Amɔs 2:2 - NYANMIƐN NDƐ'N 1998

² N ´fa sin n ´yi Moab mɛn'n nun. Sin'n ´di sua nglanman nga be o Kɛrizɔt klɔ'n su mun. Be ´kpan alɛ kpanlɛ, be ´bo awɛ. Oyo-oyo sɔ'n nun, Moab mɛn'n ´bo.

Amɔs 2:2 ပူးပေါင်းရင်းမြစ်များ

Ezai 9:5

Afin b'a wu ba kun b'a man ye, b'a fa ba yasua kun b'a man ye. Nyanmiɛn fali sielɛ'n wlɛli i sa nun. Be ´flɛ i kɛ Abonuan, Sa'm be siesiefuɛ, Nyanmiɛn b'ɔ kwla, Siɛ b'ɔ o lɛ titi, Aunjuɛ wlengbi .

Zeremi 48:24

Ɔ tɔli Kɛrizɔt, nin Bɔzra be su wie, ɔ tɔli Moab mɛn'n nun klɔ'm be kwlaa be su wie, nga be o mmua o, be nga be o koko o, ɔ tɔli be su wie.

Zeremi 48:34

Ɛsbɔnfuɛ'm be ngwlɛ'n, be ti i Eleale lɔ. Ɔ kɔ lele ju Zaaz. Kɛ ɔ fɛ i Zɔar'n, ɔ ju Kɔrɔnaim, ɔ kɔ lele ju Eglat-Sɛlisiza. Ɔliɛ Nimrim nzue'm b'a wie nun.

Zeremi 48:41

Be klɔ'm b'a tɔ. Be klɔ nga be si be wun'n b'a tɔ. Siɛn'n Moab safunyrɛn'm be wla ɔ'a bo yɛ srɛ kun be kɛ wunnzɛfuɛ wie b'ɔ o ba wulɛ su'n sa.

Zeremi 48:45

«Be bɔ be wanndi bɔ be kwla-man nun kun'n, be ´ju Ɛsbɔn lɛ-ɔ, be waan b'a nyan fiawlɛ. Be ´to bé nyin-ɔn, sin yɛ ɔ'a jue Ɛsbɔn i afiɛn yɛ. Sin'n yɛ ɔ fin Siɔn ´ba yɛ. Sin sɔ'n ´didi Moab i bue'n kwlaa su, lele ju ndɛnnganfuɛ bé ti afiɛn.

Ezekiɛl 25:8

«Anannganman Nyanmiɛn wan yoo: ‹Moabfuɛ nin Seirfuɛ'm be seli kɛ: Amun `nian Zidafuɛ'm be nvle'n, ɔ ti kɛ nvle kun'm be sa.

Amɔs 1:14

N ´fa sin n ´yi be klɔ Raba'n nun, i sɔ sin liɛ'n ɔ ´yra klɔ'n su sua nglanman mun. Kɛ ɔ ´yo sɔ'n, wuun sran'm be ´kpan alɛ kpanlɛ. Alɛ kunlɛ cɛn'n nun'n, aunngban dan kun ´fita kɛ nzue su tɔ nan aunngban dan su fita sa.

Amɔs 1:4

N ´fa sin n ´yi Azaɛl i sua'n nun. N ´yra famiɛn Bɛn-Adad i sua dan'n.