Amɔs 3:10 - NYANMIƐN NDƐ'N 1998

¹⁰ Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Amɔs 3:10 ပူးပေါင်းရင်းမြစ်များ

Zɔb I Nyrɛnnɛn Wunlɛ 20:21

I konvi tɛ'n ti ɔ wun like-ɔ ɔ yaci-mɛn i lɛ. I sɔ'n ti muae b'ɔ lɛ i'n ɔ su cɛ-man.

Jue Mun 14:4

Sa tɛ yofuɛ mun, be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

Nyanndra Mun 1:13

E yo sɔ nan e nyan ninnge kpakpa wafa'n kwlaa'n e `fa sie é sin é sua'm be nun.

Nyanndra Mun 11:16

Bla ng'ɔ ti klanman'n, be kannvun i. Yasua ng'ɔ ti like yofuɛ'n, ɔ nyɛn i wun.

Nyanndra Mun 28:5

Sran nga sa tɛ'n yɛ be waan be `fa man be nan be yo'n, be si-man sa nuan su yolɛ'n i bo. Sanngɛ be nga be mantan Nyanmiɛn'n, be liɛ'n be wun sa'n kwlaa wlɛ.

Akunndanfuɛ'n 4:1

Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 5:4

N waan: «Sran nga be ti-man nanndoliɛ mun-ɔn. Be si-man sa, afin be si-man Anannganman i atin'n, mmla ng'ɔ ti i cinnjin'n, be si-mɛn i.

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Ezekiɛl 22:29

Sran'm be tɛtɛ yolɛ yɛ nvle'n i nunfuɛ'm be yo-ɔ. Be wua yɛ be bo nyrɛnnɛnfuɛ mun nin yalɛfuɛ'm be akpo. Like ng'ɔ ti-man bɔ be fa yo aofuɛ mun yɛ be fa yo be-ɔ.

Ezekiɛl 8:17

Nyanmiɛn usali min kɛ: «?Klɔ sran, a wun i? ?Sa tɛ nga Zidafuɛ'm be yo i wa yɛ'n, ɔ kwla ju-man be sɔ? ?Ɔ fata kɛ be ko yo sa ukpo-ukpo mɛn'n i lika kwlaa nun nan be `fa fɔkɔ min anwlɛn ekun? Nian, be su fa nnya nɔnman be kɔ be bue nuan .

Ndɛ Nga Nyanmiɛn I Nuan Ijɔfuɛ Oze Kannin'n 7:1

«Kɛ n waan n ´yo Izraɛlfuɛ mun nan be `yo juejue'n, kpɛkuun Efraimfuɛ'm be fɔnlɛ liɛ'n, ɔ nin Samarifuɛ'm be sa tɛtɛ nga be yo be'n yɛ b'a tɛ nglo yɛ. Be lakalaka sran'm be di bé wun ninnge mun. Awiefuɛ'm be wluwlu sua'm be nun, kodiawiefuɛ'm be gua klɔ nun atin'm be nun yɛ be yo abɔlɛ nin-ɔn.

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Amɔs 5:7

Amun yo man sa ng'ɔ ti kpa'n, sran'm be bu i sa tɛ. Be nga be di nanwlɛ'n, amun yi be ase.

Amɔs 6:12

?Nnɛn kpanngɔ'm be wanndi yɛbuɛ su-ɔ, ɔ yo ye? ?Be kwla fa nannin be trutru kpangba nun kɛ be ´lua nun like-ɔ ɔ yo ye'n? ?Yɛ wuun sɛ ti yɛ amu'an yo man nanwlɛ dilɛ'n ɔ'a kaci kɛ duwlɛ sa nin-ɔn, bɔ sa i nan su yolɛ'n ɔ'a kaci kɛ kondu sa nin-ɔn?

Amɔs 6:3

An bu i kɛ an ´yo sɔ nan nyrɛnnɛn cɛn'n ɔ ´cuɛn kɔ i sin, sanngɛ kusu wuun sa kekle blɛ'n yɛ amun su mɛntɛn i-ɔ.

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Mise 6:10

Ninnge nga sran tɛtɛfuɛ'm be wuali b'ɔ si bé sua'm be nun'n, ɔ nin be toe bɔ be kpɛ i kilo'n su'n, i sɔ tete like liɛ'n, n su yaci cɛ-man be.

Sofoni 1:9

I sɔ cɛn liɛ nun'n, be bɔ be ju Nyanmiɛn sua'n i anuan'n nun bɔ be tu be tra i tiaan nga be fa wlu nun lɔ su'n, kɛ sran bɔ be si-man Nyanmiɛn'n be sa'n, n ´tu be fɔ. Be nga bɔ b'a fa awie'n nin sa tɛtɛ yolɛ'n b'a fa nyan bé wun, bɔ i sɔ ninnge'm b'a yi be amuɛn sua mun piɛ'n, n ´tu be fɔ.

2 Piɛr 3:5

Sa kun o lɛ bɔ be klo-man kɛ be bu i akunndan. Sa sɔ'n yɛlɛ kɛ lalafuɛ nun kɛ Nyanmiɛn kannin ndɛ kun'n, kpɛkuun asiɛ'n nin nyanmiɛn su lɔ'n be trannin lɛ. Asiɛ'n fin nzue'n nun yɛ ɔ fiteli-ɔ, ɔ o nzue i afiɛn.