Amɔs 2:10 - NYANMIƐN NDƐ'N 1998

¹⁰ N fali amun Ezipt lɔ m bali. N ko sunmannin amun afuɛ ablanan aawlɛ flɛnnɛn'n nun lɔ lele nan m'an fa Amɔrfuɛ'm be mɛn'n m'an man amun.

Amɔs 2:10 ပူးပေါင်းရင်းမြစ်များ

Neemi 9:21

A niannin be lika aawlɛ flɛnnɛn'n nun afuɛ ablanan. B'a mian-man like fi wun. Be tralɛ'm b'a titi-man, bé ja'm b'a wunwun-man.

Jue Mun 95:10

I sɔ'n ti, min konvi tuli be su lele afuɛ ablanan, ɔ man n seli kɛ: ‹Minniɛn nga b'a mlin mlɔnmlɔnmlɔn. Atin nga n kle be'n be fa-man su.›

Ezipt Lɔ Tulɛ'n 12:51

Cɛn sɔ nun'n, Anannganman yoli man Izraɛlfuɛ'm be tuli Ezipt lɔ. Be kɔ'n be lɔngɔ su sɛsɛsɛ kɛ sonja'm be sa.

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Ezekiɛl 20:10

N fali be Ezipt lɔ m bali nan m'an fa be m'an wɔ aawlɛ flɛnnɛn'n nun lɔ.

Amɔs 3:1

Izraɛlfuɛ mun, an `tie, amun bɔ Anannganman'n fali amun Ezipt lɔ bali'n, an `tie amún wun ndɛ ng'ɔ o i klun'n:

Amɔs 9:7

«?Izraɛlfuɛ mun, an bu amun klun lɔ kɛ min waan amun kpa tra Etiopifuɛ mun? Nán wafa kunngba nga n fali amun Ezipt lɔ m bali'n, yɛ n fali Filistifuɛ mun Kaftɔr lɔ m bali-ɔ? ?Nɛ́n i kunngba'n yɛ n fali Sirifuɛ mun Kir lɔ m bali-ɔ?»

Mise 6:4

?Kɛ amun wo Ezipt lɔ bɔ amun ti kanga'n, bɔ n ko deli amun'n, bɔ n fali amun lɔ m bali'n, bɔ n yili Moiz, nin Aarɔn, ɔ nin Mari kɛ be dun mmua amun nyrun'n, tɛ yɛ n yoli amun-ɔn?

Kalɛ 13:32

Be nga be ɔli Kanaan lɔ be bali'n, be kannin mɛn sɔ'n i wun ndɛ tɛtɛ be kleli Izraɛlfuɛ mun. Be seli be kɛ: «Mɛn nga e ɔli nun lɛ'n, ɔ ti mɛn kun bɔ sɛ e waan e ´ko tran nun'n, e su nyan-man alaje.

Kalɛ 21:25

Be fali Amɔrfuɛ'm be klɔ'm be kwlaa. Be fali Ɛsbɔn klɔ'n nin klɔ nga be o i asa'n su'n, nan b'a tran be su.

Kalɛ 32:13

Moiz kɛnnin i ekun kɛ: «Ya bɔ Anannganman fɛli i Izraɛlfuɛ'm bé wun'n ti ɔ miannin be man be dili aawlɛ flɛnnɛn'n nun lɔ afuɛ ablanan, lele san be nga be yoli nyin kekle i su'n be blɛ sufuɛ'm be kwlaa be wieli wu.

Sa nga bé yôli'n 13:18

Ɔ trɛli i anwlɛn niannin be lika afuɛ ablanan aawlɛ flɛnnɛn nun lɔ .

Sa nga bé yôli'n 7:42

I sɔ'n ti Nyanmiɛn kaci i sin sili be, ɔ yacili be lɛ man be sɔli nyanmiɛn su lɔ ninnge mun. Afin be klɛli i Nyanmiɛn nuan ijɔfuɛ'm be fluwa'n nun kɛ: ‹?Izraɛlfuɛ mun, kɛ an wo aawlɛ flɛnnɛn nun lɔ afuɛ ablanan'n, min yɛ an mannin min nnɛn bɔ an cɛli min like nin-ɔn ?

Mmla'n 1:39

Amun mma kanngan bɔ amun waan be wa ka aawlɛ flɛnnɛn'n nun lɔ nan alɛ ´di be'n, ɔ nin amun mma nga kɛ e ´se yɛ'n be nian wun-man tɛ'n nin kpa'n be ngbaciɛ'n, be yɛ be ´ju mɛn sɔ'n nun lɔ-ɔ, be yɛ n ´fa man be-ɔ. Be yɛ be ´fa-a.

Mmla'n 2:7

Afin like nga amun yoli bɔ Anannganman amun Nyanmiɛn'n man ɔ'a yo-man ye'n ɔ nun-man lɛ. Ɔ niannin amun su aawlɛ flɛnnɛn dan nga i kpɛlɛ'n nun. Afuɛ ablanan nga amun dili'n nun'n, Anannganman amun Nyanmiɛn ɔ'a kpɔci-man amun le. Like fi ɔ'a mian-man amún sa.

Zozie 13:4

Kanaanfuɛ'm be lika ng'ɔ fɛ Sidɔnfuɛ'm be asiɛ bɔ yɛlɛ Ara lele fa ju Amɔrfuɛ'm be lika'n i nuan lɔ'n, Afɛk lɔ'n, i kwlakwla ng'ɔ o lɛ'n, ɔ fata kɛ a fa.

Zozie 24:8

kwlaa nan m'an fa be m'an ɔ Amɔrfuɛ'm be mɛn ng'ɔ o Zurdɛn'n i bue ng'ɔ kpɛ wia afiliɛ lɔ'n nun. Be nin amun kunnin nan m'an fa be m'an man amun. Sa ti bɔ amun kwlali be'n, yɛlɛ kɛ m bɔbɔ n nunnunnin be amun nyrun.