Amɔs 2:6 - NYANMIƐN NDƐ'N 1998

⁶ Anannganman'n wan yoo: «Izraɛlfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Sran nga ɔ'a yo-man sa'n, sika dunman nun ti be yo i atɛ ɔ kaci kanga. Ngbabua kunngun nnyɔn cɛ bɔ yalɛfuɛ'n ɔ'a kwlɛ-mɛn i kalɛ tannin'n ti, be yo i atɛ.

Amɔs 2:6 ပူးပေါင်းရင်းမြစ်များ

2 Famiɛn Mun 18:11

Asiri famiɛn'n trali Izraɛlfuɛ'm be lomuɛn yɛ ɔ fali be ɔli Asiri. Ɔ ko sieli wie mun Kalak nvle'n nun. Ɔ ko sieli wie mun nzue ba bɔ be flɛ i Kabɔr'n i nuan. Nzue ba sɔ'n wo Gɔzan nvle'n nun. Yɛ ɔ ko sieli wie mun ekun Medifuɛ'm be klɔ'm bé su.

2 Famiɛn Mun 18:12

Sa sɔ'n juli be su yɛlɛ kɛ b'a tie-man Anannganman be Nyanmiɛn'n i aniɛn'n. Sa sɔ'n i bo'n i wie yɛlɛ kɛ aenguɛ nga Anannganman nin be trali'n, b'a bu-mɛn i like fi, yɛ b'a fa-man ndɛ nga Anannganman i sufuɛ Moiz kan kleli be'n su. I ti b'a nian-man su b'a nanti-man.

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Ezekiɛl 22:13

«Zerizalɛmfuɛ mun, amun ndrunmun dilɛ nin sran'm be kunlɛ'n ti, n wa fa min acɔliɛ'n n kle amun.

Zoɛl 3:3

N ´yo abonuan sa mun nyanmiɛn su lɔ, yɛ n ´yi atrɛ asiɛ'n su wa. Be ´wun mmoja nin sin, ɔ nin sin wɛnsrɛn dan.

Zakari 11:5

Be bɔ be to i sɔ nnɛn mun'n, be ´kun be-ɔ be bu-mɛn i kɛ sa yɛ be su yo i lɛ-ɔ. Be nga kusu bɔ be yo be atɛ'n, be liɛ nga be kan'n yɛlɛ kɛ yoo: ‹E `la Anannganman'n i ase, afin e yɛ y'a nyan e wun yɛ.› Bua sɔ'm bé su nianfuɛ'm be si-man be aunnvuɛ bɔ kaan sa.