Amɔs 3:11 - NYANMIƐN NDƐ'N 1998

¹¹ I sɔ'n ti Samarifuɛ mun, Anannganman Nyanmiɛn'n wan yoo: «Amun kpɔfuɛ'm be wa sin yia amun mɛn'n, be ´bubu talɛ ng'ɔ si amun klɔ wun'n, be ´fɛn amún sua kpakpa'm be nun ninnge mun.»

Amɔs 3:11 ပူးပေါင်းရင်းမြစ်များ

Bo Bolɛ 34:27

Zakɔb i mma nga mun be fali be nga be kunnin be'n bé bo ninnge mun. Be fɛnnin klɔ'n su ninnge'm be kwlaa be niaan bla bɔ be sokpɛli i'n ti.

2 Famiɛn Mun 15:19

Be o lɛ kpɛkuun Pil b'ɔ ti Asiri famiɛn'n ɔ'a wlu Izraɛlfuɛ'm be mɛn'n nun. Yɛ Mɛnaɛm fali sika tɔnun ablasan mɛnnin i kɛ ɔ ukɛ i nan i sielɛ'n `taka.

2 Famiɛn Mun 15:29

Pekak blɛ su'n, Tilgat-Pilnezɛr b'ɔ ti Asiri famiɛn'n wa fali klɔ nga be o yɛ mun: Izɔn, nin Abɛl-Bɛt-Maaka, nin Zanɔak, nin Kedɛs, ɔ nin Azɔr. Ɔ fali Galile mɛn'n, nin Galaad mɛn'n, ɔ nin Nɛftali lika wunmuan'n. Ɔ fali lika sɔ'm be nun sran mun ɔli Asiri.

2 Be Nyoliɛ 36:19

Babilɔnifuɛ'm be wɔli Nyanmiɛn i sua'n nun. Be bubuli Zerizalɛm klɔ'n wun talɛ'n. Be wɔli famiɛn i sua'm be kwlaa be nun, yɛ be sacili klɔ'n nun ninnge kpakpa'm be kwlaa kpan.

Zɔb I Nyrɛnnɛn Wunlɛ 20:21

I konvi tɛ'n ti ɔ wun like-ɔ ɔ yaci-mɛn i lɛ. I sɔ'n ti muae b'ɔ lɛ i'n ɔ su cɛ-man.

Amɔs 2:5

N ´fa sin n ´yi Zida mɛn'n nun. Ɔ man i sɔ sin liɛ'n ɔ ´yra sua nglanman nga be o Zerizalɛm lɔ'n mun.»

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Amɔs 3:15

M ´bubu ayrɛ blɛ sua mun nin aunyɛyɛ blɛ sua mun. Sua nga be fa sui je be wlawlali nun'n, be ´wie bubu. Sua sroesroe sɔ'm be ´tu lɛ!» Anannganman'n yɛ ɔ kan sɔ kle amun-ɔn.

Amɔs 6:14

Anannganman b'ɔ sie mɛn wunmuan'n i kusu ɔ'a fua. I waan: «I sɔ'n ti Izraɛlfuɛ mun, n wa yo man nvle kun nin amun be wa yia nun. Ɔ ´bo amun nun klelɛ bo Amat i wun lɔ lele ɔ ´fa ju Araba nzue ba ng'ɔ kpalo vivi'n i nuan lɔ.»

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.