Amɔs 4:5 - NYANMIƐN NDƐ'N 1998

⁵ Kpaun nga kpaun ayre o nun'n, an `yrɛ i be `fa yi bo kun yolɛ'n i su tɛ be fa man min. Amun klun klo like nga amun waan amun ´fa man'n, an `bo i ndolo. Afin nga amun waan be `fa man amun nan amun yo'n yɛ ɔ o lɛ-ɔ.» Anannganman'n yɛ ɔ kan sɔ kle amun-ɔn.

Amɔs 4:5 ပူးပေါင်းရင်းမြစ်များ

Jue Mun 81:12

Sanngɛ min sran'm b'a ti-man min aniɛn, Izraɛlfuɛ'm be kacili be sin sili min.

Ezai 1:1

Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 1:11

Anannganman wan yoo: «?Amun tɛ kpanngban bɔ amun yi'n, ɔ yo nzu ye yɛ ɔ man min-ɔn? Bua nene nga amun fa yi tɛ bɔ be yra be nnɛn'n kɔlikɔli'n, yɛ nannin nga b'a kpɛ cro bɔ amun fa yi bo kun yolɛ i su tɛ'n be lui'n, i kwlaa sɔ'n ɔ'a flan min. Nannin tola mun, nin bua nga b'a kpɛ cro'n mun, ɔ nin boli kpakpuɛ mun, bɔ amun fa yi afiɛn siesielɛ tɛ'n be mmoja'n, n kunndɛ-mɛn i kun.

Zeremi 7:10

Kpɛkuun amun kunngba'n an ba min nyrun sua bɔ min dunman yɛ ɔ o su'n nun. An ko se kɛ: Y'a fite nun. An ´se sɔ nan amu'an kwla yo amun tete sa sɔ'n ekun.

Zeremi 7:9

Awie wualɛ nin sran kunlɛ, nin sran'm bé yi'm be kunndɛlɛ'n, ɔ nin nda talɛ ato nun'n, yɛ ɔ ti amun junman-an. Amun sɔ amuɛn nga be flɛ i Baal'n. An fa amún wun wla amuɛn bɔ amun si-man be laa bɔ ngbɛn'n bé sa nun.

Ndɛ Nga Nyanmiɛn I Nuan Ijɔfuɛ Oze Kannin'n 9:1

Izraɛlfuɛ mun, nán amun bo wɛ be bo nglo, nán amun bo wɛ be yi be aklunjuɛ'n i nglo kɛ nvle kun nga mun sa. Afin sɛ n ´kwla se'n amun kpɔcili min bɔ n ti amun Nyanmiɛn'n amun tekle silɛ'n ti. Kan kwlaa nga be bo ble lɛ'n, san amun ´kunndɛ amun akatua lɛ kpan!

Ndɛ Nga Nyanmiɛn I Nuan Ijɔfuɛ Oze Kannin'n 9:10

Anannganman'n waan: «Laa Izraɛl ti min nyrun kɛ aawlɛ flɛnnɛn wie nun vinyi mma sa. Kɛ n niannin amun nannan mun'n, n wunnin kɛ be like bɔ be fɛli i'n blɛ sɔ nun'n, yɛlɛ figie mma klikli nga be nyɛn i figie'n su'n. Sanngɛ be Baal-Pɛɔr lɔ julɛ yɛ, bé wun Baal b'ɔ ti nyannzuɛn like'n i sa nun fa wlalɛ yɛ. Be fali bé wun wlali amuɛn sɔ'n i sa nun, ɔ man be bɔbɔ be kacili tete like kɛ be soman uflɛ sɔ'n sa.

Saun Yolɛ 23:17

Amun `fa kpaun nnyɔn nnyɔn amun awlobo-awlobo'm be nun, nan amun `toto be min nyrun lɛ. Sɛ amun ´tɔn kpaun kun-ɔn, amun `fa ble sanmlɛn mlɛnnɛnnɛn kpa'n i kilo nsan. Amun `gua nun kpaun ayre. Man ɔ yo amun fie'm bé su ninnge klikli mun.

Amɔs 5:21

Anannganman'n wan yoo: «Min wun wunlɛ ng'ɔ ju i blɛ-ɔ an ba'n, ɔ yo min kain, ɔ yo min tɛ. Amun anyia nga amun yia'n ɔ'a flan min.

Amɔs 5:22

Tɛ nga be yrɛ i nnɛn'n kɔlikɔli'n bɔ an ´yi man min'n, ɔ nin nnɛn nga amun kun be be man min ekun'n, b'a flan min. Nannin lowa nga an fa yi bo kun yolɛ i su tɛ'n, min ndɛ nun-man nun.

Matthieu 15:9

Be manman min ngbɛn, yɛ be kle like nga sran'm be kan'n kɛ ɔ ti Nyanmiɛn mmla .› »

Matthieu 23:23

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an yi mant'n, nin anɛt'n, ɔ nin kumɛn'n be blusu'n, sanngɛ an yaci mmla ng'ɔ ti cinnjin'n, nin nanwlɛ dilɛ'n, nin aunnvuɛ silɛ'n, ɔ nin sa kpa yolɛ b'ɔ man sran'm be fa bé wla gua amun su'n. Sa sɔ'm be yolɛ'n yɛ ɔ ti i su nin-ɔn, sanngɛ nán an yaci wie'm be yolɛ.

Matthieu 6:2

I sɔ'n ti, sɛ a ´cɛ yalɛfuɛ like'n, nán bo i ndolo kɛ dunman klofuɛ'm be yo i Nyanmiɛn ndɛ suanlɛ nin i srɛlɛ sua'm be nun nin atin'm be su, kɛ sran'm be wun be nan be yi be ayɛ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.