Amɔs 5:12 - NYANMIƐN NDƐ'N 1998

¹² «Min Nyanmiɛn, amún sa tɛ nga amu'an yo'n, bɔ ɔ'a bobo su n si be. N si kɛ sran nga ɔ'a yo-man like fi'n, an fa bé nyin be ci i. An kan ndɛ sika nun. Amun ndɛ kanwlɛ lɔ'n, amun bu ndɛ be yi i yalɛfuɛ'm be su.»

Amɔs 5:12 ပူးပေါင်းရင်းမြစ်များ

Zɔb I Nyrɛnnɛn Wunlɛ 20:19

Afin kɛ ɔ miannin yalɛfuɛ mun ɔ deli be ninnge mun, ɔ'a nian-man be lika. Kɛ ɔ `kplan sua man be'n, ɔ'a yo-mɛn i sɔ, sanngɛ ɔ deli be liɛ mun.

Zɔb I Nyrɛnnɛn Wunlɛ 31:21

sɛ jɔlɛ diwlɛ lɔ'n, n jasoli aika wie wun kɛ n ´nian bɔ jɔlɛ difuɛ'm be ´jran min sin'n ti'n,

Jue Mun 127:5

Sran nga cua sɔ'm be yi i koniɛn pata'n, i liɛ su ti ye! Sɛ ɔ nin i kpɔfuɛ'm be nyan ndɛ klɔ'n i anuan nun lɔ'n, ɔ kwla wun-man nyannzuɛn.

Ezipt Lɔ Tulɛ'n 23:3

Sɛ sran kun ti yalɛfuɛ bɔbɔ nan i ndɛ yo-man fɛ'n, nán nian kɛ ɔ ti yalɛfuɛ'n ti a se kɛ a jran i sin.

Ezipt Lɔ Tulɛ'n 23:6

Sɛ sran wie waan a `di i jɔlɛ'n, sɛ ɔ ti yalɛfuɛ bɔbɔ'n, nán niɛn i yalɛ'n ti bu i ndɛ kwlɛ.

Nyanndra Mun 17:8

Sran'm be bu i kɛ sran like cɛlɛ'n ɔ ti muae like nan be bɔ be yo i sɔ'n, i yɛ man like kwlaa nga be yo'n ɔ yo kpa man be-ɔ.

Nyanndra Mun 22:22

Nán nian kɛ yalɛfuɛ'n lɛ-man sran'n ti de i wun ninnge mun. Sran b'ɔ lɛ-man wie'n, bɔ sɛ jɔlɛ diwlɛ lɔ be su di i ndɛ kwlɛ'n nán jran bé sin.

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Ezai 33:15

Sran ng'ɔ fa mmla'n su'n, b'ɔ yo sa i nuan su'n, b'ɔ klo-man like nga be de i be wue kekle su'n, b'ɔ sɔ-man adi ninnge'm be nun'n mlɔnmlɔn'n, bɔ kɛ be ´kan sran kunlɛ ndɛ be kle i'n ɔ tannin i su'n, b'ɔ kɛtɛ i nyin kɛ ɔ ´yo nan ɔ'a wun-man sa tɛ'n,

Ezai 47:9

Ɔ nyin bɔ a ´bo i bla-a, sa nnyɔn nga be o yɛ'n b'a ju wɔ su wia ba kunngba bo: ɔ mma'm be ´fi ɔ́ sa, yɛ a ´di angboti. Sa sɔ'm be ´ju ɔ su kekle kpa. Kannzɛ a ´yi wunnzue o, kannzɛ a ´di bae o, ngbɛn-ɔn !

Ezai 5:23

Sɛ sran kun yo sa tɛ'n, kɛ ɔ man be adi'n, kpɛkuun b'a di i ndɛ'n klanman. Sɛ sran wie i ndɛ'n yo fɛ'n, be bu ndɛ'n be yi su.

Ezai 66:18

Ɔ si be nyoliɛ mun nin be klun akunndan'n. Anannganman waan: «M ba kɛ n wa yia nvle-nvle nga be kan aniɛn wafa-wafa'n kwlaa'n, nan be ´wun min nyrun bɔ n lɛ i'n.

Zeremi 29:23

Sa ti b'ɔ ´yo sɔ'n yɛlɛ kɛ be boli tete Izraɛl nvle'n nun. Be kunndɛli be wiengu'm bé yi mun, yɛ m'an sunman-man be kpɛkuun be ɔli kɛ be su ijɔ mín nuan. N si i kwlakwla ng'ɔ o lɛ'n nun, ɔ yoli min nyrun.› » Anannganman'n yɛ ɔ kan sɔ-ɔ.

Ngwlɛ Yilɛ 3:34

Kɛ be ´yo mɛn wunmuan kun nun bisuafuɛ'm be fiaan'n,

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Ndɛ Nga Nyanmiɛn I Nuan Ijɔfuɛ Oze Kannin'n 5:3

M bɔbɔ n si Efraim, Izraɛl i wun sa'n, ɔ fia-man min nyrun. Afin siɛn'n, Efraim si tekle'n wie, ɔ man fiɛn ɔ'a kan Izraɛl wunmuan.»

Amɔs 2:16

I sɔ cɛn'n nun'n, sonja'm be nun yakpafuɛ'n bɔbɔ, ɔ ´guɛ i alɛ ninnge'm be ase ´wanndi.» Anannganman'n yɛ ɔ kɛn i sɔ kle amun-ɔn.

Amɔs 2:3

N ´kun famiɛn ng'ɔ sie lɔ mɛn'n. N kun be famiɛn i awlo lɔ sran dandan'm be kusu wie.»

Amɔs 5:10

Kɛ be ´kan ndɛ'n, sran ng'ɔ di nanwlɛ'n yɛ amun kpɔ i-ɔ.

Amɔs 5:7

Amun yo man sa ng'ɔ ti kpa'n, sran'm be bu i sa tɛ. Be nga be di nanwlɛ'n, amun yi be ase.

Amɔs 8:4

Amun bɔ an tɛ tia mɛn'n nun aunnvuɛfuɛ'm be su bɔ amun waan nán amún nyinma wun be nga be lɛ-man nyrun mɛn nun'n, an `tie ndɛ ng'ɔ o yɛ'n:

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Mise 7:3

Sa tɛ'n, b'a yo i lele b'a si i yo kekleke. Kpɛnngbɛn mun nin jɔlɛ difuɛ'm be mianmian sran mun kɛ be man be ninnge mun. Sran dandan'm be kusu be like liɛ kun nga be waan be ´fɛ i sran sa nun'n, be fia-man bé wun, be fɛ i wue kekle su.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Sa nga bé yôli'n 7:52

?Nyanmiɛn nuan ijɔfuɛ onin yɛ amun nannan'm b'a kle-man i yalɛ-ɔ? Be kunnin be nga be dun mmua kannin Nanwlɛfuɛ'n i balɛ ndɛ'n, i yɛ an fɛ i mannin sran mun bɔ be kunnin i nin-ɔn.

Mmla'n 16:18

Klɔ nga Anannganman amun Nyanmiɛn'n fa man amun'n, amun `sie be kwlaa su jɔlɛ difuɛ mun, nin mmla su nianfuɛ mun amun akpasua kunngun'm bé su. Man be di sran'm be ndɛ mun nanwlɛ su.

Mmla'n 31:21

Kɛ be ko yo sɔ bɔ sa yalɛ nin nyrɛnnɛn sa'm be ko tɔ bé su'n, jue nga yɛ ɔ ´yo min nin be e afiɛn lalofuɛ-ɔ. Afin jue sɔ'n ɔ su jaso-man be osu nunfuɛ'm bé nuan nun. Kɛ e ´se yɛ'n bɔbɔ, sa nga bɔ be ju mɛn nga n tali be nda kɛ n ´fa man be'n i nun lɔ-ɔ be ´yo'n, i akunndan ng'ɔ o bé ti nun'n, n si i.»

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

Jacques 5:6

An buli be nga be ti sran kpa'n be fɔ, yɛ an kunnin be, be nin amun a kpli-man.

Rit I Wun Ndɛ 4:1

Bɔaz ɔli ko trannin klɔ'n i anuan'n nun lɛ kan be siesie ndɛ lɛ'n. Ɔ ´nian-an, Elimelɛk i aja difuɛ ng'ɔ kɛnnin i ndɛ'n yɛ ɔ ´sin yɛ, yɛ ɔ flɛli i-ɔ. I waan: «Bla a gua ase.» Yɛ ɔ ´ba ɔ wa tran ase-ɔ.

1 Samiɛl 8:3

Sika klolɛ'n ti, ba sɔ'm b'a nanti-man kɛ bé si sa. Be nga be man be like'n, be yɛ be bu be ndɛ klanman-an.