Amɔs 4:9 - NYANMIƐN NDƐ'N 1998

⁹ «N fali tukpacɛ wie n yili i ninnge nga an lua'n be su. Be jin bé bo su lɛ sanngɛ wuun b'a wu kee, wie kusu-ɔ b'a kplɔ. N yoli man lalo'm be sacili amun fie mun. Amun vinyi fie mun nin amun figie fie ɔ nin amun olivie fie'm be sacili. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn.» Anannganman'n yɛ ɔ kan sɔ kle amun-ɔn.

Amɔs 4:9 ပူးပေါင်းရင်းမြစ်များ

1 Famiɛn Mun 8:37

Sɛ awe kpɛn wa'n, sɛ tukpacɛ bɔ sa ndɛndɛ tɔ wa'n, sɛ tukpacɛ ng'ɔ saci fie su ninnge mun'n ɔ kpɛn wa'n, sɛ aɛcɛ nin lalo'm be ba wa'n,

2 Be Nyoliɛ 6:28

Sɛ awe kpɛn'n, sɛ tukpacɛ b'ɔ sa ndɛndɛ tɔ wa'n, sɛ tukpacɛ ng'ɔ saci fie su ninnge mun'n kpɛn wa'n, sɛ aɛcɛ nin lalo mun be ba wa'n, sɛ ɔ nvle'n nunfuɛ'm be kpɔfuɛ mun be wa utu bé mɛn'n, sɛ sa kekle fanunfanun ju be su'n, sɛ tukpacɛ fanunfanun yo be'n, sɛ i kwlaa sɔ'n nun be kwlaa be wun sa nga be yoli'n, yɛ sɛ ɔ yo be ya'n nan be srɛ wɔ kpa sakpa'n, yɛ sɛ be man bé sa'm be su nan be tinngɛ be sua nga ndɛnman'n, kɛ a o ɔ tranwlɛ'n nun nyanmiɛn su lɔ'n, tɛ be su, yaci bé wun sa'n cɛ be. Yɛ sran kun i like ng'ɔ yoli'n, nian su yo ng'ɔ nin i fata'n, afin wɔ kunngba yɛ a si sran kun i anwlɛn'n nun lɔ sa nin-ɔn.

Ezai 1:5

?Amun bɔ amun jin nyin kekle yolɛ'n su sa tititi'n, ninfan yɛ be fin amun like-ɔ ɔ yo ye ekun-ɔn? Amún ti'm be kwlaa be su ti kannin ngunmin kokoko. Yɛ amun keje amun wun-ɔn ɔ yo-man ye kun.

Ezai 50:11

Amun kwlaa nga amun sɔ sin nuan'n, bɔ amun sɔ ta mma'm be nuan'n, amun ´wlu amun bɔbɔ amún sin sɔ'n nun, amun ´wlu ta mma nga amun sɔli be nuan'n be afiɛn. Anannganman yɛ man amun ´yo sɔ-ɔ. Amun ´tran nyrɛnnɛn'n nun.

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Zeremi 3:10

Sanngɛ ɔ nin i sɔ'n ngba'n i niaan bla Zida b'ɔ kunndɛ bian min bo'n, ɔ'a sɛ-mɛn i sin mín wun nanwlɛ su, ɔ kpɛli min gblɛ .» Anannganman'n yɛ ɔ kan sɔ-ɔ.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Ndɛ Nga Nyanmiɛn I Nuan Ijɔfuɛ Oze Kannin'n 11:5

Izraɛlfuɛ'm be su sa-man be sin Ezipt lɔ, sanngɛ Asiri'n yɛ ɔ ´sie be-ɔ, afin be waan be sa-man bé sin mín wun wa.

Zoɛl 1:4

Like nga ndro'm be dili be yacili i onga'n, lalo'm be wa dili. Like nga lalo'm be dili be yacili i onga'n, klannan'm be wa dili. Like nga klannan'm be dili be yacili i onga'n, aɛcɛ'm be wa dili.

Zoɛl 1:7

Be wluli n vinyi fie'm be nun be sacili be mlɔnmlɔn, be sacili n figie fie mun wie. Be buli figie mun. Be kplokploli figie sɔ'm bé wun weiin, san be waka ufue ´cɛ yɛ be kali lɛ-ɔ .

Zoɛl 2:25

Anannganman'n waan: «Amun ninnge nga be sacili'n, n ´sie be osu. Amun fie su ninnge nga ndro'm be dili, nga lalo'm be wa sacili be'n, nga klannan nin aɛcɛ mun be dili'n, i sɔ ninnge liɛ nga kakaa fa ɔklɔɔ nga n sunmannin be'n be wa sacili be'n, n ´sie be kwlaa be osu.

Amɔs 4:6

Anannganman'n wan yoo: «M bɔbɔ min yɛ n toli awe'n yili i amun klɔ'm be su yɛ man awe'n kunnin amun-ɔn, yɛ man lika'n kwlaa nun b'a nyan-man like b'a di-man-an. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn.

Amɔs 4:8

«Klɔ nnyɔn, wie-ɔ klɔ nsan be sufuɛ'm be ko yia klɔ kunngba su nzue nɛnnɛnlɛ. Be nɛnnɛn kusu-ɔ, ɔ ju-man be nɔnlɛ. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn.» Anannganman'n yɛ ɔ kan sɔ kle amun-ɔn.

Abakik 3:17

Kannzɛ mma nun-man figie'm be su'n, kannzɛ be nyan-man vinyi mma be ti-man'n, kannzɛ like fi nun-man olivie'm be su'n, kannzɛ be nyan-man aliɛ fie'm be su'n, kannzɛ bua nun-man tuin'm be nun'n, kannzɛ nannin nun-man tuin'm be nun'n,

Ndɛ Nga Nyanmiɛn I Nuan Ijɔfuɛ Aze Kannin'n 2:17

Amun junman nga amun dili'n, n sacili be ngba'n. Amun ninnge nga amun luali be'n, n fali tukpacɛ n yili bé wun, n fali nzraama bɔ kɛ nzue tɔ'n ɔ gua'n n fa sacili be. Sanngɛ amu'an sa-man amun sin mín wun.

Malasi 3:11

M man-man kakaa'm be atin be di-man amun fie'm be su ninnge mun. Vinyi'm be kusu be su ka-man lɛ ngbɛn, be ´su. M bɔbɔ min Anannganman bɔ n sie mɛn wunmuan'n, min yɛ n fua n kle amun sɔ-ɔ.

Mmla'n 28:22

Anannganman ɔ ´yo man amun ´yo kokloo. Amun wunnɛn ´trɔ fiaan, ayrɛ ´gua amun wun, jɛkuajo ´tra amun. Amun wunnɛn'n ´kaka amun, ɔ ´susu. Ɔ ´yo man lika'n ɔ ´wu kee, ble nin ɔrz'n be ´wu kee, be ´kplɔ. Sa sɔ'm be kwlakwla be ´tɔ amún su lele san amun ´wie nunnun.

Mmla'n 28:42

Amun fie'm bé su waka nin aliɛ'm be ´yo aɛcɛ'm be liɛ .