Amɔs 1:7 - NYANMIƐN NDƐ'N 1998

⁷ N ´fa sin n ´yi Gaza klɔ'n nun. I sɔ sin liɛ'n ɔ ´yrɛ i sua nglanman mun.

Amɔs 1:7 ပူးပေါင်းရင်းမြစ်များ

2 Famiɛn Mun 18:8

Ɔ kwlali Filistifuɛ mun lele juli Gaza nvle'n nun. Ɔ fali lika fleiinfleiin bɔ be jran be su be sasa klɔ'n. Ɔ kwlali klɔ nga be sisili bé wun'n be nunfuɛ mun.

2 Be Nyoliɛ 26:6

Ozias nin Filistifuɛ'm be ko kunnin. Ɔ sacili Gat, nin Zabne, ɔ nin Asdɔd be talɛ mun. Klɔ nga be mantan Asdɔd'n, ɔ sili wie'n be wun. Yɛ ɔ sili Filistifuɛ'm be klɔ wie'n bé wun.

Zeremi 47:1

Anannganman kannin Filistifuɛ'm bé wun ndɛ kleli i nuan ijɔfuɛ Zeremi. Kɛ ɔ ´kɛn i sɔ'n, wuun Ezipt famiɛn'n nian fa-man Gaza klɔ'n.

Zeremi 47:5

Gaza lɔ sran'm b'a kpu bé ti'n su, afin sɛ o be su. Askalɔn nin lika nga be mɛntɛn i lɛ'm be nun ɔ'a tɔ srolo! N se kɛ yoo: ‹Nan sɛ'n b'ɔ o amun su'n ti amun ´bobo amun wun kannin sa tititi?

Ezekiɛl 30:8

Blɛ bɔ n ´fa sin n yi i Ezipt mɛn nun'n, bɔ be nga be suɛn i bo'n be ´wie nunnun'n, yɛ be wa si jrɛiin kɛ n ti Anannganman nin-ɔn.

Ezekiɛl 39:6

N ´sɔ sin Magɔg nin be nga be tran jenvie'n nuan fɔuun'n be mɛn'n nun. Kɛ ɔ ´yo sɔ'n, sran'm be wa si jrɛiin kɛ min yɛ n ti Anannganman nin-ɔn.

Amɔs 1:4

N ´fa sin n ´yi Azaɛl i sua'n nun. N ´yra famiɛn Bɛn-Adad i sua dan'n.

Amɔs 1:6

Anannganman'n wan yoo: «Filistifuɛ'm nga be o Gaza bé sa tɛtɛ nga b'a yo'n sɔnnin. Be trali nvle wunmuan kun be fa ko mannin Edɔmfuɛ mun. Ɔ man e nin be y'a nyɛn i.

Amɔs 1:8

N ´nunnun Asdɔdfuɛ mun nin famiɛn ng'ɔ sie Askalɔn'n. N ´tu mín nyin n ´wɔ Ekrɔnfuɛ mun. Filistifuɛ'm be kwlaa nga be ka'n be ´wie wu.» Anannganman'n yɛ ɔ kan sɔ kle amun-ɔn .

Sofoni 2:4

Gaza wa tɔ koun, Askalɔn ´nunnun mlɔnmlɔnmlɔn. Be wa fuan Asdɔdfuɛ mun wia klakla kpa'n nun. Ekrɔnfuɛ'm be kusu, be wa tu be bo klɔ'n su.

Rɔmfuɛ Mun 12:19

N sran kpa mun, nán amun se kɛ amun bɔbɔ amun ´tu amun klunngbɔ'n, sanngɛ an `yaci man Nyanmiɛn, afin be klɛli i kɛ: «E Min'n se kɛ: ‹Min yɛ n tu klunngbɔ nin-ɔn, min yɛ n ´tua be kalɛ-ɔ .› »

Mmla'n 32:35

Cɛn nga be nunnunlɛ blɛ'n ko ju'n, m bɔbɔ n ´tu n klunngbɔ'n, yɛ n ´tua be kalɛ. Sa yalɛ blɛ sɔ'n nun-man mmua kun. Be tɔlɛ blɛ'n ɔ'a mantan koko.»