ-ɔ, ɔ wa kaci kɛ sin sa, ɔ ´to amun, ɔ ´di amun. An su nyan-man sran fi Betɛl lɔ b'ɔ ´nuan sin sɔ nin-ɔn.

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Sofoni 2:3

Mɛn'n nun wɛtɛɛfuɛ mun, amun bɔ amun nanti Anannganman i mmla'n su'n, amun `mantan Anannganman. Amun `yo nanwlɛfuɛ, amun `kan amun wun ase be man Nyanmiɛn'n. Amun `kan amun wun ase be mɛn i, i liɛ'n, nja, sɛ i ya cɛn'n ju-ɔ, amun ´nyan amun ti o.

Kalɛ 16:3

Be wa kpɛ sin yiali Moiz nin Aarɔn yɛ be seli be kɛ: «Amun liɛ'n ɔ'a flan ye ngboko, sran nga be ti Izraɛlfuɛ'n be kwlaa be ti Anannganman liɛ klonglo, yɛ Anannganman o e kwlaa e afiɛn. ?Yɛ wuun ɔ yo sɛ ti yɛ amun bu amún wun kɛ amun kpa tra Anannganman i sran'm be kwlaa nin-ɔn?»

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

2 Timote 4:22

Man e Min'n nin wɔ tran! N ´yra mín nuan kɛ an nyan ye!

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»