Amɔs 2:15 - NYANMIƐN NDƐ'N 1998

¹⁵ Ta tofuɛ'n su nyan-man jranwlɛ. Wanndifuɛ dan kpa'n bɔbɔ su nyɛn-mɛn i ti. Nnɛn kpanngɔ fufuɛ'n bɔbɔ su kwla de-mɛn i wun.

Amɔs 2:15 ပူးပေါင်းရင်းမြစ်များ

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Ezai 31:3

Eziptfuɛ'm be ti sran, nán Nyanmiɛn yɛlɛ be. Be nnɛn kpanngɔ'm be ti nnɛn, be lɛ-man wawɛ. Sɛ Anannganman mɛn i sa'n su'n, be nga be bali sran ukalɛ'n be ´tɔ, yɛ be nga bɔ be ti yɛ be bali'n be kusu be ´fin ase. Kpɛkuun be bue nnyɔn'm be ´wu.

Zeremi 51:56

Lika sacifuɛ'n wo balɛ. Ɔ nin Babilɔni su wa yia nun. Ɔ wa tra Babilɔni i safunyrɛn mun. Ɔ ´bubu be ta'm be nun. Afin Anannganman'n ti Nyanmiɛn kun b'ɔ sran kun i sa ng'ɔ yo'n i su yɛ ɔ nian yo i wie-ɔ.

Ezekiɛl 39:3

I sin'n, m ´bo wɔ. Ɔ ta'n i nun ´bu ɔ́ sa bɛ'n nun, yɛ ɔ ta mma'm be fin ɔ sa fama'n nun be ´gua.

Amɔs 9:1

N ´wun Anannganman nin-ɔn, ɔ jin i sɔwlɛ'n su. I waan: «Man be bubu sua ja'm bé ti su nglo gbagblagba'n nan Nyanmiɛn sua'n i nyrun lika'n ɔ `keje. N ´kpuke sran'm be kwlakwla bé ti'n nun, sɛ be wie ka lɛ'n, n ´yo man be nunkun be. Sran fi su kwla wanndi-man. Be wie su fi-man nun fite-man.

Ndɛ Nga Nyanmiɛn I Nuan Ijɔfuɛ Aze Kannin'n 2:22

N ´yi famiɛn'm be ase. N ´yo man be kwlalɛ'n ´wie. N ´utu kakaklolo mun nin be nun sran mun. N ´yo man nnɛn kpanngɔ'm be ´wu. Be nga be fu bé su'n, be ´kun be wiengu .

Zakari 10:5

Be wa yo safunyrɛn, be ´tiatia be kpɔfuɛ'm be su kɛ be tiatia klɔ nun akpɔ'n nun aunnyan'n su'n sa. Be ´kun alɛ'n kɛ ng'ɔ o lɛ'n sa, afin m bɔbɔ min Anannganman'n n jin bé sin.