Amɔs 4:6 - NYANMIƐN NDƐ'N 1998

⁶ Anannganman'n wan yoo: «M bɔbɔ min yɛ n toli awe'n yili i amun klɔ'm be su yɛ man awe'n kunnin amun-ɔn, yɛ man lika'n kwlaa nun b'a nyan-man like b'a di-man-an. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn.

Amɔs 4:6 ပူးပေါင်းရင်းမြစ်များ

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

1 Famiɛn Mun 18:2

Yɛ Eli ɔli Akab wun lɔ-ɔ. I blɛ sɔ nun'n, wuun awe'n nun-man Samari lɔ blɛblɛ.

2 Famiɛn Mun 4:38

Elize sɛli i sin Gilgal, kɛ ɔ ´yo sɔ'n, wuun awe'n ɔ'a kpɛn mɛn'n nun. Nyanmiɛn nuan ijɔfuɛ'm be bali i wun lɛ, yɛ ɔ seli i gbanflɛn'n kɛ: «Jin sɛ dan'n sin'n su nan tɔn tro man Nyanmiɛn nuan ijɔfuɛ mun.»

2 Famiɛn Mun 8:1

Le kun Elize seli bla ng'ɔ cɛnnin i wa'n kɛ: «A nin wɔ awlofuɛ mun amun `kunndɛ lika uflɛ nan amun ko tran lɔ, afin Anannganman su wa fa awe'n yi Izraɛl mɛn'n nun. Sɛ awe sɔ'n kpɛn'n, ɔ ´ka mɛn'n nun lele afuɛ nso nan ɔ'a wie.»

2 Be Nyoliɛ 28:22

Kannzɛ bɔ famiɛn Akaz o nyrɛnnɛn dan nun'n, sanngɛ ɔ'a mantan-man Anannganman.

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezai 3:1

Nian, e Min Anannganman b'ɔ sie mɛn wunmuan'n, ɔ wa yo man aliɛ'n nin nzue'n bé bo ´tu Zerizalɛm klɔ'n nin Zida nvle'n nun. Ɔ wa yo man like nga be kisa su'n i kwlaa ɔ ´wie sa weiin.

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Ezai 9:13

I sɔ'n ti, sɛ e ´kwla e se'n, aliɛ ba kunngba nun'n, Anannganman ´kpɛ Izraɛl'n i ti'n nin i lua'n, ɔ ´kpɛ mme'n i nnya'n nin ndɛ mma'n .

Zeremi 14:18

A kɔ fie su lɔ-ɔ, kɛ fuɛn'm be tru sa. A wlu klɔ nun-ɔn, awe'n kle-man sran'm be yalɛ ngowa. Yɛ min nuan ijɔfuɛ nin min nyrun jranfuɛ'm be wlan mɛn nun'n, be wun-man sa ng'ɔ ju'n be nyanndra.› »

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Ezekiɛl 14:21

I sin Anannganman Nyanmiɛn'n wan yoo: «Kannzɛ bɔ nyrɛnnɛn dandan nnan nga n ´fa yi Zerizalɛm klɔ'n su'n, i alɛ o, i awe o, i nnɛn tɛtɛ o, i tukpacɛ b'ɔ sa ndɛndɛ o,

Ezekiɛl 16:27

Yɛ nian, m'an tinngɛ mín sa ɔ́ wun, m'an kpɛ ɔ like sɔ'n i sin. N fali wɔ n wlali Filistifuɛ bɔ be ti ɔ kpɔfuɛ'm bé sa nun, be fali ya dan ɔ nzuɛn tɛtɛ b'ɔ yo sro'n ti.

Ndɛ Nga Nyanmiɛn I Nuan Ijɔfuɛ Oze Kannin'n 11:5

Izraɛlfuɛ'm be su sa-man be sin Ezipt lɔ, sanngɛ Asiri'n yɛ ɔ ´sie be-ɔ, afin be waan be sa-man bé sin mín wun wa.

Ndɛ Nga Nyanmiɛn I Nuan Ijɔfuɛ Oze Kannin'n 5:15

N ´kɔ, n ´sa mín sin min tranwlɛ'n nun lɔ lele san bé tɛ nga be yoli'n ɔ ´fite bé nuan. Ɔ ´fite bé nuan kpɛkuun be ´sa be sin mín wun. Cɛn nga nyrɛnnɛn'n tɔ bé su'n, be ´usa min osu.»

Zoɛl 1:16

I liɛ'n, kɛ e aliɛ'm be ´saci'n, é nyin ´ta nun. Aunblibliɛ nin aklunjuɛ b'a tu Nyanmiɛn i sua'n nun lɛ.

Saun Yolɛ 26:23

Sɛ i sɔ fɔ liɛ bɔ n tu amun'n ɔ ju-man amun'n nan se kɛ amun ´lo'n, nan amun tɛ yo nyin kekle mín su ekun'n,

Saun Yolɛ 26:26

N ´to amun awe. Kpaun tɔnwlɛ kunngba nun sa yɛ bla blu be ´kwla be tɔn kpaun-ɔn. Kpɛkuun kpaun kanngan sa yɛ bla sɔ'm be ´fa blɛ amun-ɔn. Sɛ amun di bɔbɔ'n, ɔ su kata-man amun ku bo .

Ndɛ Nga Nyanmiɛn I Nuan Ijɔfuɛ Aze Kannin'n 2:17

Amun junman nga amun dili'n, n sacili be ngba'n. Amun ninnge nga amun luali be'n, n fali tukpacɛ n yili bé wun, n fali nzraama bɔ kɛ nzue tɔ'n ɔ gua'n n fa sacili be. Sanngɛ amu'an sa-man amun sin mín wun.

Mmla'n 28:38

Amun ´di fie dandan, sanngɛ lalo'm be wie i nun ninnge'm be ´di. Like nga amun ´nyɛn i fie sɔ'm be su'n, ɔ ´yo kaan sa .

Sa nglô yile 2:21

N yacili i lɛ kaan kɛ ɔ kaci i nzuɛn'n, sanngɛ ɔ yaci-mɛn i tekle'n i bolɛ.

Rit I Wun Ndɛ 1:1

Laa jɔlɛ difuɛ'm be blɛ su'n, awe kun kpɛnnin Izraɛl mɛn'n nun. Bɛtleɛm klɔ'n b'ɔ o Zida mɛn'n nun'n lɔ, bian kun nin i yi nin i wa yasua nnyɔn mun be tuli ko trannin Moab mɛn'n nun lɔ.