Amɔs 2:14 - NYANMIƐN NDƐ'N 1998

¹⁴ Sran nga i wun kpɛ kpa'n bɔbɔ, ɔ su wun-man fiawlɛ. Sran nga be le wunmiɛn kpa'n bɔbɔ, be su kwla-man like fi yo. Be nga be ti alɛ kunfuɛ'n be su fite-man nun.

Amɔs 2:14 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:20

Sanngɛ sran nga be bu-man Nyanmiɛn like fi'n be ´minndɛ ukalɛ'n lele ngbɛn. Be su nyan-man fiawlɛ. Like nga be minndɛ i'n ɔ ti kunngba, yɛlɛ wie'n.

Jue Mun 33:16

Kɛ famiɛn kun ɔ ´kun alɛ b'ɔ ´fite nun'n, nán sonja kpanngban b'ɔ lɛ i'n be fanngan nun ti-ɔ. Kɛ safunyrɛn'n ɔ ´nyɛn i ti lɛ'n, nán fanngan dan b'ɔ lɛ i'n ti-ɔ.

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Zeremi 25:35

Izraɛl su kpɛn'm be wun-man kɔwlɛ kun. Min nvle'n i su nianfuɛ mun, be lɛ-man fiawlɛ kun.

Zeremi 39:4

Kɛ Sedesias b'ɔ ti Zida famiɛn'n nin alɛ kunfuɛ'm be wunnin be'n, be lɛ wanndilɛ. Kɔnguɛ be fin klɔ'n nun fiteli. Be fali famiɛn'n i fie su atin'n, kpɛkuun be ko sinnin talɛ nnyɔn'm be afiɛn anuan'n nun, kpɛkuun be fali Zurdɛn tɔnun'n nun atin'n.

Zeremi 9:23

Sanngɛ sran ng'ɔ lɛ ngwlɛlɛ b'ɔ fa si min'n, bɔ si kɛ min yɛ n ti Anannganman nan n ti klun-ufuefuɛ'n, nan n yo sa i nuan su, n di nanwlɛ'n, i sɔfuɛ'n yɛ ɔ kwla di i nuan-an .» Anannganman'n yɛ ɔ kan sɔ-ɔ.

Amɔs 5:9

Be bɔ be kan ndɛ-ɔ sran'm be fa'n, i yɛ man be ´nunnun-ɔn. Kpɛkuun klɔ nga be sisi be wun'n, i yɛ ɔ ´bo be-ɔ.