Amɔs 3:14 - NYANMIƐN NDƐ'N 1998

¹⁴ Cɛn nga bɔ n jaso kɛ n ´tu Izraɛl fɔ'n, mín sa wa kan sraka yiwlɛ nga be o Betɛl lɔ'n mun. Like nga be ti kɛ nnɛn wɛ sa bɔ be o sraka yiwlɛ sɔ'm be cɔnjɔ'm be su'n, be ´bubu be ´gua asiɛ wun .

Amɔs 3:14 ပူးပေါင်းရင်းမြစ်များ

2 Famiɛn Mun 23:15

Sraka yiwlɛ ng'ɔ o Betɛl'n, ɔ nin Nɛbat i wa Zeroboam bɔ man Izraɛlfuɛ'm be fɔnnin'n i sraka yiwlɛ lika'n b'ɔ yoli i kpɔlɛ'n su'n, Zozias bubuli be. Ɔ wɔli amuɛn sɔwlɛ'n nun ɔ kacili nzuɛn, yɛ ɔ wɔli waka nga be takali bɔ be sɔ i'n nun ekun.

2 Be Nyoliɛ 31:1

Kɛ cɛn dilɛ'n wieli'n, Izraɛlfuɛ nga be o lɛ'n be ɔli Zida klɔ'm be su. Be ko sacili yɛbuɛ nga be takali be'n. Be bubuli waka nga be kplannin be bɔ be sɔ be'n mun. Be sacili be nga be si-man Nyanmiɛn'n be sraka yiwlɛ lika nga be o kpɔlɛ'm be su'n mun nin amuɛn sɔwlɛ mun. Be yoli i sɔ Zida nin Bɛnzamɛn akpasua'n, nin Efraim nin Manase be akpasua'm be su. I sin be sali bé sin be ɔli be klɔ'm be su sɛsɛsɛ.

Ezipt Lɔ Tulɛ'n 32:34

Siɛn'n, kɔ, dun mmua Izraɛlfuɛ'm be nyrun, nan fa be kɔ kan n waan a `fa be wɔ lɔ'n. Min anz'n ´dun mmua ɔ nyrun. Min liɛ'n, n wa yi mín wun nglo cɛn kun, yɛ n ´tu be fɔ bé sa tɛ'm be ti.»

Amɔs 2:8

Lika kwlaa bɔ be sɔ be amuɛn'm be lɛ'n, yalɛfuɛ'm bé wun ninnge nga be fa wlali aowa bé sa nun'n yɛ be sɛ be la su-ɔ. Nzan nga be dede i be sran'm bé sa nun'n, yɛ be nɔn i be amuɛn sua'm be nun-ɔn.

Amɔs 4:4

«Izraɛlfuɛ mun, an `wɔ Betɛl Nyanmiɛn sua'n nun lɔ, amun li nán amun yaci amun sa tɛ'n i yolɛ. Wie kusu-ɔ, an `wɔ Gilgal Nyanmiɛn sua'n nun lɔ amun li nán amun yaci amun sa tɛ'n i yolɛ. Kɛ an ju lɔ'n, i aliɛ cɛn'n, an `yi amun tɛ mun. I le nsan su'n, an `fa amún sa nun ninnge'n i blusu'n be man min.

Amɔs 7:10

Amazia b'ɔ ti Betɛl lɔ Nyanmiɛn nyrun jranfuɛ'n ɔ ko mannin Zeroboam ngaliɛ kɛ yoo: «Amɔs kunndɛ kɛ ɔ ´yi wɔ ase Izraɛl nvle'n nun, ndɛ ng'ɔ kan be'n, e mɛn nunfuɛ'm be su kwla yaci cɛ-mɛn i .

Amɔs 7:13

Betɛl wa ti famiɛn'n i bɔbɔ i Nyanmiɛn sua, ɔ ti Izraɛl famiɛn'n i sua. Nán e ti kɛ a su ijɔ Nyanmiɛn nuan wa kun .»

Amɔs 7:9

Izaak osufuɛ'm be sraka yiwlɛ lika nga be o kpɔlɛ kpɔlɛ'm be su'n, n ´saci be. M ´bubu be amuɛn sua'm be kwlaa. N ´fa alɛ n ´tua Izraɛl nvle'n i kalɛ.»

Amɔs 9:1

N ´wun Anannganman nin-ɔn, ɔ jin i sɔwlɛ'n su. I waan: «Man be bubu sua ja'm bé ti su nglo gbagblagba'n nan Nyanmiɛn sua'n i nyrun lika'n ɔ `keje. N ´kpuke sran'm be kwlakwla bé ti'n nun, sɛ be wie ka lɛ'n, n ´yo man be nunkun be. Sran fi su kwla wanndi-man. Be wie su fi-man nun fite-man.