Amɔs 4:7 - NYANMIƐN NDƐ'N 1998

⁷ Kɛ ble kpɛlɛ blɛ'n ka sra nsan nan ɔ'a ju'n, yɛ n jrannin nzue'n amun su-ɔ. N tɔli nzue'n klɔ wie'm be su. Klɔ wie'm be kali lɛ. Nzue'n tɔli fie wie'm be su, sanngɛ wie'm be kali lɛ, be wuli kee.» Anannganman'n yɛ ɔ kan sɔ kle amun-ɔn.

Amɔs 4:7 ပူးပေါင်းရင်းမြစ်များ

Ezipt Lɔ Tulɛ'n 10:22

Moiz mɛnnin i sa'n su nglo. Aosin tuun kpa wlali Ezipt mɛn'n nun cɛn ba klonglo nsan .

Ezipt Lɔ Tulɛ'n 10:23

Cɛn nsan sɔ nun'n, Eziptfuɛ'm be kwla wun-man be wiengu, i sɔ'n ti sran fi tu-mɛn i bo i awlo'n nun. Sanngɛ kan Izraɛlfuɛ'm be tran lɛ'n ti weiin.

Ezipt Lɔ Tulɛ'n 8:22

Moiz tɛli i su kɛ: «Cɛcɛ, e kwla yo-mɛn i sɔ, afin nnɛn nga bɔ e fa yi tɛ man e Nyanmiɛn'n ti tete like Eziptfuɛ'm be nyrun. ?Yɛ sɛ e yi i sɔ tɛ ng'ɔ ti be nyrun tete like'n be nyrun wa'n, be su to-man e yɛbuɛ?

Ezipt Lɔ Tulɛ'n 9:26

San Gozɛn lika liɛ'n, kan Izraɛlfuɛ'm be tran lɔ'n cɛ yɛ ɔ kali lɛ-ɔ.

Ezipt Lɔ Tulɛ'n 9:4

Sanngɛ ɔ wa sie nnɛn nga be ti Izraɛlfuɛ'm be liɛ'n ɔ nin nga be ti Eziptfuɛ'm be liɛ'n be afiɛn ngbaciɛ. Izraɛlfuɛ'm be nnɛn'm be nun kun sa su wu-man.

Ezai 5:6

N ´saci i, be su kpɛkpɛ-man vinyi'n su kun, be su tutu-man fie'n nun kun. Flɔn nin owie'm be ´fifi nun, yɛ n ´se nzue ng'ɔ mlan'n kɛ nán ɔ tɔ su.

Zeremi 14:22

?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Zeremi 14:3

Sran dandan'm be sunman be sran mun kɛ be ko sa nzue blɛ be. Be kɔ-ɔ, be nyan-man nzue gbo'm be nun lɔ. Be fa be sɛ kee'm be sa be sin ba. Be kata bé ti yɛ be ba-a nyannzuɛn'n dunman nun.

Zeremi 14:4

Nzue'n tɔ-man mɛn'n nun. Asiɛ'n ɔ'a tɛtɛ sa, i ti fie difuɛ'm be si-man wie se, be kata bé ti nyannzuɛn'n dunman nun.

Zeremi 3:3

I ti nzue'n ɔ'a tɔ-man. Wawa nun nzue'n ɔ'a tɔ-man. Sanngɛ ɔ waan san tekle'n cɛ yɛ a ´bo-ɔ, nán nyan yɛ a ko sa-a.

Zoɛl 2:23

Siɔnfuɛ mun amun kusu, man amun klun jɔ, man amún wun blibli amun Anannganman amun Nyanmiɛn'n i dunman nun. Afin kɛ ɔ ko tɔ nzue nga amun fa di amun fie'm be su junman'n, bɔ wawa'n ju i kɔmin su'n, ɔ ´tɔ kɔnguɛ nzue'n ´man amun.

Zakari 14:17

Asiɛ'n su nvle nga be nunfuɛ'm b'a ɔ-man Zerizalɛm b'a ko koto-man Anannganman b'ɔ sie mɛn wunmuan'n i bo'n, nzue'n su tɔ-man be mɛn liɛ'n nun.

Jean 4:35

Amun liɛ'n, amun waan ɔ tɛ ka anglo nnan nan awie'n i kpɛlɛ a ju. Sanngɛ an `nian kɛ awie'n ɔ'a blo bɔ ɔ'a ju i kpɛlɛ-ɔ.»

1 Korɛntfuɛ Mun 4:7

?Wan yɛ ɔ se ɔ kɛ a ti kpa tra ɔ wiengu-ɔ? ?Nguɛ yɛ a lɛ i bɔ nán Nyanmiɛn yɛ ɔ mannin wɔ-ɔ? ?Sɛ i yɛ ɔ mannin wɔ'n, nguɛ ti yɛ a fa di ɔ́ nuan kɛ ɔ bɔbɔ ɔ́ sa ti like sa nin-ɔn?

Mmla'n 11:17

Sɛ ɔ yo sɔ-ɔ, Anannganman ´fa amún wun ya. Ɔ ´tannin nzue'n, nyanmiɛn su nzue'n su tɔ-man, kpɛkuun fie'm bé su yo-man ye, yɛ mɛn klanman bɔ Anannganman fa mannin amun'n, amun su cɛ-man nun .

Jacques 5:17

Eli ti sran kɛ e sa. Ɔ srɛli Nyanmiɛn ɔ jrannin su kpa kɛ, nán man nzue'n tɔ, yɛ nzue'n jrannin lele afuɛ nsan anglo nsiɛn .

Sa nglô yile 11:6

Blɛ nga be ´kan ndɛ'n, be kwla tannin nyanmiɛn su lɔ'n kɛ nán man nzue'n tɔ. Be kwla kaci nzue'm be mmoja. Blɛ kwlaa nga be klo kɛ be ´fa sa wafa-wafa'n kwlaa yi asiɛ'n sufuɛ'm bé su'n, be kwlɛ i yo .