Amɔs 1:8 - NYANMIƐN NDƐ'N 1998

⁸ N ´nunnun Asdɔdfuɛ mun nin famiɛn ng'ɔ sie Askalɔn'n. N ´tu mín nyin n ´wɔ Ekrɔnfuɛ mun. Filistifuɛ'm be kwlaa nga be ka'n be ´wie wu.» Anannganman'n yɛ ɔ kan sɔ kle amun-ɔn .

Amɔs 1:8 ပူးပေါင်းရင်းမြစ်များ

2 Be Nyoliɛ 26:6

Ozias nin Filistifuɛ'm be ko kunnin. Ɔ sacili Gat, nin Zabne, ɔ nin Asdɔd be talɛ mun. Klɔ nga be mantan Asdɔd'n, ɔ sili wie'n be wun. Yɛ ɔ sili Filistifuɛ'm be klɔ wie'n bé wun.

Jue Mun 81:14

Sɛ ɔ ti kɛ min sran'm be ti min aniɛn'n, sɛ ɔ ti kɛ Izraɛlfuɛ'm be nanti atin nga n kle be'n su'n,

Ezai 1:25

Zerizalɛmfuɛ mun, e nin amun y'a nyɛn. N ´tu amun nun fiɛn'n kɛ be fa kpetre sanmlan be fa tu like nun fiɛn'n sa.

Ezai 20:1

Kɛ Asiri sonja'm bé su kpɛn bɔ Sargɔn b'ɔ ti Asiri famiɛn'n sunmɛnnin i'n ɔ juli Asdɔd lɔ'n, ɔ nin lɛfuɛ'm be kunnin nan ɔ'a fa klɔ'n.

Zeremi 47:1

Anannganman kannin Filistifuɛ'm bé wun ndɛ kleli i nuan ijɔfuɛ Zeremi. Kɛ ɔ ´kɛn i sɔ'n, wuun Ezipt famiɛn'n nian fa-man Gaza klɔ'n.

Ezekiɛl 25:16

I sɔ'n ti, Anannganman Nyanmiɛn wan yoo: Min yɛ, n wa yi n kwlalɛ bɔ n kwla'n i nglo, e nin Filistifuɛ mun e wa nyɛn i. N ´nunnun Kaftɔrfuɛ nga be ka jenvie'n i nuan kpɔlɛ'n su lɔ'n.

Zoɛl 3:4

Wia'n ɔ ´kaci ble tuun, yɛ anglo'n kusu ɔ ´blo youun kɛ mmoja sa. I sin nan Anannganman i cɛn dan sroesroe'n ɔ'a ju .

Amɔs 1:7

N ´fa sin n ´yi Gaza klɔ'n nun. I sɔ sin liɛ'n ɔ ´yrɛ i sua nglanman mun.

Amɔs 3:9

Amun `kpan be se Asdɔd famiɛn'n i awlofuɛ mun nin Ezipt famiɛn'n i awlofuɛ mun kɛ yoo: «Be `yia Samari oka'm be su lɔ, nan be `nian sannganlɛ bɔ ɔ'a sanngan lɔ-ɔ nin sa kekleekle bɔ ɔ'a ju sran'm be su lɔ-ɔ.»

Abdias 1:18

Ezau osu nun ba'm be ´yo kɛ ijre kee sa, Zakɔb nin Zozɛf be osu'n nun ba'm be kusu be ´yo kɛ sin nin i taaman sa yɛ be ´yra Ezau i osu nin-ɔn. Be ´nunnun be mlɔnmlɔn, be nun kun sa su tran-man nguan nun.» Afin Anannganman'n yɛ ɔ'a kan kle amun-ɔn .

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Zakari 9:5

Askalɔnfuɛ'm be ´wun i, kpɛkuun srɛ ´kun be. Gazafuɛ'm be kusu, srɛ'n dunman nun ti be wa usu dan. Ekrɔnfuɛ'm be kusu, be su si-man wie se kun, be ´sokpa. Gaza klɔ'n ɔ su nyan-man famiɛn kun, Askalɔn klɔ'n kusu, sran fi su tran-man su kun.

Zakari 9:6

Aofuɛ nga be si-man be finwlɛ'n be wa tran Asdɔd klɔ'n su. «N ´nunnun like nga Filistifuɛ'm be fa di bé nuan'n.

1 Samiɛl 6:17

Putɛputɛ'n i ba nga Filistifuɛ'm be fa sika ɔkwlɛ be yoli'n, ɔ ti sa nga be yoli'n i ti kpatalɛ like. Be fa mannin Anannganman. Be nga be yoli mun be yɛ: Asdɔdfuɛ mun, Gazafuɛ mun, Askalɔnfuɛ mun, Gatfuɛ mun, yɛ Ekrɔnfuɛ mun. Klɔ kun su be yo kun klɔ kun su be yo kun.