Amɔs 2:12 - NYANMIƐN NDƐ'N 1998

¹² «Sanngɛ kpɛkuun amu'an man be nga be tali nda kɛ be yo min liɛ klonglo'm be nzan b'a nɔn. An tannin Nyanmiɛn nuan ijɔfuɛ'm be atin kɛ nán be kan mín nuan ndɛ'n kun.

Amɔs 2:12 ပူးပေါင်းရင်းမြစ်များ

Ezai 30:10

Be se jeliwafuɛ'm be kɛ: «Amún ti nun ase wunlɛ'n ti ngbɛn.» Be kan kle be nga be wun aolia nun sa'm be kɛ: «Nán amun kan sa nanwlɛ bɔ amun wun be'n kle ye. Amun `kan ato ndɛ mun kle ye. Amun kan ndɛ b'ɔ yo be su nun nɛnkɛn-nɛnkɛn'n.

Zeremi 11:21

Ɔ man Anatɔtfuɛ mun bɔ be kunndɛ kɛ n wu'n bɔ be waan: « Nán kan Anannganman'n i nuan ndɛ'n, ɔ'a yo-man sɔ-ɔ, e ´kun wɔ'n,»

Zeremi 35:5

Yɛ n ´fa nzan sɛ mun n ´jinjin be nyrun yɛ n ´fa klowa mun n ´takataka be nyrun-ɔn. Yɛ min waan: «Nzan yɛ ɔ o lɛ-ɔ, an `nɔn.»

Amɔs 7:13

Betɛl wa ti famiɛn'n i bɔbɔ i Nyanmiɛn sua, ɔ ti Izraɛl famiɛn'n i sua. Nán e ti kɛ a su ijɔ Nyanmiɛn nuan wa kun .»

Amɔs 7:16

Ɔ man i ti Amazia, wɔ bɔ a se min kɛ: ‹Nán kan sa kekle b'ɔ wa ju Izraɛlfuɛ'm be su kle be kun. Yaci Izaak anunman'm be ijɔlɛ beblebe'n,› sie ɔ́ su tie ndɛ nga Anannganman'n kan kle wɔ'n.

Mise 2:6

Sran wie'm be ko se kɛ yoo: «Ndɛ finfin nga be kɛn i kɛ yoo: ‹San sa yalɛ ´tɔ e su'n,› i sɔ ndɛ finfin liɛ'n be `yaci i kanlɛ man e ti sa.

Kalɛ 6:2

ɔ kan ndɛ yɛ mun kle Izraɛlfuɛ mun. I waan: «Sɛ yasua wie o, sɛ bla wie o, ɔ jaso nan ɔ cuɛn i wun i wiengu'm be nun'n, nan ɔ ta nda kɛ ɔ ´yo min liɛ klonglo'n nan ɔ ´su min'n,

Kalɛ 6:3

nzan ng'ɔ bo'n nin vinɛgri nga be fa nzan be yo'n, ɔ nin nzan kwlaa nga be fa vinyi mma be yo'n, nán man wie fi kɛn i nuan. Nán man ɔ di vinyi mma mɔnnɛn annzɛ i mma kee .