Amɔs 5:10 - NYANMIƐN NDƐ'N 1998

¹⁰ Kɛ be ´kan ndɛ'n, sran ng'ɔ di nanwlɛ'n yɛ amun kpɔ i-ɔ.

Amɔs 5:10 ပူးပေါင်းရင်းမြစ်များ

1 Famiɛn Mun 18:17

Kɛ i nyinma guali Eli wun cɛ'n, ɔ usɛli i kɛ: «Nán wɔ yɛ man nyrɛnnɛn tɔ Izraɛlfuɛ'm be su nin-ɔn?»

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

1 Famiɛn Mun 22:8

Izraɛl famiɛn'n tɛli Zozafat su kɛ: «Kun tɛ o lɛ, sanngɛ i wun yo-man min fɛ, afin min wun ndɛ liɛ ng'ɔ kan kle min'n, wie fi ti-man kpa. Be flɛ i kɛ Mise, Zimla i wa-a.» Zozafat tɛli i su kɛ: «Famiɛn, ɔ li nán kan sɔ.»

2 Be Nyoliɛ 25:16

Famiɛn'n kpaloli i nuan ndɛ'n, yɛ ɔ usɛli i kɛ: «?I kpa'n, e fali wɔ kɛ a yo famiɛn'n i afɔtuɛ manfuɛ? Sɛ a kunndɛ-man kɛ be yo wɔ tɛtɛ'n, nán kan ndɛ fi kun!» Nyanmiɛn nuan ijɔfuɛ'n mannin ndɛ'n su ekun, ɔ seli kɛ: «Sa nga a yoli'n nin afɔtuɛ nga m mannin wɔ bɔ w'a fa-man ti'n, n si kɛ Nyanmiɛn ɔ'a gugu kɛ ɔ ´kun wɔ.»

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Nyanndra Mun 15:12

Sran ng'ɔ yo i wun dandan'n, ɔ klo-man kɛ be kɛn i nyrun ndɛ. Ɔ usa-man ngwlɛlɛ afɛ akunndanfuɛ wie sa nun.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Ezai 59:15

Nanwlɛ nun-man lɛ kun, sran nga i waan ɔ yo-man sa tɛ'n, be fɛn i bo ninnge mun. Anannganman wunnin sa ng'ɔ juli'n kwlakwla. Kɛ sran'm be bu-man nanwlɛ'n i like fi kun'n, i sɔ'n ɔ'a yo-mɛn i fɛ.

Zeremi 38:7

Etiopifuɛ kun be flɛ i kɛ Ebɛd-Melɛk, ɔ ti sran dan kun famiɛn i awlo nun lɔ, ɔ tili i kɛ b'a fa Zeremi b'a yi i nzue gbo'n nun. Kɛ ɔ ´yo sɔ'n wun famiɛn'n ti anuan nga be flɛ i Bɛnzamɛn anuan'n nun lɛ.

Ndɛ Nga Nyanmiɛn I Nuan Ijɔfuɛ Oze Kannin'n 4:4

Nán kɛ sran'm be kwlakwla yɛ m ´man be ndɛ-ɔ. Nán kɛ sran'm be kwlakwla yɛ n ´ijɔ be-ɔ. Wɔ bɔ a ti min nyrun jranfuɛ'n bé su kpɛn'n yɛ e nin wɔ lɛ i-ɔ .

Saun Yolɛ 13:10

Man ɔ niɛn i, sɛ ɔ niɛn i nan kannin mɔnnɛn mɔnnɛn wie ɔ'a tu i nan i kplo'n ti ufue'n kpɛkuun i su ndrɛ ndrɛ'm be ti ufue-ufue'n,

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Jean 15:19

Sɛ an ti mɛn nga nunfuɛ wie'n, wuun be klo amun yɛlɛ kɛ an ti be fuɛ. Sanngɛ kɛ n fali amun'n, n yili amun mɛn nunfuɛ'm be nun, i ti yɛ man be kpɔ amun nin-ɔn.

Jean 3:20

Sran kwlaa ng'ɔ ti sa tɛ yofuɛ'n, ɔ klo-man wia'n mlɔnmlɔn, ɔ fite-man weiin nun, afin ɔ klo-man kɛ be wun i nyoliɛ tɛtɛ'n.

Jean 7:7

Sran'm be kpɔ-man amun, sanngɛ n liɛ'n be kpɔ min, afin n seli be kɛ be nyoliɛ'n ti tɛtɛ.

Galasifuɛ Mun 4:16

?Ndɛ nanwlɛ nga n kan kleli amun'n ti'n, m'an kaci amun kpɔfuɛ?

Sa nglô yile 11:10

Sran nnyɔn sɔ'n be kunlɛ'n ´yo asiɛ'n sufuɛ'm be fɛ, be klun ´jɔ, yɛ be ´cɛ bé wun like, afin Nyanmiɛn nuan ijɔfuɛ nnyɔn sɔ'm be ´kle sran'm be yalɛ.