Amɔs 2:11 - NYANMIƐN NDƐ'N 1998

¹¹ N kpali amun mma yasua'm be wie mun n fa yoli min nuan ijɔfuɛ. N kpali amun nvle'n nun gbanflɛn'm be wie mun. N fali be n yoli m bɔbɔ min Nyanmiɛn min liɛ klonglo. ?Izraɛlfuɛ mun, ɔ'a yo-man sɔ?» Anannganman'n yɛ ɔ usa amun sɔ-ɔ !

Amɔs 2:11 ပူးပေါင်းရင်းမြစ်များ

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

1 Famiɛn Mun 18:4

Blɛ nga famiɛn'n i yi Zezabɛl man be kunnin Anannganman i nuan ijɔfuɛ mun'n, Abdias fali be nun ya fiali. Ɔ fali ablenun fiali yɛbuɛ buɛ kun nun, yɛ ɔ fali ablenun fiali yɛbuɛ buɛ kun ekun nun. I bɔbɔ tali be, yɛ ɔ mannin be nzue nɔnwa.

1 Famiɛn Mun 19:16

I sin'n, gua Nimsi i wa liɛ Zei i ti su ngo, nan ɔ `yo Izraɛl famiɛn, kpɛkuun gua Safat ng'ɔ fin Abɛl-Mɛɔla'n i wa Elize i ti su ngo, nan ɔ `sin wɔ osu ɔ `yo min nuan ijɔfuɛ.

1 Famiɛn Mun 20:13

Nyanmiɛn nuan ijɔfuɛ kun wa toli Akab b'ɔ ti Izraɛl famiɛn'n. Ɔ seli i kɛ: «Anannganman wan yoo: ‹Sran tandra nga a wun be yɛ'n, n wa yi be m man wɔ ndɛkɛn kɛ ɔ ´yo nan w'a si kɛ min yɛ n ti Anannganman n ti.› »

1 Famiɛn Mun 20:35

Anannganman seli i nuan ijɔfuɛ'm be nun kun kɛ ɔ se i wiengu'n kun kɛ: «Fin min like!» Kun'n waan ɔ yo-man.

1 Famiɛn Mun 20:41

Kɛ ɔ yoli sɔ'n, yɛ ndɛndɛ yɛ Nyanmiɛn nuan ijɔfuɛ'n ´yi tannin b'ɔ kɛtɛ i nyin nin-ɔn, kpɛkuun Izraɛl famiɛn'n wunnin i wlɛ kɛ kannzu Nyanmiɛn nuan ijɔfuɛ'm be nun kun-ɔn.

1 Famiɛn Mun 22:8

Izraɛl famiɛn'n tɛli Zozafat su kɛ: «Kun tɛ o lɛ, sanngɛ i wun yo-man min fɛ, afin min wun ndɛ liɛ ng'ɔ kan kle min'n, wie fi ti-man kpa. Be flɛ i kɛ Mise, Zimla i wa-a.» Zozafat tɛli i su kɛ: «Famiɛn, ɔ li nán kan sɔ.»

2 Famiɛn Mun 17:13

Anannganman fa ndɛ wlɛli i nuan ijɔfuɛ fanunfanun'm be kwlaa bé nuan. I waan be kan kle Izraɛlfuɛ mun, nin Zidafuɛ'm be kɛ be yaci be nzuɛn tɛtɛ mun, nan be fɛ i mmla fanunfanun'm bé su. I mmla sɔ'n, ɔ fa mannin Izraɛlfuɛ'm be nannan mun. I sin ɔ fa wlɛli i nuan ijɔfuɛ bɔ be ti i sufuɛ'n bé nuan kɛ be fa man be kusu be wie.

2 Famiɛn Mun 6:1

Le kun Nyanmiɛn i nuan ijɔfuɛ'm be seli Elize kɛ: «Lika nga e nin wɔ e o nun yɛ'n, ɔ ti fii.

2 Be Nyoliɛ 36:15

Anannganman b'ɔ ti be nannan'm be Nyanmiɛn'n, b'ɔ klo i nvle nunfuɛ mun nin i sua'n, ɔ sunmɛnnin i sran mun kpalɛ sunman kɛ be ko kɛn i nuan su ndɛ'n be kle be.

Zeremi 11:21

Ɔ man Anatɔtfuɛ mun bɔ be kunndɛ kɛ n wu'n bɔ be waan: « Nán kan Anannganman'n i nuan ndɛ'n, ɔ'a yo-man sɔ-ɔ, e ´kun wɔ'n,»

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 2:5

Anannganman'n wan yoo: «?Nguɛ sa tɛ yɛ amun nannan'm be wunnin min wun, b'ɔ man b'a mantan-man min kun, bɔ be ko suli ninnge finfin'm be su, bɔ b'a yo finfin sa-a?

Zeremi 26:11

Yɛ Nyanmiɛn nyrun jranfuɛ mun nin Nyanmiɛn nuan ijɔfuɛ'm be seli famiɛn'n i awlo lɔ sran dandan mun nin sran nga be o lɛ'm be kɛ: «Ɔ kannin klɔ nga i wun ndɛ tɛ, yɛ amun bɔbɔ be tili i lɛ-ɔ, ɔ man i ti be `kun i.»

Zeremi 7:25

Kɛ ɔ fin cɛn bɔ amun nannan'm be tuli Ezipt lɔ lele b'ɔ ´fa ju ndɛ'n, m'an yaci-man min sufuɛ'm be sunmanlɛ amun wun. M boli mín nuan ijɔfuɛ'm be sunmanlɛ bo nán ndɛ-ɔ.

Ngwlɛ Yilɛ 4:7

Famiɛn'm bɔ laa be ti saun Nyanmiɛn nyrun'n, bɔ fiɛn kaan sa nun-man bé wun'n, famiɛn'm bɔ laa be wunnɛn ba sa'n, sɛ i waan ɔ loko'n ɔ loko kɛ likɛ'n, bɔ be nyrun'n ɔ ti sa mlanmlanmlan'n,

Mise 2:6

Sran wie'm be ko se kɛ yoo: «Ndɛ finfin nga be kɛn i kɛ yoo: ‹San sa yalɛ ´tɔ e su'n,› i sɔ ndɛ finfin liɛ'n be `yaci i kanlɛ man e ti sa.

Sa nga bé yôli'n 4:18

Yɛ be flɛli be nan b'a se be kɛ, nán man be bo Jésus dunman'n kun yɛ nán man be kle like Jésus dunman nun kun mlɔnmlɔn.

Sa nga bé yôli'n 5:28

«?Y'a wla-man amún su nun kpa kɛ nán man an kle like bian sɔ'n i dunman nun kun? Sanngɛ nian, amu'an fa amun ndɛ sɔ'n b'a tru Zerizalɛm klɔ'n nun, an klo kɛ amun ´fa bian sɔ'n i wie ndɛ'n gua e su!»

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Mmla'n 18:18

N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.

1 Samiɛl 19:20

Yɛ Sail yili sran mun kɛ be ko tra David. Be ko toli Nyanmiɛn nuan ijɔfuɛ mun, be nin Samiɛl b'ɔ ti be kpɛn'n be o lɛ be su kan Nyanmiɛn i nuan su ndɛ'n. E ijɔwa-a, Nyanmiɛn i wawɛ'n ɔ'a jra Sail sunmanfuɛ'm bé su, be su kan Nyanmiɛn i nuan su ndɛ'n wie.

1 Samiɛl 3:20

Izraɛl mɛn wunmuan nun'n, kɛ ɔ fɛ i Dan lele b'ɔ fa ju Beɛr-Seba'n, sran'm be kwlakwla be si kɛ Samiɛl ti Anannganman i nuan ijɔfuɛ kpa kun b'ɔ di nanwlɛ.