Amɔs 2:1 - NYANMIƐN NDƐ'N 1998

¹ Anannganman'n wan yoo: «Moabfuɛ'm bé sa tɛtɛ nga b'a yo'n sɔnnin. Be yrali Edɔm famiɛn'n i owie'n kɔlikɔlikɔli. Ɔ man e nin be y'a nyɛn i.

Amɔs 2:1 ပူးပေါင်းရင်းမြစ်များ

2 Famiɛn Mun 3:9

Yɛ Izraɛl famiɛn'n nin Zida famiɛn'n, ɔ nin Edɔm famiɛn'n be ɔli-ɔ. Be nantili cɛn nso, kpɛkuun nzue nga alɛ kunfuɛ mun, nin nnɛn nga be nin be kɔ'n be ko nɔn'n yɛ ɔ'a wie yɛ.

Nyanndra Mun 15:3

Anannganman i nyin ta lika'n kwlaa. I nyin ta klunwifuɛ mun nin klun-ufuefuɛ mun .

Ezai 11:14

Bé bo ´yo kun, be ´tɔ Filistifuɛ mun bɔ be o wia atɔliɛ lɔ'n bé su. Yɛ be ´fɛn be nga be o wia afiliɛ lɔ'n bé bo ninnge mun. Bé sa ´kan Edɔmfuɛ mun nin Moabfuɛ mun. Yɛ Amɔnfuɛ'm be ´yo be kanga.

Ezai 16:6

E tili Moabfuɛ'm bé wun tulɛ ndɛ'n. E tili bé wun kpakpa yolɛ ndɛ'n, ɔ nin bé wun dandan yolɛ'n, nin be nuan dilɛ'n, ɔ nin be wun ngbli-ngbli yolɛ'n.

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Zeremi 25:21

N fa mannin Edɔmfuɛ mun, nin Moabfuɛ mun, ɔ nin Amɔnfuɛ mun.

Amɔs 1:11

Anannganman'n wan yoo: «Edɔmfuɛ'm bé sa tɛtɛ nga b'a yo'n sɔnnin. Tokofi o bé sa nun yɛ be fa fuan be niaan Izraɛlfuɛ mun-ɔn. B'a si-man be aunnvuɛ mlɔnmlɔn. Be ya ti tɛ ngboko. Be fali ya ble be sieli be klun mlɔnmlɔnmlɔn. Ɔ man e nin be y'a nyɛn i.

Amɔs 1:13

Anannganman'n wan yoo: «Amɔnfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Be mɛn bɔ be kunndɛ kɛ ɔ trɛ'n i dunman nun ti be kpacili Galaad bla wunnzɛfuɛ'm be klun.

Amɔs 1:3

Anannganman'n wan yoo: «Sirifuɛ nga be o Damas'n be sa tɛtɛ nga b'a yo'n sɔnnin. Bé wun ndɛ ng'ɔ o min klun'n ti-man blɛblɛ. Be jɔjɔli Galaadfuɛ'm be nun kɛ asiɛ nun fundanlɛ blalɛ wie yɛ b'a fa sin be su sa. Ɔ man e nin be y'a nyɛn i.

Amɔs 1:6

Anannganman'n wan yoo: «Filistifuɛ'm nga be o Gaza bé sa tɛtɛ nga b'a yo'n sɔnnin. Be trali nvle wunmuan kun be fa ko mannin Edɔmfuɛ mun. Ɔ man e nin be y'a nyɛn i.

Amɔs 1:9

Anannganman wan yoo: «Tirfuɛ bé sa tɛtɛ nga b'a yo'n sɔnnin. Anuansɛ ng'ɔ o be nin be niaan Izraɛlfuɛ'm be afiɛn'n, b'a bu-man i akunndan. Be trali klɔ'n wie'm be sufuɛ'm be kwlaa be fa ko mannin Edɔmfuɛ mun. Ɔ man e nin be y'a nyɛn i .

Amɔs 2:4

Anannganman'n wan yoo: «Zidafuɛ'm bé sa tɛtɛ nga b'a yo'n sɔnnin. Mmla nga n fa mannin be'n, be yoli i finfin. B'a fa-man mín nuan su ndɛ'm be su. Be yacili atin kpa'n be fali uflɛ, i ti be mlinnin. Gblɛ ninnge kɛ amuɛn'm be sa'n, bɔ be nannan'm be yoli'n be su yɛ be su-ɔ. Ɔ man e nin be y'a nyɛn i.

Amɔs 2:6

Anannganman'n wan yoo: «Izraɛlfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Sran nga ɔ'a yo-man sa'n, sika dunman nun ti be yo i atɛ ɔ kaci kanga. Ngbabua kunngun nnyɔn cɛ bɔ yalɛfuɛ'n ɔ'a kwlɛ-mɛn i kalɛ tannin'n ti, be yo i atɛ.

Mise 6:5

Min sran mun, akunndan nga Balak b'ɔ ti Moab famiɛn'n buli i amun wun'n, nin ndɛ nga Bɛɔr i wa Balaam fa tɛli i su'n, man amun wla kpɛn su. Sunmanlɛ nga kɛ amun fɛ i Sitim lele be fa juli Gilgal bɔ n ko sunmannin amun'n, man amun wla kpɛn su. Amun wla kpɛn su kɛ ɔ ´yo nan amu'an wun aklunye nga m bɔbɔ min Anannganman n yoli amun'n ti .»