Amɔs 1:9 - NYANMIƐN NDƐ'N 1998

⁹ Anannganman wan yoo: «Tirfuɛ bé sa tɛtɛ nga b'a yo'n sɔnnin. Anuansɛ ng'ɔ o be nin be niaan Izraɛlfuɛ'm be afiɛn'n, b'a bu-man i akunndan. Be trali klɔ'n wie'm be sufuɛ'm be kwlaa be fa ko mannin Edɔmfuɛ mun. Ɔ man e nin be y'a nyɛn i .

Amɔs 1:9 ပူးပေါင်းရင်းမြစ်များ

2 Samiɛl 5:11

Iram b'ɔ ti Tir famiɛn'n ɔ sunmannin sran David sin, kɛ be ´kɔ'n, be fali sɛdri waka, ɔ nin waka sɛfuɛ mun, ɔ nin yɛbuɛ nga be fa kplan sua'n i sɛfuɛ mun ɔli. Be ko kplannin sua mannin David.

Jue Mun 83:7

I Edɔmfuɛ mun o, i Ismaɛlfuɛ mun o, i Moabfuɛ mun o, i Agarenfuɛ mun o, i Gɛbalfuɛ mun o,

Zeremi 25:22

N fa mannin Tir famiɛn mun, nin Sidɔnfuɛ'm be famiɛn mun, ɔ nin mɛn nga be o jenvie'n i bue kun lɔ'n be famiɛn mun.

Zeremi 47:4

Filistifuɛ'm be mɛn'n i bolɛ yɛ ɔ'a ju-ɔ. Be bɔ be nin Tir nin Sidɔn bé bo ti kun'n, be nunnunlɛ yɛ ɔ'a ju-ɔ. N wa nunnun Filistifuɛ'm be mɛn'n. Kaftɔrfuɛ'm be onga kan'n be mɛn'n, n wa nunnun i.

Ezekiɛl 27:1

Anannganman seli min kɛ yoo:

Ezekiɛl 27:27

Wɔ anyanbeun ninnge mun nin ɔ trɔ mun, ɔ́ bo ninnge'n kwlaa o, sran nga be di ɔ nun junman mun o, wɔ ajuin difuɛ nga be siesie wɔ ye mun o, aata difuɛ nga be to ɔ ninnge mun o, sonja nga be sasa wɔ mun o, sran kpanngban nga be o ɔ nun mun o, blɛ bɔ a mlɔnnin'n, be kwlaa be mlɔnnin wie.

Ezekiɛl 28:1

Anannganman seli min kɛ yoo:

Ezekiɛl 28:18

Ɔ sa tɛ kpanngban'n nga a yoli be'n nin ɔ ndrunmun nga a dili be aata dilɛ nun'n, i ti a sacili ɔ lika mun. N ´yo man sin kun ɔ ´fin wɔ afiɛn fite ɔ ´yra wɔ. N ´yo man a kaci nzuɛn asiɛ'n su wa. A ´kaci sɔ sran nga be nian wɔ'n be kwlaa be nyrun.

Amɔs 1:11

Anannganman'n wan yoo: «Edɔmfuɛ'm bé sa tɛtɛ nga b'a yo'n sɔnnin. Tokofi o bé sa nun yɛ be fa fuan be niaan Izraɛlfuɛ mun-ɔn. B'a si-man be aunnvuɛ mlɔnmlɔn. Be ya ti tɛ ngboko. Be fali ya ble be sieli be klun mlɔnmlɔnmlɔn. Ɔ man e nin be y'a nyɛn i.

Amɔs 1:6

Anannganman'n wan yoo: «Filistifuɛ'm nga be o Gaza bé sa tɛtɛ nga b'a yo'n sɔnnin. Be trali nvle wunmuan kun be fa ko mannin Edɔmfuɛ mun. Ɔ man e nin be y'a nyɛn i.

Abdias 1:11

Le kun nga bɔ Izraɛl i kpɔfuɛ'm be sonja'm be ´yo kɛ be kun-man alɛ kun sa bɔ be ´wlu klɔ'n nun, bɔ i sɔ aofuɛ liɛ'm be ´tu Izraɛlfuɛ'm be ninnge kpakpa'm be wun fɔtɔ be ´fa'n, wuun amun o lɛ. I sɔ like liɛ nga be ´yo'n, amun nin be yɛ be yoli-ɔ .

Zakari 9:1

Ndɛ cinnjin yɛ'n, Anannganman'n kan man Adrak lɔ lika'n i nunfuɛ mun. I sɔ ndɛ liɛ'n, ɔ kan man Damas klɔ lɔfuɛ mun kusu, afin nán Izraɛl akpasua'm be ngunmin yɛ be ti Anannganman'n liɛ-ɔ. Klɔ sran'm be kwlaa be ti i liɛ.

Matthieu 11:21

Ɔ seli kɛ: «Kɔrazɛnfuɛ mun, an yako, Bɛtsaidafuɛ mun, an yako, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Tir nin Sidɔn'n, wuun lɔfuɛ'm be wasa bé wun nzuɛn'n, wuun be wla bajɛ tralɛ'n, wuun be kacili be nzuɛn'n ɔ'a cɛ .

Matthieu 11:22

I sɔ'n ti, n ´kan kle amun kɛ, jɔlɛ dilɛ cɛn'n nun'n, Tirfuɛ mun nin Sidɔnfuɛ mun be nyrɛnnɛn liɛ'n ɔ ´yo sɔsɔ tra amun liɛ'n.

JÉSUS-CHRIST I DYASIN FE'N BO LUC KLELI'N 10:13

«Kɔrazɛnfuɛ mun, an yako! Bɛtsaidafuɛ mun, an yako! Afin sɛ ɔ ti kɛ sa kekleekle bɔ be yoli be amun klɔ su'n yɛ be yoli be Tir nin Sidɔn'n, wuun lɔfuɛ'm be wlali bajɛ tralɛ, be trannin nzuɛn nun, yɛ wuun be kacili be nzuɛn'n ɔ'a cɛ .

JÉSUS-CHRIST I DYASIN FE'N BO LUC KLELI'N 10:14

Ɔ man jɔlɛ dilɛ cɛn'n nun'n, Tir nin Sidɔn be nyrɛnnɛn liɛ'n ɔ ´yo sɔsɔ tra amun liɛ'n.