Amɔs 3:2 - NYANMIƐN NDƐ'N 1998

² «Sran beblebe nga be wo asiɛ'n su'n, amun kunngba cɛ yɛ n fali amun kɛ e nin amun e su nanti-ɔ. I sɔ'n ti amún sa tɛ kwlaa nga amun yoli'n, e nin amun e ´kɛn i ngba'n i ti ndɛ.»

Amɔs 3:2 ပူးပေါင်းရင်းမြစ်များ

Bo Bolɛ 10:32

Noe i mma'm be akpasua-akpasua'n kɛ be afiliɛ nin be nvle'n be ti'n yɛ ɔ o lɛ-ɔ. Kɛ anannganman su nzue'n tɔ sinnin'n, nvle-nvle nga b'a trɛ asiɛ'n su yɛ'n, be fin be .

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Jue Mun 147:19

Ɔ kɛn i nuan su ndɛ mun kle Zakɔb. Ɔ fɛ i mmla fanunfanun'n man Izraɛlfuɛ mun.

Ezipt Lɔ Tulɛ'n 32:34

Siɛn'n, kɔ, dun mmua Izraɛlfuɛ'm be nyrun, nan fa be kɔ kan n waan a `fa be wɔ lɔ'n. Min anz'n ´dun mmua ɔ nyrun. Min liɛ'n, n wa yi mín wun nglo cɛn kun, yɛ n ´tu be fɔ bé sa tɛ'm be ti.»

Ezai 63:19

Kɛ e yoli kɛ sran'm bɔ a sie-man be'n nan ɔ dunman nun-man be su sa'n, ɔ'a cɛ kpa. Sɛ ɔ ti kɛ a su kpaci nyanmiɛn'n b'ɔ la nglo lɔ plaii'n nun'n yɛ a su jra wa'n, wuun oka'm be ´keje ɔ nyrun sa gbugbugbu.

Zeremi 1:15

Nian, n wa flɛ famiɛn diwlɛ ng'ɔ o Izraɛl mɛn'n i nglo lɔ'n i nun nin akpasua kunngun'm be nun sran mun kɛ be bla. Be wa kpɛ be ngblaliɛ mun Zerizalɛm anuan'n nun Zerizalɛm klɔ'n i talɛ'm be wun sɛsɛsɛ ɔ nin Zida klɔ'm be talɛ'm be wun.

Zeremi 10:25

Be ng'ɔ fata kɛ ɔ ya dan'n tran be su'n, yɛlɛ mɛn nga be si-man wɔ'n, yɛlɛ minniɛn nga be bo-man ɔ dunman'n. Afin be su fɛn ɔ nvlefuɛ'm be bo ninnge mun. Be su saci be tranwlɛ'n, be su nunnun be.

Zeremi 11:22

be ti Anannganman'n wan yoo: «E nin be e wa yia nun. Alɛ'n ´di be gbanflɛn mun, awe'n kun bé mma yasua nin bé mma bla mun.

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 14:10

Nvle nga nunfuɛ'm be wun ndɛ bɔ Anannganman kan'n yɛ: «Be akunndan'n ti nnyɔn-nnyɔn ngboko. Bé nyin kan-man ase. Anannganman'n klo-mɛn i sɔ'n. I nyin wo bé sa tɛ'm be su. Ɔ ´bu be fɔ bé sa tɛ'n ti.»

Zeremi 9:25

sran sɔ mun be yɛ: Eziptfuɛ mun, Zidafuɛ mun, Edɔmfuɛ mun, Amɔnfuɛ mun, Moabfuɛ mun, ɔ nin aawlɛ flɛnnɛn'n nun lɔfuɛ bɔ akanza yilɛ'n ti be nzuɛn'n mun, afin nvle nga be o lɛ'n be wie fi wla-man klɛn. Izraɛlfuɛ'm be kusu sɛ e ´kwla se'n, b'a wla-man be anwlɛn'n i klɛn.»

Ezekiɛl 5:9

N wa kle amun nun. Sa nga n wa fa wla amun nun'n, n nian yo-mɛn i sɔ le. Yɛ n su yo-mɛn i sɔ'n wie kun le. Afin tete sa dan kpa yɛ an yoli-ɔ .

Ezekiɛl 9:6

An `nunnun sran oke o, gbanflɛn o, talua o, ba kanngan mun o, bla mun o. Sanngɛ be nga bɔ be sieli be ngban su nzɔliɛ'n, nán amún sa kan be wie fi. An `bo i bo mín sua'n i nyrun lɛ .» Be boli sran'm be kunlɛ bo kpɛnngbɛn nga be o Nyanmiɛn i sua'n i nyrun lɛ'm be su.

Daniɛl 9:12

Like nga ɔ waan a ´yo e nin é su kpɛnngbɛn nga be sie ye'n, a yoli. A fa nyrɛnnɛn yili e bɔ e o Zerizalɛm'n e su. I sɔ nyrɛnnɛn liɛ'n, be nian wun-mɛn i wun su mɛn'n i lika uflɛ le.

Ndɛ Nga Nyanmiɛn I Nuan Ijɔfuɛ Oze Kannin'n 2:13

N ´yo man i aklunjuɛ'n ɔ ´wie, ɔ su di-man cɛn kun. I anglo le kun o, i wunmiɛn-delɛ-cɛn o, ɔ nin cɛn uflɛ mun'n ɔ su di-man be kun.

Ndɛ Nga Nyanmiɛn I Nuan Ijɔfuɛ Oze Kannin'n 5:3

M bɔbɔ n si Efraim, Izraɛl i wun sa'n, ɔ fia-man min nyrun. Afin siɛn'n, Efraim si tekle'n wie, ɔ man fiɛn ɔ'a kan Izraɛl wunmuan.»

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Ndɛ Nga Nyanmiɛn I Nuan Ijɔfuɛ Oze Kannin'n 9:9

An yoli sa tɛtɛ'n lele ɔ'a bobo su kɛ Gibea blɛ su'n sa, i sɔ sa tɛ liɛ'n, Anannganman'n su bu-man nnya gua-man su, ɔ ´tu amun fɔ sa tɛ sɔ'm be ti .

Amɔs 2:4

Anannganman'n wan yoo: «Zidafuɛ'm bé sa tɛtɛ nga b'a yo'n sɔnnin. Mmla nga n fa mannin be'n, be yoli i finfin. B'a fa-man mín nuan su ndɛ'm be su. Be yacili atin kpa'n be fali uflɛ, i ti be mlinnin. Gblɛ ninnge kɛ amuɛn'm be sa'n, bɔ be nannan'm be yoli'n be su yɛ be su-ɔ. Ɔ man e nin be y'a nyɛn i.

Amɔs 3:3

?Sran nnyɔn bɔ be ´kɔ lika sa'n, sɛ bé nuan ɔ'a dun-man mmua ɔ'a sɛ-man bé wun'n, be kɔ likawlɛ sɛ yɛ ɔ yo ye-ɔ?

Amɔs 6:1

Amun bɔ an ti Siɔn lɔ be ´di pɔɔ'n, bɔ an gua Samari kpɔlɛ'n su lɔ bɔ an bu i kɛ amu'an nyan amun ti'n, an yako lele! Be blɔ kɛ mɛn'n nun be nga be lɛ nyrun'n, amun yɛ be ti be klikli nin-ɔn, yɛ Izraɛlfuɛ'm be kɔ amun sin-ɔn .

Mise 2:3

I ti man Anannganman wan yoo: «Sran tɛtɛ kɛ amun sa'n, m'an dun mmua m'an bu amún nyrɛnnɛn klelɛ'n i akunndan m'an sie, an su fin-man nun be fite-man. Siɛn'n, sɛ amun ´nanti-ɔ, amun su kwla-man amún ti'n su man kun, afin i sɔ blɛ liɛ'n ´yo nyrɛnnɛn blɛ.»

Naɔm 3:4

Niniv, a ti kɛ tekle bla sa, tekle nga a bo'n ɔ'a sɔn lele ɔ'a kpe nun. A fa ɔ klanman nin abonuan ninnge mun fa flɛ sran mun, a fa ɔ wlaka bolɛ'n fa mlin mɛn nin nvle sunman.

Sa nga bé yôli'n 17:26

Sran ng'ɔ yili be'n be kwlaa be osu'n ti kun. Ɔ yili be kɛ be tran asiɛ'n su, ɔ sieli be afuɛ nga be di'n i nuan, yɛ ɔ jali nvle kun nin kun be awɛ.

Rɔmfuɛ Mun 2:9

Be kwlaa nga be yo sa tɛtɛ'n, yalɛ klelɛ'n ´tɔ be su, yɛ be ´wun nyrɛnnɛn dan, Zuif'm be yɛ be ti i klikli-ɔ, i sin be nga mun.

1 Korɛntfuɛ Mun 8:3

Sanngɛ sran ng'ɔ klo Nyanmiɛn'n, Nyanmiɛn si i sɔfuɛ'n.

Mmla'n 10:15

Amun nannan'm be kunngba cɛ yɛ Anannganman fɛli i wun mantannin be-ɔ. Be kunngba cɛ yɛ ɔ kloli be-ɔ. Ɔ man nvle'm be kwlaa be nun'n, ɔ fali amun bɔ amun wo lɛ ndɛkɛn yɛ'n, bɔ amun ti be anunman mun'n. Amun si sɔ.

Mmla'n 26:18

Ndɛkɛn'n, amun kusu amu'an ta nda kɛ amun ´yo i nvle klonglonglo kɛ ɔ fa kannin'n sa, nan amun ´fɛ i mmla'm bé su.

Mmla'n 32:9

Anannganman i like liɛ ng'ɔ nyɛnnin i'n yɛlɛ Izraɛlfuɛ mun. Ɔ fali Zakɔb i osu nunfuɛ mun yoli i bɔbɔ liɛ.

Mmla'n 4:32

Amun `bu sa nga be juli lalafuɛ nun'n i sin nan b'a wu amun'n i akunndan. ?Kɛ ɔ fin cɛn bɔ Nyanmiɛn boli sran jrɛli i asiɛ'n su'n, yɛ kɛ ɔ fɛ i asiɛ'n i bue kun lele b'ɔ ´fa guɛ i bue kun ekun lɔ'n, sa dan kɛ nga sa ɔ'a ju le? ?B'a kɛn i sɔ ndɛ amu'an ti i le?

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

1 Piɛr 4:17

Cɛn nga be ´bo jɔlɛ dilɛ'n bo'n ɔ'a ju, be ´bo i bo Nyanmiɛn bɔbɔ i awlo'n nun. ?Sɛ e su yɛ be ´bo i bo'n, be nga be fa-man Nyanmiɛn jasin fɛ'n su'n, be liɛ'n ´yo sɛ?