Amɔs 3:12 - NYANMIƐN NDƐ'N 1998

¹² Anannganman'n wan yoo: «Kɛ asɔmɔli tra bua kun'n, i nga bua kankanfuɛ'n kwla de i nuan nun'n, yɛlɛ bua'n i ja nnyɔn, wie kusu-ɔ i sukpɔ nnya'n i bue kan. Sa kunngba sɔ'n yɛ ɔ wa tɔ Izraɛlfuɛ nga be tran Samari'n be su-ɔ. Be bɔ be la bia ndɛnndɛn kpakpa'm be nun'n nin be bɔ be la bɛ fɔkunfɔkun'm be su'n, san be nun kaan sa yɛ be ´nyan bé ti-ɔ.»

Amɔs 3:12 ပူးပေါင်းရင်းမြစ်များ

1 Famiɛn Mun 20:30

Be akpi-akpi ablaɔn-nin-nso (27.000) nga be kali'n be wanndi ɔli Afɛk lɔ, kpɛkuun talɛ b'ɔ sisi klɔ sɔ'n i wun'n bu tɔli bé su. Bɛn-Adad wanndi wluli klɔ'n nun. Ɔ ko fiali sua kun i nun ba kun i longo kpa'n nun.

1 Famiɛn Mun 20:34

Bɛn-Adad seli i kɛ: «Klɔ nga mín si fali be ɔ́ si sa nun'n, n ´wlɔ be m man wɔ. Sɛ a klo'n, kplan ɔ like atɛ yowlɛ Damas lɔ kɛ mín si yoli i Samari lɔ'n sa.» Akab waan: «E nin wɔ e wa tra aenguɛ, kpɛkuun m ´man wɔ atin a ´kɔ.» Yɛ ɔ nin i be trali aenguɛ sakpa, nan ɔ'a mɛn i atin.

1 Famiɛn Mun 22:25

Mise tɛli i su kɛ: «Cɛn nga a wa wanndi ko fia ɔ sua ba'n kun i longo kpa nun'n yɛ a ´wun i wlɛ-ɔ.»

2 Famiɛn Mun 16:9

Asiri famiɛn'n kplinnin flɛlɛ bɔ Akaz flɛli i'n su. Ɔ ɔli Damas. Ɔ ko fali alɛ wlali lɔfuɛ'm be sin, ɔ kwlali be, yɛ ɔ trali be lomuɛn ɔli Kir, kpɛkuun ɔ kunnin Rɛzɛn.

Ɛstɛr 1:6

Be fali nyanman ufue-ufue nin ɔkwlɛ-ɔkwlɛ be fa wlawlali jɛtɛ ufue nga'm be nun, yɛ be fa minndali sua ja wie'm be wun. Sua ja sɔ'm be ti yɛbuɛ kpa. Be fali lɛn tannin tanmue ufue-ufue nin ble nzue-nzue be fa sende-sendeli nyanman sɔ'm be su. Be fali bia ndɛnndɛnndɛn wie mun sieli i sua'n nun. Bia sɔ'm be ti sika ɔkwlɛ nin jɛtɛ ufue. Be wlali sua sɔ'n nun karo fanunfanun, ɔkwlɛ o nun, ufue o nun, ble tritri o nun.

Ɛstɛr 7:8

Kɛ famiɛn'n ´fin waka'm bé bo lɔ ´ba cɛn diwlɛ lɛ'n, ɔ ´nian-an, Aman yɛ ɔ o bia tɛnndɛn bɔ Ɛstɛr ti su'n su yɛ. Yɛ i waan: «?Nan min bɔbɔ mín nyin bo wa nin min sua nun wa yɛ a wa tɔ min yi'n gblu ekun-ɔn?» Kɛ famiɛn'n ´se sa'n, wuun i sran'm b'a kata Aman i ti lalaa.

Jue Mun 132:3

«Sɛ n nian nyan-man Anannganman i lika, sɛ n nian nyan-man sua n nian man-man Zakɔb i Nyanmiɛn b'ɔ kwla'n, kɛ n ´wlu min bɔbɔ min sua liɛ nun sa nan n ´fu min bɛ'n su n ´la m muanmuan min nyinma n lafi bɔ cɛ'n, nán min-ɔn.»

Ezai 17:7

I cɛn sɔ nun'n, sran'n ɔ ´kpɛ i nyin sran b'ɔ yili i'n i su, ɔ ´mɛn i nyin su nian Izraɛl Nyanmiɛn'n.

Ezai 31:4

Amun `nian, ndɛ nga Anannganman kan kleli min'n yɛ, i waan: «Kɛ asɔmɔli'n, annzɛ asɔmɔli ba'n ko trɛ i nnɛn'n, kannzɛ be fa bua su nianfuɛ kpanngban kɛ be wa kun i'n, ɔ o su lɛ'n, wuun ɔ ´kpan. Sɛ be ´kpan o, i ndɛ nun-man nun, sɛ be sɔnnin o, srɛ kun-mɛn i. N kusu, m bɔ n ti Anannganman bɔ n sie mɛn wunmuan'n, kɛ n wa jra Siɔn oka'n su n ´kun alɛ'n, kɛ n ´yo sɔ-ɔ.»

Ezai 8:4

Afin kwlaa nan bakan ɔ'a si baba nin manmin flɛ'n, be ´fa Damas lɔ anyanbeun'n nin Samari lɔ ninnge mun ko man Asiri famiɛn'n.»

Amɔs 6:4

Amu'an tinngɛ amún wun famiɛn li'm be su cɛ. Amu'an la bia ndɛnndɛn'm be nun yɛ bua nga b'a kpɛ cro'n nin nannin nga b'a lo lɛklɛɛ'n, yɛ an di-ɔ.

Amɔs 9:8

Anannganman Nyanmiɛn b'ɔ sie mɛn wunmuan'n i nyin ta Izraɛl famiɛn'm be kwlaa bɔ sa tɛ'n yɛ ɔ ti be like yɛ be yo'n, ɔ ´nunnun be asiɛ'n su. Sanngɛ ɔ'a se-man kɛ ɔ ´nunnun Zakɔb anunman'm be ngba.