Amɔs 2:13 - NYANMIƐN NDƐ'N 1998

¹³ N ´wɛtɛ amun mín ja bo kɛ kakaklolo nga b'a gua nun ble ɔ'a yi bɔ be kɛ ɔ kɔ'n, wuun asiɛ'n wɛtɛ'n sa.

Amɔs 2:13 ပူးပေါင်းရင်းမြစ်များ

Bo Bolɛ 37:7

E ɔli ble kpɛlɛ, e cicili i sɔlɛ-sɔlɛ kpɛkuun min ble sɔlɛ liɛ'n ɔ'a jaso ɔ'a jran nglo. Amun liɛ'm be bo sin yiali min liɛ'n nan b'a koto i bo.»

Zɔb I Nyrɛnnɛn Wunlɛ 39:12

?A ´kwla lafi i su bɔ a ´fa ɔ ble bɔ b'a kpɛ'n a ´fa mɛn i kɛ ɔ ko guɛ i ɔ ngblaliɛ'n nun lɔ?

Jue Mun 78:40

I wun nga be jasoli aawlɛ flɛnnɛn'n nun lɔ'n ɔ sɔnnin. Be klɔklɔli i lika kee sɔ'n nun lɔ kpa.

Ezai 1:14

Amun anglo le kun cɛn mun nin amun cɛn uflɛ nga amun di be'n, be yo min tɛ, be ti kɛ trɔ sa, be ti min, n kwla-man bé bo suan kun .

Ezai 43:24

Nán kɛ amun fali amun sika toli like fanninfannin mannin min-ɔn. Nán kɛ amun fali amun tɛ'm be nnɛn'm be lui'n mannin min n dili-ɔ. Sanngɛ amún sa tɛ bɔ amun yoli'n be ti, m miannin sa fii, amun fɔnlɛ bɔ amun fɔnnin'n, ɔ kleli min yalɛ kpa.

Ezai 7:13

Nan Ezai ɔ'a se i kɛ: «Wɔ bɔ a nin wɔ awlofuɛ mun amun ti David i osu'n nunfuɛ mun'n, amun `sie amún su! ?Kɛ amun yo bɔ sran'm be di amlin lele be fɛ'n, i sɔ yolɛ'n ɔ ju-man amun, yɛ amun waan amun ´yo nan min Nyanmiɛn'n ɔ `fɛ amlin dilɛ nun ekun-ɔn?

Ezekiɛl 16:43

Ɔ wla ɔ'a kpɛn-man nga n yo m mannin wɔ i nun bɔ a tɛ yo kaan'n i su, yɛ a kunnin min ya wɔ aeliɛ'm be nun. I sɔ'n ti n wa yo a wa sua ɔ́ sa tɛ'n i su afɛ'n. Min Anannganman Nyanmiɛn'n yɛ n kan sɔ-ɔ. ?Kɛ a ´yo tete sa sɔ mun'n, w'a yo-man nyannzuɛn sa uflɛ mun ekun?»

Ezekiɛl 6:9

Be nga be ka lɛ'n, kɛ be o mɛn nga be ´tra be lomuɛn kɔ nun'n be nun'n, bé wla wa kpɛn min su. Afin be wla ɔ wa kpɛn wafa nga n fa tuli be fɔ'n su be anwlɛn tɛ nga be fa bo tekle bɔ be nin min buli'n ti. Bé wun ´yo be bɔbɔ be tɛ bé sa tɛtɛ nin be tete sa nga be yoli'n be ti.

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

Kalɛ 7:3

Be fali be cɛlɛ ninnge mun fa blɛli Anannganman. Ninnge sɔ mun yɛ: kakaklolo bɔ nnɛn yɛ ɔ cuɛn be'n bɔ be su ti katawa'n i sɔ nsiɛn, ɔ nin nannin blu-nin-nnyɔn. Kakaklolo sɔ'n, kun ti kpɛnngbɛn nnyɔn be liɛ, kun ti kpɛnngbɛn nnyɔn be liɛ, yɛ nannin'm be ti kpɛnngbɛn sɔ'm be ti nun kunngun. Be fa be ɔli tannin sua'n i nyrun lɔ.