Amɔs 4:13 - NYANMIƐN NDƐ'N 1998

¹³ I yɛ ɔ yili oka mun nin aunngban nin-ɔn. Sa ng'ɔ wa yo'n, ɔ dun mmua bo su kle sran mun. Ɔ cɛn aliɛ yɛ ɔ san aliɛ. I dunman'n yɛlɛ Anannganman, b'ɔ ti mɛn wunmuan'n i Nyanmiɛn'n .»

Amɔs 4:13 ပူးပေါင်းရင်းမြစ်များ

Zɔb I Nyrɛnnɛn Wunlɛ 9:7

Sɛ ɔ se wia'n kɛ nán man ɔ jaso-ɔ, ɔ fite-man. Ɔ to nzraama'm be su anuan.

Jue Mun 135:7

ɔ yo man nyanmiɛn ble'n ɔ jaso nyanmiɛn'n b'ɔ la nglo lɔ plaii'n i bue kun lɔ ba. Ɔ yo man nyanmiɛn'n ɔ kpa sin man nzue tɔ, ɔ yo man aunngban'n ɔ fita.

Jue Mun 139:2

Sɛ n ´tran ase o, sɛ n ´jaso o, a si. A si akunndan nga n wa bu'n .

Jue Mun 147:18

Kɛ ɔ ko uke i nuan'n sa'n, b'ɔ ko fitɛ i aunngban'n, wuun laglasi sɔ'n ɔ'a klo lalaa. Kpɛkuun laglasi'n b'ɔ kloli sɔ'n i nzue'n ɔ su sonji.

Jue Mun 65:6

Nyanmiɛn, a de ye. A kaci-man mlɔnmlɔn. A yo abonuan sa mun fa tɛ e su. Nvle nga be fɛ i wa lele ju asiɛ'n i bue kun lɔ'n be nunfuɛ'm be kwlaa, ɔ nin mɛn nga be o jenvie nuan'n mmua lɔ'n be nunfuɛ'm be kwlaa, ɔ́ su yɛ be lafi-ɔ.

Ezipt Lɔ Tulɛ'n 10:22

Moiz mɛnnin i sa'n su nglo. Aosin tuun kpa wlali Ezipt mɛn'n nun cɛn ba klonglo nsan .

Ezipt Lɔ Tulɛ'n 14:20

Sin wɛnsrɛn sɔ'n wo Eziptfuɛ'm be nin Izraɛlfuɛ'm be afiɛn. I bue kun ti aosin, yɛ i bue kun kusu kpaja kɔnguɛ, ɔ man be bue nnyɔn b'a kwla mantan-man be wiengu kɔnguɛ wunmuan'n nun.

Ezai 40:12

?Wan yɛ ɔ fɛli i sa klun'n sunnzunnin jenvie'n i nzue'n b'ɔ sili i nuan-an? ?Wan yɛ ɔ fɛli i sa ngbabua'n sunnzunnin nyanmiɛn'n b'ɔ la nglo lɔ plaii'n b'ɔ wunnin i tɛnndɛn nun nin i tɛtrɛ nun nin-ɔn? ?Wan yɛ ɔ tiannin asiɛ'n i su ndutre'n kwlakwla i nuan so kun nun b'ɔ sunnzunnin b'ɔ sili kɛ i nɔnnin'n ɔ ti nin-ɔn? ?Wan yɛ ɔ sunnzunnin oka mun nin kpɔlɛ mun toe su-ɔ?

Ezai 45:7

N yi lika b'ɔ kpaja weiin'n, yɛ n yi aosin tuun'n. N yo man sran'm bé wun jɔ be fɔuun, yɛ n kunngba'n n yo man nyrɛnnɛn'n ɔ ba be su. M bɔbɔ min Anannganman, min yɛ n yo ninnge sɔ'm be kwlakwla-a.

Ezai 47:4

Be flɛ e ti kpɔfuɛ'n kɛ Anannganman b'ɔ sie mɛn wunmuan'n, yɛ Izraɛl Nyanmiɛn.

Ezai 48:2

Amun bɔ Nyanmiɛn i klɔ'n i dunman'n wo amun su'n, amun bɔ amun kisa Izraɛl Nyanmiɛn bɔ i dunman yɛlɛ Anannganman b'ɔ sie mɛn wunmuan'n i su'n, amun `tie ndɛ nga.

Ezai 5:30

I cɛn sɔ nun'n, nganniɛn dan kun ɔ ´tɛ sran sɔ'm be dunman nun wie, ɔ ´tɛ kɛ jenvie yɛ ɔ su bo sa. Kɛ be ´nian mɛn'n, aosin tuun yɛ be ´wun i-ɔ. Nyanmiɛn ble likiliki kpa kun ´kata wia'n i nyrun.

Zeremi 10:13

I nuan b'ɔ ´uke sa'n, kpɛkuun nyanmiɛn su lɔ nzue'm b'a kan b'a bo nun. Nzue'n mlan dan kpa asiɛ'n i bue kun lɔ. Ɔ man nyanmiɛn'n kpa sin kpɛkuun nzue'n tɔ. Aunngban'n fin i finwlɛ nun fite.

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 13:16

An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Zeremi 46:18

Famiɛn'n bɔ i dunman yɛlɛ Anannganman b'ɔ sie mɛn wunmuan'n i wan yoo: ‹N kan m b'ɔ n wo lɛ titi'n ti. Kɛ Tabɔr oka'n fa ti oka kun nga'm be afiɛn'n kɛ Karmɛl'n fa jin jenvie'n nun zruun'n, i kunngba'n yɛ amun kpɔfuɛ'n ´fa tra amun su-ɔ.

Zeremi 51:16

I nɛn b'ɔ ´uke sa'n, kpɛkuun nyanmiɛn su lɔ nzue'n b'a kan b'a bo nun. Nzue'n ɔ mlan dan kpa asiɛ'n i bue kun lɔ. Ɔ man nyanmiɛn'n ɔ kpa sin kpɛkuun nzue'n tɔ. Sɛ e ´kwla se'n, aunngban'n fin i sua'n nun lɔ fite.

Zeremi 51:19

Sanngɛ sran ng'ɔ ti kɛ Zakɔb osufuɛ'm be anyanbeun like sa'n, ɔ ti-man kɛ be sa. Afin i yɛ ɔ ti mɛn wunmuan'n i yifuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.»

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Daniɛl 2:30

Sɛ Nyanmiɛn yili sa sɔ'n i nglo kleli min'n nán kɛ min ngwlɛlɛ'n tra sran'm be kwlaa be liɛ'n ti-ɔ. Sanngɛ kɛ ɔ ´yo nan b'a tu laliɛ'n i bo b'a kle wɔ, nan w'a si like ng'ɔ sanngan wɔ akunndan'n, i ti yɛ ɔ yoli i sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 12:6

Nyanmiɛn b'ɔ sie mɛn wunmuan'n, bɔ be flɛ i Anannganman'n seli i kɛ:

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Amɔs 3:13

Anannganman Nyanmiɛn'n, Nyanmiɛn b'ɔ sie mɛn wunmuan'n wan yoo: «An `sie amún su nan an `fa ndɛ yɛ'n be `ju Zakɔb osufuɛ'm be nyrun.

Amɔs 5:27

I sɔ'n ti, n ´yo man be wa tra amun be ´kɔ Damas sin mmua lɔ kpa.» Nyanmiɛn b'ɔ sie mɛn wunmuan'n, b'ɔ suan Anannganman'n yɛ ɔ kan sɔ kle amun-ɔn .

Amɔs 5:8

Sran ng'ɔ yili nzraama akpasua akpasua mun sran nga b'ɔ san aliɛ'n cɛn aliɛ, b'ɔ cɛn aliɛ'n b'ɔ san aliɛ'n, b'ɔ flɛ jenvie nzue'n fa ba asiɛ kee'n su'n, be flɛ i kɛ Anannganman.

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Amɔs 8:9

Anannganman'n waan: «Cɛn sɔ'n nun'n, kɛ wia'n ´ju bé ti afiɛn sɛsɛ'n, n ´yo man lika'n ´ka lɛ lu tuun wia sɔ'n nun lɛ, aosin'n ´wla asiɛ wunmuan'n su .

Amɔs 9:6

Nyanmiɛn kplannin i bɔbɔ i sua'n nglo lɔ. I sua ja'n wo asiɛ'n su wa. Kɛ ɔ flɛ jenvie'n, wuun jenvie sɔ'n ɔ'a de asiɛ wunmuan'n. Nyanmiɛn sɔ'n i dunman yɛlɛ Anannganman.

Mise 1:3

Sakpa, Anannganman yɛ ɔ fin i tranwlɛ'n nun lɔ ɔ su ba yɛ, ɔ su jra, ɔ su nanti asiɛ'n su oka'm bé ti su nglo lɔ .

Abakik 3:19

Anannganman Nyanmiɛn'n ti min wunmiɛn manfuɛ, ɔ yo man mín wun kpɛ kɛ álua mun sa, ɔ yo man n nanti oka fleinflein'm be su .

Zakari 12:1

Ndɛ cinnjin'n yɛ, Anannganman b'ɔ boli nglo nin asiɛ'n, b'ɔ mannin sran nguan'n, i ndɛ ng'ɔ kan Izraɛl wun'n yɛ:

Matthieu 9:4

Jésus wunnin be akunndan'n, nan ɔ'a se kɛ: «?Nguɛ ti yɛ amun akunndan'n ti tɛ sɔ-ɔ?

Jean 2:25

ɔ man ɔ'a klo-man kɛ be kan sran wun ndɛ be kle i. Afin i bɔbɔ si sran klun lɔ akunndan'n ngba .

Jean 3:8

Aunngban'n fita kan ɔ klo'n, a ti i ngan, sanngɛ a si-mɛn i finwlɛ nin i kɔwlɛ. Sran kwlaa nga Nyanmiɛn Wawɛ'n wu i'n, kɛ ɔ ti sɔ-ɔ.

Mmla'n 32:13

Ɔ man ɔ trannin lika kpɔlɛkpɔlɛ'm be su ɔ man ɔ dili fie'm bé su aliɛ'n, ɔ man ɔ nɔnnin yɛbuɛ'm be nun awɛma nzue'n, ɔ man ɔ nyannin ngo dili. Ngo sɔ'n, ɔ fin kpangba'm be nun.

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»