Amɔs 2:4 - NYANMIƐN NDƐ'N 1998

⁴ Anannganman'n wan yoo: «Zidafuɛ'm bé sa tɛtɛ nga b'a yo'n sɔnnin. Mmla nga n fa mannin be'n, be yoli i finfin. B'a fa-man mín nuan su ndɛ'm be su. Be yacili atin kpa'n be fali uflɛ, i ti be mlinnin. Gblɛ ninnge kɛ amuɛn'm be sa'n, bɔ be nannan'm be yoli'n be su yɛ be su-ɔ. Ɔ man e nin be y'a nyɛn i.

Amɔs 2:4 ပူးပေါင်းရင်းမြစ်များ

2 Famiɛn Mun 17:19

Zidafuɛ mun bɔbɔ b'a fa-man Anannganman b'ɔ ti be Nyanmiɛn'n i ndɛ'm bé su. Be nantili atin nga Izraɛlfuɛ'm be kpɛli'n su.

2 Be Nyoliɛ 25:14

Kɛ Amazia kwlali Edɔmfuɛ mun b'ɔ sɛli i sin bali'n, ɔ man be fali be lɔ amuɛn mun bali. Ɔ fa yoli i bɔbɔ i amuɛn, ɔ koto bé bo, yɛ ɔ man be yra ansans man be.

2 Be Nyoliɛ 30:7

Nán amun yo kɛ amún si nin amun niaan nga be kacili be sin be sili Anannganman b'ɔ ti be nannan'm be Nyanmiɛn'n sa. Nyanmiɛn man awlaboɛ'n yili be, amun bɔbɔ amun nyinma ta nun.

Neemi 1:7

E fɔnnin ɔ́ wun, y'a fa-man mmla fanunfanun nga a fa mannin ɔ sufuɛ Moiz'n su .

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Ezai 28:15

Amun waan amun nin wie'n b'a tra aenguɛ, amun waan amun nin blɔlɔ'n b'a tra janvuɛ, ɔ man kɛ sa kekle'n ɔ ´ba'n, ɔ ´to fuan amun, afin amun waan amun ´fia ato'n i sin, yɛ amun fa gblɛ'n ´kata amún nyin.

Ezai 44:20

Cuekee, be fa be wla gua like b'ɔ ti kɛ nzuɛn sa'n i su. Sa bɔ be wun-mɛn i wlɛ'n ti b'a mlin. Be amuɛn'n ɔ de-man be. Kusu be bɔbɔ be usa-man bé wun kɛ: «Nán like ngbɛn li yɛ ɔ o min sa nun yɛ?»

Zeremi 16:11

tɛ be su kɛ: ‹Anannganman'n waan: Amún si'm be yili min ase, be ko suli ninnge'm be su, be suli be, be kotoli be bo. Be yili min ase, b'a fa-man min mmla'n su.

Zeremi 16:12

Amun kusu sa tɛ nga amun yoli'n, ɔ trali amún si'm be liɛ'n. Amun waan amun klun klo akunndan liɛ'n cɛ yɛ amun ´fa su-ɔ. Ɔ lɛ-man amun nun kun. Ndɛ nga n kan'n, amun tie-man.

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 6:19

Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Zeremi 8:9

Ngwlɛlɛfuɛ'm b'a wun nyannzuɛn. Srɛ'n ɔ'a kun be kpo, b'a mian. Yɛlɛ kɛ be yoli Anannganman i ndɛ'n i finfin. ?Yɛ wuun kɛ ɔ o lɛ'n, be si ngwlɛlɛ?»

Zeremi 9:14

I sɔ'n ti Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n i waan: «N wa man nvle nga nunfuɛ'm be kondu man be di. N ´gua nzue nun duwlɛ n ´man be be ´nɔn.

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Ezekiɛl 20:16

Sa nga ti bɔ n seli sɔ'n, yɛlɛ kɛ be yo mín nuan su ndɛ'm be finfin. Be fa-man min mmla'm be su, yɛ be nian-man min wunmiɛn-delɛ-cɛn'm be su. Amuɛn sɔlɛ fuɛ'n yɛ be fa cicili be ti-ɔ.

Ezekiɛl 20:18

«N wlali be mma'm bé su nun kpa aawlɛ flɛnnɛn nun lɔ kɛ: Nán amun fa amún si'm bé nuan ndɛ liɛ'm be su, nán amun sɔ amuɛn fa yo amun wun fiɛn.

Ezekiɛl 20:24

Sa ti bɔ n yo be sɔ'n yɛlɛ kɛ be fa-man min mmla'm be su, be bu-man mín nuan su ndɛ'n i ndɛ, be nian-man min wunmiɛn-delɛ-cɛn'n su, amuɛn nga be si'm be sɔ be'n yɛ be fa cici be ti-ɔ.

Ezekiɛl 20:30

I sɔ'n ti, kan kle Izraɛlfuɛ'm be kɛ: ‹Anannganman Nyanmiɛn'n wan yoo: ?Nán fiɛn kunngba nga amún si'm be yoli'n nin tete amuɛn kpanngban bɔ be sɔli'n yɛ amun ´nian su be yo wie lɛ-ɔ?

Ezekiɛl 22:28

Be nga be tɔn be wun suɛn kɛ be ti Nyanmiɛn nuan ijɔfuɛ'n be kusu be kata sa sɔ'm be kwlaa be su ɔ nin be aolia nun gblɛ sa mun bɔ be waan be wun be mun. Be yi ato wunnzue. Be se kɛ: ‹Anannganman Nyanmiɛn'n wan yoo,› i kusu wuun min Anannganman m'an kan-man ndɛ a kle-man be.

Ezekiɛl 22:8

Be bu-man lika nga be ti min liɛ klonglo'n be like fi. Be di-man min wunmiɛn-delɛ-cɛn'm be su.

Ndɛ Nga Nyanmiɛn I Nuan Ijɔfuɛ Oze Kannin'n 12:2

Efraimfuɛ'm be fa ngo ko man Eziptfuɛ mun. Be janvuɛ sɔ mun bɔ be ti-man like fi'n, bɔ be ti kɛ aunngban sa'n, yɛ be nin be nanti-ɔ. Ɔliɛ Asirifuɛ'm bɔ be tɛ ti kɛ wia afiliɛ lɔ aunngban klakla sa'n, be yɛ ɔ nin be di anuansɛ nin-ɔn. Gblɛ nin sa tɛtɛ'n yɛ ɔ'a kaci Efraimfuɛ'm be junman-an .

Ndɛ Nga Nyanmiɛn I Nuan Ijɔfuɛ Oze Kannin'n 12:3

Anannganman'n nin Zidafuɛ mun be lɛ ndɛ. Zakɔb i nvlefuɛ'm be nyoliɛ'n ti, ɔ wa tu be fɔ. Ɔ wa man be nyoliɛ'n i nuan akatua.

Ndɛ Nga Nyanmiɛn I Nuan Ijɔfuɛ Oze Kannin'n 6:11

«Zidafuɛ mun, amun liɛ'n, fɔ nga n ko fa n ko tu amun blɛ nga n ´fa min sran nga be yoli kanga mun m ´ba'n, m'an bu m'an sie.»

Amɔs 1:3

Anannganman'n wan yoo: «Sirifuɛ nga be o Damas'n be sa tɛtɛ nga b'a yo'n sɔnnin. Bé wun ndɛ ng'ɔ o min klun'n ti-man blɛblɛ. Be jɔjɔli Galaadfuɛ'm be nun kɛ asiɛ nun fundanlɛ blalɛ wie yɛ b'a fa sin be su sa. Ɔ man e nin be y'a nyɛn i.

Amɔs 3:2

«Sran beblebe nga be wo asiɛ'n su'n, amun kunngba cɛ yɛ n fali amun kɛ e nin amun e su nanti-ɔ. I sɔ'n ti amún sa tɛ kwlaa nga amun yoli'n, e nin amun e ´kɛn i ngba'n i ti ndɛ.»

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

Abakik 2:18

?Amuɛn mma'm be sɛlɛ'n yo nguɛ ye? ?Be nga be fa blalɛ be yi amuɛn ba mun'n, bɔ be yi be ayɛ be sin'n, ɔ ti-man ato? ?Like sɔ'm bɔ be si-man ijɔ, bɔ sran bɔbɔ yɛ ɔ yili be'n, ɔ yo sɛ yɛ man ɔ ko fɛ i wla'n gua be su-ɔ?

Rɔmfuɛ Mun 1:25

Be fa ato'n kaci Nyanmiɛn ndɛ b'ɔ ti nanwlɛ'n, yɛ be fa bé wun man ninnge bɔ Nyanmiɛn yili be'n, be sɔ be, be yaci Nyanmiɛn bɔbɔ b'ɔ yili ninnge sɔ mun i lɛ. I yɛ ɔ fata kɛ be `bo i dunman tititi nin-ɔn. Man ɔ yo sɔ !

1 Tɛsalonikfuɛ Mun 4:8

I sɔ'n ti, sran ng'ɔ fa-man ndɛ sɔ su'n, nán sran yɛ ɔ'a bu-mɛn i sran-an, Nyanmiɛn b'ɔ fɛli i Wawɛ'n mannin amun'n yɛ ɔ'a bu-mɛn i sran-an.

1 Piɛr 1:18

Afin an si like nga be fa toli amun'n, b'ɔ man an nyan amún ti sa ngbɛn-ngbɛn nga amun nannan'm be fa kleli amun'n be nun'n. Nán like b'ɔ saci-ɔ, nán jɛtɛ ufue-ɔ, yɛ nán sika ɔkwlɛ-ɔ.

Jɔlɛ Difuɛ Mun 10:6

Izraɛlfuɛ'm be wa yoli like nga Anannganman klo-mɛn i ekun. Be sɔli amuɛn nga be flɛ be Baal nin Astarte mun. Be sɔli Sirifuɛ mun, nin Sidɔnfuɛ mun, nin Moabfuɛ mun, nin Amɔnfuɛ mun, ɔ nin Filistifuɛ'm be amuɛn mun ekun. Be kacili bé sin sili Anannganman, b'a su-mɛn i kun.