Amɔs 2:7 - NYANMIƐN NDƐ'N 1998

⁷ Nga be kunndɛ'n, yɛlɛ kɛ be bɔ be lɛ-man like'n, be ´mianmian be lele be ´de be sa nun ninnge kwlaa. Yalɛfuɛ'n kɛn i ndɛ liɛ-ɔ, jɔlɛ difuɛ'm be bu-mɛn i like fi. Sran kun nin i si be kunndɛ bla kunngba. I sɔ'n ti min dunman'n i sacilɛ.

Amɔs 2:7 ပူးပေါင်းရင်းမြစ်များ

2 Samiɛl 12:14

sanngɛ wɔ man Anannganman i kpɔfuɛ'm be yoli i finfin. I sɔ'n ti ba nga w'a wu i yɛ'n ɔ ´wu.»

1 Famiɛn Mun 21:4

Kɛ bɔ Nabɔt b'ɔ ti Zizreɛlfuɛ'n seli Akab kɛ ɔ kwla fɛ-mɛn i nannan'm be aja'n mɛn-mɛn i ti'n, ɔ fali ya dan kpa, ɔ mlɛnnin i nyrun, kpɛkuun i awlo kɔlɛ nun-ɔn. Ɔ ko lali, ɔ kacili i nyin talɛ lɔ. Ɔ'a di-man like.

Nyanndra Mun 28:21

Ndɛ kwlɛ dilɛ'n ti-man kpa. Sanngɛ sran wie mun'n, bé nuan nun aliɛ ngbɛn sa'n ti, be yo i sɔ gblɛ sa liɛ'n.

Ezai 10:1

Be nga be kpɛ mmla tɛtɛ mun, bɔ be kpli be klɛ mmla nga be kle sran'm be nyrɛnnɛn'n, be yako!

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezai 3:14

Anannganman su di i sran'm be afɔtuɛ manfuɛ mun nin be kpɛnngbɛn'm be jɔlɛ. Ɔ se be kɛ: «Amu'an saci vinyi'n. Like nga amun fali be yalɛfuɛ'm bé sa nun'n, be o amún sua'm be nun.

Ezai 3:15

?Nzu ti yɛ amun tin min sran'm be su-ɔ? ?Nzu ti yɛ amun yo yalɛfuɛ'm be tokotoko sɔ-ɔ?» Min, Anannganman bɔ n sie mɛn wunmuan'n min yɛ n usa sɔ-ɔ.

Ezekiɛl 22:11

Ɔ lɔ'n, be kunndɛ be wiengu'm bé yi mun, wie'm be laka be wa'n i yi annzɛ be mian be niaan bla bɔ be nin i be si ti-man kun'n be nin i be la.

Ezekiɛl 36:20

Nvle nga be ɔli be nun lɛ'n, bé sa tɛ'n ti min dunman fɛ'n ɔ sacili be kwlaa be nun. Kɛ be wun be'n, be se kɛ: ‹Anannganman i nvle nunfuɛ mun-ɔn. Be fin i mɛn'n nun lɔ yɛ be ba-a.›

Ndɛ Nga Nyanmiɛn I Nuan Ijɔfuɛ Oze Kannin'n 4:14

Ɔ man amun mma mmla nga be sili tekle'n, n su yo-man be sa fi, amun sewi nga be kunndɛli be wiengu'm bé wun mun'n, n su yo-man be sa fi. Amun yɛ e nin amun y'a nyɛn i-ɔ. Afin amun yasua'm be bɔbɔ yɛ amun cuɛn mmla'm be kɔ klɛ nun, yɛ ninnge nga amun fa man amuɛn mun'n yɛ amun nin tekle nga be o sua'm be nun'n be di-ɔ. Be bu be nyanndra be se kɛ: «Nvle nga ngwlɛlɛfuɛ nun-man nun'n, i sɔ nvle liɛ'n ti mlinfuɛ.»

Saun Yolɛ 18:15

Nán man amun nin amun wa yasua wie i yi be si sua, afin bla'n sɔ'n ti amun sewi. Amun nin i be si sua-a ɔ nin i sɔ'n fata-man.

Saun Yolɛ 18:21

Nán man amun fa amun mma mun be ko yi tɛ be man amuɛn nga be flɛ i Mɔlɔk'n, afin sɛ ɔ yo sɔ-ɔ, ɔ ti min dunman'n i sacilɛ. Min yɛ n ti Anannganman amun Nyanmiɛn nin-ɔn.

Saun Yolɛ 18:8

Nán man sɛ amún si i yi uflɛ o lɛ-ɔ, amun nin i si sua. Ɔ ti-mɛn ti-ɔ, ɔ ti amún si i nyin ase gualɛ.

Saun Yolɛ 20:3

M bɔbɔ min e nin i sɔ sran liɛ'n e lɛ i. N ´kɛn i bo Izraɛlfuɛ'm be afiɛn i mma'm be nun kun b'ɔ fa ko yili tɛ mannin Mɔlɔk'n ti. Ɔ'a yo min tranwlɛ'n i finfin, yɛ kusu ɔ'a saci min dunman klanman'n.

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Amɔs 5:11

Amun di be nga be lɛ-man wie'n be lufle. Be ble kan nga be kpɛ'n, kpɛkuun amu'an ko de wie bé sa nun. I sɔ'n ti, sua kpakpa nga an kplannin'n, an su tran-man be nun. Amun anwlɛn su vinyi nga an tali'n, bɔ be su mma fɛfɛ'n, amun su nɔn-man vinyi sɔ'm be su mma'n be nzue wie.

Amɔs 5:12

«Min Nyanmiɛn, amún sa tɛ nga amu'an yo'n, bɔ ɔ'a bobo su n si be. N si kɛ sran nga ɔ'a yo-man like fi'n, an fa bé nyin be ci i. An kan ndɛ sika nun. Amun ndɛ kanwlɛ lɔ'n, amun bu ndɛ be yi i yalɛfuɛ'm be su.»

Amɔs 8:4

Amun bɔ an tɛ tia mɛn'n nun aunnvuɛfuɛ'm be su bɔ amun waan nán amún nyinma wun be nga be lɛ-man nyrun mɛn nun'n, an `tie ndɛ ng'ɔ o yɛ'n:

Mise 2:2

Sɛ fie wie yɛ bé nyin blo su'n, san be ´fa. Sɛ kusu awlo wie yɛ be waan be ´fa'n, san i falɛ yɛ be ´fa-a. Be fɛn sran mun nin be awlofuɛ'm bé bo ninnge mun. Sran'm be osu'n nun be asiɛ mun bɔ be ti kɛ be aja like sa'n, be fa gblɛ be de bé sa nun .

Mise 2:9

Awlo nga min nvle'n nun mmla'm be klo nun tranlɛ'n, amun ko kankan be bo i nun. Kpɛkuun anyrunnyan nga n fa mannin be mma mun'n, an deli bé sa nun.

Sofoni 3:3

I famiɛn i awlo lɔ sran dandan'm be ti kɛ asɔmɔli b'ɔ su tian'n sa. I su jɔlɛ difuɛ'm be ti kɛ nsoso bɔ nnɔsua be ko di koniɛn bɔ sanngɛ nglɛmun be nyan-man like be kpisa-man'n sa.

Rɔmfuɛ Mun 2:24

Afin be klɛli i kɛ: «Amun Zuif mun amun ti, be bɔ be ti-man Zuif'n be saci Nyanmiɛn dunman .»

1 Korɛntfuɛ Mun 5:1

Be ti i lika'n kwlaa kɛ amu'an fa bla nin bian kunndɛlɛ'n amu'an cici amún ti lele ɔ man amun nun kun a de i si yi'n. Bla kunndɛlɛ wafa sɔ'n, be bɔ be ti-man Kristfuɛ'n bɔbɔ be yo-man .