Amɔs 4:3 - NYANMIƐN NDƐ'N 1998

³ Be ´fa amun sin klɔ'n i wun talɛ toklotoklo'm be nun, be ´fa amun kɔ amun nyrun ndɛnman su trelele be ´ko gua amun blo Ɛrmɔn oka bue liɛ'n su lɔ.» Anannganman'n yɛ ɔ kan sɔ kle amun-ɔn.

Amɔs 4:3 ပူးပေါင်းရင်းမြစ်များ

2 Famiɛn Mun 25:4

Babilɔnifuɛ'm be kpɛli klɔ'n wun talɛ'n nun toklo. Kɔnguɛ'n, famiɛn Sedesias nin i alɛ kunfuɛ'm be kwlaa be fin klɔ'n nun fiteli, nan b'a wanndi. Be sinnin anuan ng'ɔ o famiɛn'n i fie'n i wun lɛ'n nun. Ɔ o talɛ nnyɔn'm be afiɛn'n nun. Be fali lika kpɛtɛkplɛɛ'n i atin'n, sanngɛ kɛ ɔ ´yo sɔ'n, wuun Babilɔnifuɛ'm b'a sin b'a yia klɔ'n.

2 Famiɛn Mun 7:15

Be ɔli, be ko kunndɛli be lele be juli Zurdɛn'n i nuan. Kɛ be ´kɔ'n, be wunnin kɛ tralɛ mun, ɔ nin ninnge wie mun be tru atin'n nun kɔ. Kɛ Sirifuɛ'm be ´wanndi kɔ'n, bé wun b'ɔ usu-usu be'n ti, yɛ ninnge sɔ'm be guali atin'n nun-ɔn. Be nga be sunmannin be'n be sali bé sin, be wa kannin sa nga be wunnin i'n kleli famiɛn'n.

Ezai 2:20

I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.

Ezai 31:7

Cɛn sɔ nun'n, amun amuɛn bɔ be ti sika ɔkwlɛ annzɛ jɛtɛ ufue'n, bɔ amun fa amún sa yoli'n, amun ´gua be blo.

Zeremi 52:7

Babilɔnifuɛ'm be kpɛli klɔ'n i wun talɛ'n nun toklo. Kɔnguɛ'n, alɛ kunfuɛ'm be kwlaa be fin klɔ'n nun fiteli, nan b'a wanndi. Be sinnin anuan ng'ɔ o famiɛn'n i fie'n i wun lɛ'n nun. Ɔ o talɛ nnyɔn'm be afiɛn nun. Be fali lika kpɛtɛkplɛɛ'n i atin'n. Sanngɛ kɛ ɔ ´yo sɔ'n, wuun Babilɔnifuɛ'm b'a sin b'a yia klɔ'n .

Ezekiɛl 12:12

Bé su kpɛn b'ɔ o be su'n, ɔ ´fɛ i trɔ'm ´bo i wati su yɛ ɔ ´jaso klɔ'n nun lɛ kɔ. Be ´fiti talɛ'n, kpɛkuun be ´fɛ i fite toklo'n nun, ɔ ´kɛtɛ i nyrun kɛ ɔ ´yo nan i nyinma'n ɔ'a wun-man lika'n ti.

Ezekiɛl 12:5

Bé nyin bo lɛ'n, fiti talɛ'n nan fa ɔ ninnge mun sin toklo'n nun fite.

Amɔs 6:7

Ɔ man n ´kan kle amun kɛ yoo: «Cɛn nga be ´tra sran'm be ´kɔ'n, amun yɛ be dun mmua tra amun-ɔn. Kpɛkuun cɛn dilɛ beblebe'n ´wie fuɛnfuɛ'm bé sa nun.»

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Matthieu 16:26

?Sɛ sran kun nyan mɛn wunmuan'n, nan i ti i nguan'n kpɛ sin'n, nguɛ yɛ ɔ yo ye mɛn i-ɔ? ?Yɛ nguɛ like yɛ sran kun kwla fa to i nguan nin-ɔn?

Jɔlɛ Difuɛ Mun 5:17

Galaad i akpasua su sran'm be kusu be kali be liɛ Zurdɛn'n i bue kun lɔ. ?Dan i akpasua sufuɛ'm be kusu, sɛ nguɛ sa ti yɛ be kali be mmeli'm bé wun lɔ a o? Azɛr i akpasua su sran'm be kusu be kali jenvie nuan lɔ, b'a keje-mɛn be wun. Be kali be mmeli'm be jranwlɛ'm bé su lɔ.