Amɔs 2:3 - NYANMIƐN NDƐ'N 1998

³ N ´kun famiɛn ng'ɔ sie lɔ mɛn'n. N kun be famiɛn i awlo lɔ sran dandan'm be kusu wie.»

Amɔs 2:3 ပူးပေါင်းရင်းမြစ်များ

Zɔb I Nyrɛnnɛn Wunlɛ 12:21

Ɔ kuakua sran dandan mun, ɔ yi kwlafuɛ'm be kwlalɛ cisu'n.

Jue Mun 141:6

Kɛ be ´nian-an b'a su be nyrun mmua dunfuɛ'm be bo b'a yi be yɛbuɛ'm be kongo'n nun lɔ, yɛ be ´sie bé su be ´tie ndɛ bɔ n kan nin-ɔn. Be ´wun kɛ kannzu min ndɛ sɔ'm be ti ndɛ fɛ.

Jue Mun 2:10

I ti'n, famiɛn mun, amun `yo ngwlɛlɛfuɛ. Asiɛ'n su jɔlɛ difuɛ mun, amun `jran man be man amun afɔtuɛ.

Ezai 40:23

I yɛ ɔ yo man wlengbi'm be nyrun'n ɔ wie nin-ɔn, i yɛ man asiɛ'n su jɔlɛ difuɛ'm bé nyin utu ase nin-ɔn.

Zeremi 48:25

Moab lɛ-man wunmiɛn kun. Ɔ lɛ-man fanngan kun.» Anannganman'n yɛ ɔ kan sɔ-ɔ.

Zeremi 48:7

Moabfuɛ mun, kɛ bɔ amun amuɛn nin amun ninnge'm be su yɛ amun lafi'n, i ti be wa fa amun mɛn'n. Be ´fa amun amuɛn bɔ be flɛ i kɛ Kɛmɔs'n, be ´fɛ i be ´kɔ mɛn uflɛ nun. Amun amuɛn nyrun tranfuɛ nin amun famiɛn i awlo lɔ sran dandan'n be kwlaa'n, be ´fa be ´kɔ mɛn uflɛ nun.

Amɔs 5:12

«Min Nyanmiɛn, amún sa tɛ nga amu'an yo'n, bɔ ɔ'a bobo su n si be. N si kɛ sran nga ɔ'a yo-man like fi'n, an fa bé nyin be ci i. An kan ndɛ sika nun. Amun ndɛ kanwlɛ lɔ'n, amun bu ndɛ be yi i yalɛfuɛ'm be su.»

Amɔs 5:7

Amun yo man sa ng'ɔ ti kpa'n, sran'm be bu i sa tɛ. Be nga be di nanwlɛ'n, amun yi be ase.

Amɔs 6:12

?Nnɛn kpanngɔ'm be wanndi yɛbuɛ su-ɔ, ɔ yo ye? ?Be kwla fa nannin be trutru kpangba nun kɛ be ´lua nun like-ɔ ɔ yo ye'n? ?Yɛ wuun sɛ ti yɛ amu'an yo man nanwlɛ dilɛ'n ɔ'a kaci kɛ duwlɛ sa nin-ɔn, bɔ sa i nan su yolɛ'n ɔ'a kaci kɛ kondu sa nin-ɔn?

Kalɛ 24:17

N wun sa nga ɔ wa ju'n, sanngɛ nán ndɛkɛn yɛ i sɔ sa'n ɔ ´ju-ɔ. N wun kɛ sa dan kun su wa yo, sanngɛ i blɛ nian ju-man ka. Nzraama kun ´fite Zakɔb i osu'n nunfuɛ'm be afiɛn, famiɛn dan kun wa fite Izraɛlfuɛ'm be afiɛn. Famiɛn sɔ'n ɔ ´fɛ i kpɔnman'n fin Moabfuɛ'm be papla nun, ɔ ´fa fin Sɛt i mma'm be kwlaa bé ti'n su .