Amɔs 2:9 - NYANMIƐN NDƐ'N 1998

⁹ Sanngɛ wuun Amɔrfuɛ mun bɔ be tɛnndɛn'n ti kɛ sɛdri waka sa'n, bɔ be kekle'n ti kɛ sɛni waka sa'n, m bɔbɔ min m'an nunnun be m'an guɛ i ti nin bo m'an man amun.

Amɔs 2:9 ပူးပေါင်းရင်းမြစ်များ

Bo Bolɛ 15:16

Wɔ anunman siansian mun yɛ be ´ba wa-a, afin Amɔrfuɛ'm bé sa tɛ bɔ be yo'n ɔ nian bobo-man su bɔ man n ´fuan be-ɔ.»

1 Be Nyoliɛ 1:14

Ɔ ti Zɛbisfuɛ mun, nin Amɔrfuɛ mun, nin Girgazfuɛ mun, nin

Zɔb I Nyrɛnnɛn Wunlɛ 18:16

Ɔ ´yo kɛ waka bɔ i bo olui'n nin i sama'm b'a wu'n sa.

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Ezipt Lɔ Tulɛ'n 34:11

Amun `nian nga n se amun kɛ amun yo i ndɛkɛn yɛ'n su kpa amun `yo. N wa dun mmua amun nyrun, n ´fuan Amɔrfuɛ mun, nin Kanaanfuɛ mun, nin Ɛtfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ mun.

Ezai 10:33

Amun nian, Anannganman Nyanmiɛn b'ɔ sie mɛn wunmuan'n, ɔ ´fɛ i wunmiɛn'n kwlaa kpɛkpɛ waka sama mun. Waka nga be ti fleiinfleiin'n, ɔ ´kpɛ bé bo, nga be ti ndɛnndɛn kpa'n, ɔ ´bu bé bo gua.

Ezai 5:24

I sɔ'n ti, sɛ be ti waka'n, wuun n ´se kɛ, kɛ sin'n ɔ fa yra awie ja'n sa'n, kɛ sin'n ɔ fa di ijre kee'n sa'n, be olui'n ɔ ´saci, yɛ be nyrɛ'n be ´yo munkun-munkun be ´kaci kɛ ndutre sa. Afin be yili Anannganman b'ɔ sie mɛn wunmuan'n i mmla'n i ase, yɛ be yoli Izraɛl Nyanmiɛn'n i nuan ndɛ'n i finfin.

Ezekiɛl 17:9

Se be kɛ: ‹Kosan nga Anannganman Nyanmiɛn usa'n yɛ: ?Vinyi sɔ'n ɔ kwla yo kpa? ?Anunman nyin klikli'n ɔ ko tutu-mɛn i olui'n yɛ ɔ su ti-mɛn i su mma, nan i waka nin i nnya nga be waan be ´fɛfɛ'n b'a wu kee? Sɛ i waan ɔ su tu i bo'n, nán wunmiɛn dan nin sran kpanngban yɛ ɔ kunndɛ-ɔ .

Kalɛ 32:13

Moiz kɛnnin i ekun kɛ: «Ya bɔ Anannganman fɛli i Izraɛlfuɛ'm bé wun'n ti ɔ miannin be man be dili aawlɛ flɛnnɛn'n nun lɔ afuɛ ablanan, lele san be nga be yoli nyin kekle i su'n be blɛ sufuɛ'm be kwlaa be wieli wu.

Mmla'n 1:28

?Ninfan cɛ yɛ e ´sin bɔ e ´kpɛn lɔ-ɔ?› E niaan'm be bubuli é sa sin. Be waan: ‹Lɔ sran'm be tɛnndɛn tra ye, yɛ be lɛ wunmiɛn tra ye. Be klɔ'm be ti dandan, talɛ ng'ɔ si klɔ sɔ'm bé wun'n be ti nglo-nglo kpa, be to nyanmiɛn'n lɔ. Yɛ e wunnin Anak i anunman'm bɔ be ti sran blamiɛn'n be lɔ wie bɔbɔ.› »

Mmla'n 3:11

Ɔg b'ɔ ti Bazan famiɛn'n yɛ ɔ ti Rɛfafuɛ'm be kasiɛn b'ɔ kali-ɔ. I li bɔ be sieli i su'n ɔ ti blalɛ. Kɛ e se yɛ'n, ɔ o Raba b'ɔ ti Amɔnfuɛ'm be famiɛn klɔ'n su lɔ. I tɛnndɛn nun'n ti mɛtri nnan, yɛ i tɛtrɛ nun'n ti mɛtri nnyɔn.

Zozie 10:12

Kɛ Anannganman fali Amɔrfuɛ mun wlali Izraɛlfuɛ'm bé sa nun, cɛn sɔ nun'n, yɛ Zozie srɛli Anannganman Izraɛlfuɛ'm be nyrun lɛ, ɔ seli kɛ: «Wia, jran Gabaɔn ti su nglo lɛ! Anglo, nán tu ɔ bo Azalɔn kongo'n su!»

Zozie 3:10

Amun wa wun i jrɛiin kɛ Nyanmiɛn b'ɔ lafi-man'n, ɔ o amun afiɛn nan ɔ wa fuan Kanaanfuɛ mun, nin Ɛtfuɛ mun, nin Evfuɛ mun, nin Ferezfuɛ mun, nin Girgazfuɛ mun, nin Amɔrfuɛ mun, ɔ nin Zɛbisfuɛ mun amun nyrun sakpa.