Amɔs 5:13 - NYANMIƐN NDƐ'N 1998

¹³ Blɛ'n ɔ'a yo kekle. I sɔ'n ti, be nga be si ngwlɛlɛ'n, be wun ndɛ-ɔ be kwla kan-man.

Amɔs 5:13 ပူးပေါင်းရင်းမြစ်များ

2 Famiɛn Mun 18:36

Sran nga be o lɛ'n be guali bliin, b'a tɛ-man su, afin famiɛn Ezekias seli be kɛ nán be kan ndɛ fi.

Zɔb I Nyrɛnnɛn Wunlɛ 32:16

M'an minndɛ lele bɔ be ijɔ-man kun'n, bɔ be tilɛ be lɛ-man wie be kɛn-mɛn i kun'n,

Jue Mun 38:14

N kusu m bu min sukpɔ nun waka, n yo kɛ n ti-man sa. N yo kɛ bobofuɛ sa n uke-man min nuan.

Akunndanfuɛ'n 3:7

Ɔ lɛ blɛ kun bɔ be fa titi be wun ninnge'm be nun-ɔn, yɛ ɔ lɛ blɛ kun bɔ be fa kpa be nun-ɔn. Ɔ lɛ blɛ kun bɔ be fa muan bé nuan-an, yɛ ɔ lɛ blɛ kun bɔ be fa ijɔ-ɔ .

Akunndanfuɛ'n 9:12

Kɛ kpatra'n b'ɔ ´wun i wun-ɔn, lala ɔ'a trɛ i'n, annzɛ anunman'n b'ɔ ´wun i wun-ɔn, aya ɔ'a trɛ i'n, kɛ klɔ sran'n kusu ɔ ti sɔ-ɔ, ɔ si-man cɛn nga nyrɛnnɛn'n ɔ wa tɔ i su-ɔ. Blɛ wie'n, sran'n sunnzun-man kɛ sa su wa nyɛn i, kpɛkuun sa wie ɔ'a tɔ i su ɔ'a blɛblɛ i wun.

Ezai 36:21

Be tɔli bliin, b'a tɛ-man su, afin famiɛn seli be kɛ nán man be kan ndɛ fi.

Ezai 37:3

Be ko seli i kɛ: «Ezekias waan e se wɔ kɛ: ‹Ndɛ cɛn'n ti awlaboɛ cɛn nin fɔ tulɛ cɛn, ɔ nin nyannzuɛn cɛn. Ɔ ti kɛ ba bɔ b'a sie wulɛ bɔ sanngɛ fanngan nga be ko fa ko wu be'n nun-man lɛ'n sa.

Ndɛ Nga Nyanmiɛn I Nuan Ijɔfuɛ Oze Kannin'n 4:4

Nán kɛ sran'm be kwlakwla yɛ m ´man be ndɛ-ɔ. Nán kɛ sran'm be kwlakwla yɛ n ´ijɔ be-ɔ. Wɔ bɔ a ti min nyrun jranfuɛ'n bé su kpɛn'n yɛ e nin wɔ lɛ i-ɔ .

Amɔs 6:10

Sɛ sran kun ba i osufuɛ nga be wuli'n be fuɛn'n falɛ kɛ ɔ ´ko wɔ be nun nan sɛ sua sɔ'n nun lɛ sran wie ɔ'a wu-man wie, nan ɔ o sua ba kasiɛn nun lɔ'n, ɔ ´usa kɛ: «?Sran wie o ɔ wun lɛ ekun?» Kpɛkuun ɔ ´se kɛ: «Cɛcɛ! Sran nun-man wa kun. Sanngɛ nán ijɔ kun, nán bo Anannganman'n i dunman ka .»

Mise 2:3

I ti man Anannganman wan yoo: «Sran tɛtɛ kɛ amun sa'n, m'an dun mmua m'an bu amún nyrɛnnɛn klelɛ'n i akunndan m'an sie, an su fin-man nun be fite-man. Siɛn'n, sɛ amun ´nanti-ɔ, amun su kwla-man amún ti'n su man kun, afin i sɔ blɛ liɛ'n ´yo nyrɛnnɛn blɛ.»

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Efɛzfuɛ Mun 6:13

I sɔ'n ti'n, an `fa Nyanmiɛn i alɛ ninnge'n kwlaa nan sɛ lika'n yo tɛ'n amu'an kwla kpli amún ti, yɛ kɛ an kwla be kwlaa'n, amun ´jran kekle.

2 Timote 3:1

Ndɛ nga m ma kan kle wɔ yɛ'n, fa sie ɔ klun kpa: «Cɛn wie lele'n, kɛ mɛn'n ɔ ´kɔ i bue nuan'n, lika'n ɔ ´yo kekle.»