Amɔs 3:9 - NYANMIƐN NDƐ'N 1998

⁹ Amun `kpan be se Asdɔd famiɛn'n i awlofuɛ mun nin Ezipt famiɛn'n i awlofuɛ mun kɛ yoo: «Be `yia Samari oka'm be su lɔ, nan be `nian sannganlɛ bɔ ɔ'a sanngan lɔ-ɔ nin sa kekleekle bɔ ɔ'a ju sran'm be su lɔ-ɔ.»

Amɔs 3:9 ပူးပေါင်းရင်းမြစ်များ

2 Samiɛl 1:20

N ´srɛ, nán be bo jasin nga Gat lɔ. Nán be kan sin Askalɔn akpɔ'm bé su, sɛ ɔ yo sɔ'n, Filisti talua'm be klun ´jɔ, sɛ ɔ yo sɔ'n, be nga b'a wla-man be klɛn sɔ'n be mma bla'm be ´bo sro.

Nyanndra Mun 1:13

E yo sɔ nan e nyan ninnge kpakpa wafa'n kwlaa'n e `fa sie é sin é sua'm be nun.

Nyanndra Mun 11:16

Bla ng'ɔ ti klanman'n, be kannvun i. Yasua ng'ɔ ti like yofuɛ'n, ɔ nyɛn i wun.

Akunndanfuɛ'n 4:1

Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Zeremi 31:5

A wa ta vinyi Samari oka'm be su ekun. Vinyi tafuɛ'm be ta-a, be di i su mma.

Zeremi 46:14

«Be `bo jasin yɛ'n Ezipt mɛn'n nun lɔ. Be `bo i jɔ Migdɔl lɔ. Be `bo i jɔ Nɔf nin Tapanɛs lɔ. Be `se be kɛ: ‹Alɛ'n ɔ'a di amun mantanfuɛ mun, i ti an `ko jranjran. An `siesie amun wun.›

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Ezekiɛl 36:8

Yɛ amun li, Izraɛl oka mun, waka'm bɔ be bua amun su'n be yɛ be wa su mma be ´man amun Izraɛlfuɛ bɔ be ti min sran mun nin-ɔn.

Ezekiɛl 37:22

N ´yo man be kaci nvle wunmuan kun mɛn'n nun Izraɛl oka'm be nun. Be ´nyan famiɛn kunngba, be su yo-man nvle nnyɔn kun. Be su yo-man famiɛn diwlɛ nnyɔn kun .

Ndɛ Nga Nyanmiɛn I Nuan Ijɔfuɛ Oze Kannin'n 7:1

«Kɛ n waan n ´yo Izraɛlfuɛ mun nan be `yo juejue'n, kpɛkuun Efraimfuɛ'm be fɔnlɛ liɛ'n, ɔ nin Samarifuɛ'm be sa tɛtɛ nga be yo be'n yɛ b'a tɛ nglo yɛ. Be lakalaka sran'm be di bé wun ninnge mun. Awiefuɛ'm be wluwlu sua'm be nun, kodiawiefuɛ'm be gua klɔ nun atin'm be nun yɛ be yo abɔlɛ nin-ɔn.

Amɔs 1:8

N ´nunnun Asdɔdfuɛ mun nin famiɛn ng'ɔ sie Askalɔn'n. N ´tu mín nyin n ´wɔ Ekrɔnfuɛ mun. Filistifuɛ'm be kwlaa nga be ka'n be ´wie wu.» Anannganman'n yɛ ɔ kan sɔ kle amun-ɔn .

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Amɔs 5:11

Amun di be nga be lɛ-man wie'n be lufle. Be ble kan nga be kpɛ'n, kpɛkuun amu'an ko de wie bé sa nun. I sɔ'n ti, sua kpakpa nga an kplannin'n, an su tran-man be nun. Amun anwlɛn su vinyi nga an tali'n, bɔ be su mma fɛfɛ'n, amun su nɔn-man vinyi sɔ'm be su mma'n be nzue wie.

Amɔs 6:1

Amun bɔ an ti Siɔn lɔ be ´di pɔɔ'n, bɔ an gua Samari kpɔlɛ'n su lɔ bɔ an bu i kɛ amu'an nyan amun ti'n, an yako lele! Be blɔ kɛ mɛn'n nun be nga be lɛ nyrun'n, amun yɛ be ti be klikli nin-ɔn, yɛ Izraɛlfuɛ'm be kɔ amun sin-ɔn .

Amɔs 6:3

An bu i kɛ an ´yo sɔ nan nyrɛnnɛn cɛn'n ɔ ´cuɛn kɔ i sin, sanngɛ kusu wuun sa kekle blɛ'n yɛ amun su mɛntɛn i-ɔ.

Amɔs 8:6

An yo ble'n nin i wla'n i atɛ sran'm bé sa nun. An fa be bɔ be lɛ-man like'n be kaci amun kanga. Sɛ amun ngbabua nnyɔn cɛ kalɛ o yalɛfuɛ nin sran ng'ɔ lɛ-man like'n be su, nan be kwla yi-man'n, an fa be sɔfuɛ mun yo amun kanga.

Mise 6:10

Ninnge nga sran tɛtɛfuɛ'm be wuali b'ɔ si bé sua'm be nun'n, ɔ nin be toe bɔ be kpɛ i kilo'n su'n, i sɔ tete like liɛ'n, n su yaci cɛ-man be.

1 Samiɛl 5:1

Filistifuɛ'm be fali Nyanmiɛn i alaka'n Ebɛn-Ezɛr lɛ be ɔli Asdɔd.