Amɔs 4:10 - NYANMIƐN NDƐ'N 1998

¹⁰ «N fali tukpacɛ tɛ bɔ sa ndɛndɛ'n n yili amun su kɛ Eziptfuɛ'm be liɛ laa'n sa. N yoli man amun kpɔfuɛ'm be kunnin amun gbanflɛn mun, be trali amun nnɛn kpanngɔ mun ɔli. Amun ngblaliɛ'm be nun fuɛn bɔ be bɔn'n, ɔ wluli amun bue nun. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Amɔs 4:10 ပူးပေါင်းရင်းမြစ်များ

2 Famiɛn Mun 10:32

I blɛ sɔ nun'n, Anannganman man Izraɛl mɛn'n i su kpɛli. Azaɛl b'ɔ ti Sirifuɛ'm be famiɛn'n ɔ nin i sran'm be kwlali Izraɛlfuɛ mun. Be fali lika ng'ɔ o be nin Izraɛlfuɛ'm be anyialiɛ'n su'n lele guɛ i lɔ gɔ.

2 Famiɛn Mun 13:3

Anannganman fali ya Izraɛlfuɛ'm bé wun, nan ɔ'a yi be ɔ'a man Azaɛl b'ɔ ti Sirifuɛ'm be famiɛn'n. I sin ɔ yili be mannin Azaɛl i wa Bɛn-Adad ekun. Ɔ yoli i sɔ cɛli kpa.

2 Famiɛn Mun 13:7

Sran nga be kali Zɔakaz sa nun'n be ti sonja akpi blu (10.000), be nanti bé ja, yɛ nnɛn kpanngɔ fufuɛ ablenun. Like ng'ɔ yacili i bé sa nun ekun'n yɛlɛ kakaklolo blu. Siri famiɛn'n nunkunnin be nga'm be ngba. Be flɛ kɛ ɔ nantili be su, be yoli kɛ ndutre sa.

2 Famiɛn Mun 8:12

Azaɛl usɛli i kɛ: «?Baba, ɔ yo sɛ ti yɛ a sun-ɔn?» Elize tɛli i su kɛ: «Sa ti bɔ n sun'n yɛlɛ kɛ yalɛ nga a ´fa kle Izraɛlfuɛ mun'n, n si i kwlakwla'n. Be klɔ nga be sili bé wun'n, a ´wɔ be nun, be gbanflɛn mun, a ´fa tokofi kun be, be mma mun, a ´wɛtɛ be, be wunnzɛfuɛ mun, a ´kpaci be ku'n nun.»

Ezipt Lɔ Tulɛ'n 10:27

Anannganman yoli man famiɛn'n keteli i anwlɛn'n, ɔ man i waan ɔ man-man be atin be kɔ-man.

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Ezipt Lɔ Tulɛ'n 14:4

N wa kete famiɛn'n i anwlɛn'n, ɔ wa su amun su. Min kwlalɛ bɔ n ´fa kwla famiɛn'n nin i alɛ kunfuɛ mun'n ti, sran'm be wa manman min. Kɛ ɔ ko yo sɔ'n, Eziptfuɛ'm be wa si kɛ min yɛ n ti Anannganman nin-ɔn.» Izraɛlfuɛ'm be yoli nga Moiz kan kleli be kɛ be yo'n.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 8:19

N wa yo man nyrɛnnɛn ng'ɔ ´ju amún su'n, ɔ su ju-man min sran liɛ'm be su wie. Abonuan sa sɔ'n wa ju ainman.› »

Ezipt Lɔ Tulɛ'n 9:12

Anannganman yoli man Ezipt famiɛn'n i anwlɛn'n keteli kɛ Anannganman bɔbɔ dun mmua kan kleli Moiz'n sa. Ɔ'a fɛ-mɛn i su ɔ'a sie-mɛn i Moiz nin Aarɔn be ndɛ'n bo.

Ezipt Lɔ Tulɛ'n 9:17

Sanngɛ, ɔ nin i sɔ'n ngba'n, a tɛ si i nvle'n i nyrun ce, ɔ waan a yaci-mɛn i sran'm be nun man be kɔ-man.

Ezai 34:3

Be nga like nyannin be'n, be ´tru asiɛ wun lɛ. Saka'm be ´bɔn fiaan. Be mmoja'n sonji oka'm be su.

Ezai 50:11

Amun kwlaa nga amun sɔ sin nuan'n, bɔ amun sɔ ta mma'm be nuan'n, amun ´wlu amun bɔbɔ amún sin sɔ'n nun, amun ´wlu ta mma nga amun sɔli be nuan'n be afiɛn. Anannganman yɛ man amun ´yo sɔ-ɔ. Amun ´tran nyrɛnnɛn'n nun.

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Ezai 9:13

I sɔ'n ti, sɛ e ´kwla e se'n, aliɛ ba kunngba nun'n, Anannganman ´kpɛ Izraɛl'n i ti'n nin i lua'n, ɔ ´kpɛ mme'n i nnya'n nin ndɛ mma'n .

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Zeremi 11:22

be ti Anannganman'n wan yoo: «E nin be e wa yia nun. Alɛ'n ´di be gbanflɛn mun, awe'n kun bé mma yasua nin bé mma bla mun.

Zeremi 15:3

Anannganman'n waan: «N wa fa nyrɛnnɛn wafa nnan n ´yi be su. Alɛ'n ´di be, alua'm be ´cuɛn be fuɛn'm be ase, anunman nin bo nun nnɛn tɛtɛ'm be ´di be, be ´nunnun be.

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 48:15

Moab ɔ'a nunnun. B'a wɔ lɔ klɔ'm be nun. Be su kankan lɔ gbanflɛn mun be ´kɔ be kunlɛ. Famiɛn'n yɛ ɔ kan sɔ-ɔ. Famiɛn sɔ'n i dunman'n yɛlɛ Anannganman b'ɔ sie mɛn wunmuan'n.

Zeremi 49:26

Damas gbanflɛn'm be ´tɔ klɔ'n i gua'n su sa flɛnnɛnnɛn! Cɛn sɔ nun'n, i alɛ mma'm be ´wu sekeseke !» Anannganman b'ɔ sie mɛn wunmuan'n yɛ ɔ kan sɔ-ɔ.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Zeremi 6:11

Ya ng'ɔ kun min'n ti-man blɛblɛ. N suɛn i bo-ɔ ɔ suan-man kun. «Yi i nglo guɛ i ba kanngan nga be wlan akpɔ'n su'm be su. Yi i nglo gbanflɛn'n be anyia'm be nun. Be ´fa yasua mun nin bé yi mun, be ´tra sran kpɛnngbɛn mun nin oke kpa mun, be ´fa be kɔ.

Zeremi 9:22

Anannganman'n wan yoo: «Nán ngwlɛlɛfuɛ'n fɛ i ngwlɛlɛ di i nuan. Nán wunmiɛnfuɛ'n fɛ i wunmiɛn'n di i nuan. Nán anyanbeunfuɛ fɛ i anyanbeun di i nuan.

Ndɛ Nga Nyanmiɛn I Nuan Ijɔfuɛ Oze Kannin'n 11:5

Izraɛlfuɛ'm be su sa-man be sin Ezipt lɔ, sanngɛ Asiri'n yɛ ɔ ´sie be-ɔ, afin be waan be sa-man bé sin mín wun wa.

Zoɛl 2:20

Amun kpɔfuɛ nga be fin mɛn'n i nglo lɔ be bali'n, n ´fuan be. N ´kankan be bo ´kɔ mmua, be ´kɔ aawlɛ flɛnnɛn'n i wun lɔ. Be nga be dun mmua be nyrun'n, n ´su be n ´guɛ i jenvie ng'ɔ ti njin nzue klakla'n nun. Be nga be o siɛn'n, n ´su be n ´guɛ i jenvie bɔ be flɛ i Mediterane'n nun. Be fuɛn'm be ´bɔn tɛ, be bɔnlɛ'n ɔ ´de lika'n kwlaa.» Be nga be kleli amun nyrɛnnɛn'n, kɛ be awieliɛ'n ɔ ´wie be kɛ nga sa .

Saun Yolɛ 26:16

sa nga n ´fa wla amun nun'n yɛ o yɛ: sa sroesroe mun bɔ be kun srɛ'n, ɔ nin nzisi koklo'n, ɔ nin ayrɛ ng'ɔ gua bé wun'n yɛ n ´to n yi amún su-ɔ. I sɔ ninnge liɛ mun'n, be man sran'n ɔ tu i ba nun, yɛ be man ngokoɛ ɔ kun i. Amun ´di fie ngbɛn, san be nga be nin amun be kun'n, be yɛ be ´fɛ i su ninnge'm be ´di-ɔ.

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Amɔs 4:6

Anannganman'n wan yoo: «M bɔbɔ min yɛ n toli awe'n yili i amun klɔ'm be su yɛ man awe'n kunnin amun-ɔn, yɛ man lika'n kwlaa nun b'a nyan-man like b'a di-man-an. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn.

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Ndɛ Nga Nyanmiɛn I Nuan Ijɔfuɛ Aze Kannin'n 2:17

Amun junman nga amun dili'n, n sacili be ngba'n. Amun ninnge nga amun luali be'n, n fali tukpacɛ n yili bé wun, n fali nzraama bɔ kɛ nzue tɔ'n ɔ gua'n n fa sacili be. Sanngɛ amu'an sa-man amun sin mín wun.

Mmla'n 28:21

Anannganman ɔ ´yo man tukpacɛ ng'ɔ sa ndɛndɛ su yaci-man amun yolɛ. Tukpacɛ sɔ'n ɔ ´tru gua amun wun lele san ɔ ´kun amun mɛn nga amun ´ko fa'n nun lɔ.

Mmla'n 28:22

Anannganman ɔ ´yo man amun ´yo kokloo. Amun wunnɛn ´trɔ fiaan, ayrɛ ´gua amun wun, jɛkuajo ´tra amun. Amun wunnɛn'n ´kaka amun, ɔ ´susu. Ɔ ´yo man lika'n ɔ ´wu kee, ble nin ɔrz'n be ´wu kee, be ´kplɔ. Sa sɔ'm be kwlakwla be ´tɔ amún su lele san amun ´wie nunnun.

Mmla'n 28:60

Sa ng'ɔ fa yili Eziptfuɛ'm bé su bɔ be yo amun sro'n, ɔ ´fa yi amun su wie, yɛ be ´ka amun wun.

Mmla'n 7:15

Anannganman ´yo man tukpacɛ fi su nyan-man amun, yɛ ɔ ´yo man sa sroesroe nga be juli Eziptfuɛ'm bé su bɔ amun bɔbɔ amun wunnin be'n, be su nyan-man amun, amun kpɔfuɛ'm bé su yɛ be ´tɔ-ɔ.