Amɔs 5:1 - NYANMIƐN NDƐ'N 1998

¹ Izraɛlfuɛ mun, an `sie amún su be `tie amún wun sɛ jue nga n ´to i yɛ'n.

Amɔs 5:1 ပူးပေါင်းရင်းမြစ်များ

Zeremi 18:13

I sɔ'n ti Anannganman'n wan yoo: «?An `kpɛn n sin usa nvle-nvle'm be nun nian sɛ b'a kan ndɛ sa'n wie amu'an ti i le o? Sa nga Izraɛl yoli'n i tɛ liɛ'n ɔ lɛ-man wunsu.

Zeremi 7:29

«Zidafuɛ mun, an `kpɛkpɛ amún ti muɛn b'ɔ kle kɛ min liɛ yɛlɛ amun'n, nan an `guɛ i blo. An ´to sɛ jue kpɔlɛ nga be su ti treketreke'n be su. Afin m'an yi amun blo. Yɛlɛ kɛ amun ti akpasua kun bɔ amu'an fɔkɔ mín anwlɛn.»

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Zeremi 9:17

Man be kan bé wun be wa sun ye. Man e nyinmuɛn nzue'n jranjran é ti nun nan ɔ `bu puu!»

Zeremi 9:20

‹Wie'n ɔ fu fenɛtri nun. Ɔ wlu é sua kpakpa'm be nun. Ɔ fin mantuan'm be ase akpɔ'n su. Ɔ fin gbanflɛn'm be ase gua'n su.› »

Zeremi 9:9

«N ´tike mín ti n ´sun oka'm be su. N ´yi ngwlɛ mɛn'n nun nnɛn'm be didiwlɛ'm be ti, yɛlɛ kɛ b'a yra, sran fi sin-man lɔ kun. Be ti-man nnɛn'm be kpankpanlɛ lɔ kun. I anunman o, i nnɛn o, be kwlaa b'a wie wanndi.»

Ezekiɛl 19:1

Anannganman seli min kɛ n `yi ngwlɛ Izraɛl wlengbi be ti

Ezekiɛl 19:14

Sin fin i bo nun, ɔ yrɛli i sama mun nin i mma mun. Ɔ lɛ-man sama dandan kun bɔ be kwla fa yo famiɛn kpɔnman-an. Be fa kpɛli jue, be fa yili ngwlɛ.»

Ezekiɛl 26:17

Be wa yi ɔ su ngwlɛ be se kɛ: ‹Ɔo! Nguɛ sa yɛlɛ nga, klɔ bɔ i dunman ti fuwa'n, bɔ i su sran'm be kwla jenvie'n i sufuɛ mun'n, bɔ sran'm be kwlaa be sro be'n, ɔ nun-man jenvie nuan lɛ kun.

Ezekiɛl 27:2

«Wɔ, klɔ sran, yi ngwlɛ Tir klɔ'n i su.

Ezekiɛl 28:12

«Klɔ sran, yi ngwlɛ Tir famiɛn'n i su, se i kɛ ndɛ nga min Anannganman Nyanmiɛn n kan'n yɛ: ‹Ɔ ngwlɛlɛ dan nin ɔ klanman b'ɔ lɛ-man wunsu'n ti'n, a yoli sran kun bɔ be fa ɔ nzuɛn nin-ɔn ɔ ti kpa.

Ezekiɛl 32:16

Be wa yi ngwlɛ nvle'n nun, bla mun yɛ be wa yi ngwlɛ sɔ nin-ɔn. Be ´yi ngwlɛ sɔ'n Ezipt nin i sran kpanngban nga be o nun'n be su.» Anannganman Nyanmiɛn'n yɛ ɔ kan sɔ-ɔ.

Ezekiɛl 32:2

«Klɔ sran, to Ezipt famiɛn'n i wun jue se kɛ: ‹Laa a ti mɛnmɛn'm be nyrun kɛ asɔmɔli ba sa. A ti kɛ dragɔn b'ɔ o jenvie nun'n sa. A yo man ɔ nzue'm be nyrɛn. A fa ɔ́ ja a kputu nzue mun, a yo nzue'm be fiɛn.› »

Amɔs 3:1

Izraɛlfuɛ mun, an `tie, amun bɔ Anannganman'n fali amun Ezipt lɔ bali'n, an `tie amún wun ndɛ ng'ɔ o i klun'n:

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Amɔs 5:16

I sɔ'n ti min Anannganman bɔ n sie mɛn wunmuan'n n wan yoo: «Gua'n su, ɔ ti fɛfɛlɛ'n cɛ yɛ be fɛfɛ-ɔ. Klɔ nun akpɔ'm be nun'n, sran'm be ´kpankpan be ´se kɛ: ‹Ɔo! ?Nguɛ nyrɛnnɛn ndɛ liɛ yɛlɛ nga?› Be ´flɛ fie su junman difuɛ mun sɛ bo. Kpɛkuun be nga be si ngwlɛ yi kpa'n, be ´ko flɛ be kɛ be wa sun.

Amɔs 8:14

Kpɛkuun be nga bɔ be fa Samari amuɛn'm be fa ta nda'n, ɔ nin be nga be di amuɛn be se kɛ: ‹N kan Dan lɔ amuɛn'n ti'n!› annzɛ kusu: ‹N kan Beɛr-Seba amuɛn'n ti'n,› be kwlakwla sɔ'm be ´tɔ. Be tɔ kusu-ɔ be su kwla jaso-man kun.»

Mise 2:4

Blɛ sɔ nun'n, be ´fa amun be ´kpɛ flɛn, be ´kpɛ amun wun nyrɛnnɛn jue. Jue sɔ'n be ´to be ´se kɛ yoo: «B'a wie é bo ninnge'm be fa mlɔnmlɔn, b'a de e mɛn nunfuɛ'm bé sa nun asiɛ'n kwlaa kpan. Be nga be kan e bo e fie'm be su'n, be bɔbɔ be kunngba'm be bli bé nyin be cɛ nun be fa. ?Ɔo, nguɛ sa ti yɛ man be kuankuan é bo weinwein sɔ-ɔ?»