Amɔs 4:2 - NYANMIƐN NDƐ'N 1998

² Anannganman Nyanmiɛn'n ta nda se kɛ: «Min nzuɛn nin klɔ sran liɛ'n ti-man kun. I ti cɛn kun wa ju bɔ i sɔ cɛn liɛ nun'n, be wa cuɛn amun nin amun mma'm be ase kɛ jue bɔ b'a fɛ kowa nun'n sa .

Amɔs 4:2 ပူးပေါင်းရင်းမြစ်များ

Jue Mun 89:35

Nán kɛ n su yo-man nda nga n tali'n i nuan like ti-ɔ. N su kaci-man ndɛ ng'ɔ fin mín nuan fiteli'n.

Jue Mun 89:36

M bɔbɔ min Nyanmiɛn n tali nda. ?N ´kaci aniɛn David wun sɛ?

Ezai 37:29

Kɛ bɔ a fali mín wun ya, bɔ a kannin min wun ndɛ tɛtɛ'n ti'n, n wa wla ɔ bue nun nga, yɛ n ´wla ɔ́ nuan nun nga. N ´fa wɔ n ´sin atin kunngba nga a fa bali'n su, n ´fa wɔ n ´sa ɔ́ sin.›

Zeremi 16:16

Anannganman waan: «N wa sunman jue trafuɛ kpanngban kɛ be ko tra be. I sin n ´sunman koniɛn difuɛ kpanngban kɛ be di be wun koniɛn oka mun, nin kpɔlɛ'm be su, ɔ nin yɛbuɛ buɛ'm be kwlakwla be nun.

Ezekiɛl 29:4

Nian, n wa fa blalɛ n ´wla wɔ aoje nin ɔ je nglo'm be nun. N ´fa ɔ nzue'n i nun kpatra mun ´mantan ɔ wun bui kokloko'n su. N ´cuɛn wɔ nzue'n nun n ´fite, a nin kpatra nga be o ɔ nzue ba'm be nun bɔ be ´mantan ɔ wun bui kokloko'n su'n be kwlaa yɛ n ´cuɛn amun n ´fite-ɔ.

Ezekiɛl 34:16

N ´kunndɛ nnɛn nga be mlin'n, n ´fa be ´sa be sin. Nnɛn nga be boli be kannin'n n ´cici be kannin'n su, yɛ nga be wunnɛn yo be ya'n, m ´man be wunmiɛn, sanngɛ nga be ti lugbɔɔ nin nga be lɛ wunmiɛn tra su'n, n ´nunnun be.» N ta min nnɛn mun kɛ ɔ fata'n sa.

Ezekiɛl 38:4

N ´fa blalɛ n wla wɔ aoje'n nun yɛ n ´cuɛn wɔ a nanti kekle nun. M ´mian wɔ a fin ɔ mɛn'n nun a ´fite, wɔ alɛ kunfuɛ mun nin alɛ kakaklolo mun, nin kakaklolo nga be yoli be klanman kpa'n, ɔ nin sonja kpanngban bɔ nyrɛn nin tokofi o bé sa nun'n, yɛ a nin be fite sɔ nin-ɔn.

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Amɔs 8:7

Mɛn nga Zakɔb i anunman Izraɛlfuɛ'm be fa nyinman-nyinman bé wun'n ti, Anannganman wan yoo: «Izraɛlfuɛ'm be aeliɛ'n, mín wla su fi-mɛn i le.