Akunndanfuɛ'n 9:9 - NYANMIƐN NDƐ'N 1998

⁹ Wɔ anwlɛn su bla'n, a nin i be `tran fɛfɛ blɛ vɛɛ kan nga Nyanmiɛn fa mannin wɔ nyanmiɛn'n bo wa'n nun. Afin ɔ liɛ nga a ko nyɛn i afɛ nga a fɛli nyanmiɛn'n bo wa nun'n yɛ ɔ o lɛ-ɔ.

Akunndanfuɛ'n 9:9 ပူးပေါင်းရင်းမြစ်များ

Bo Bolɛ 26:8

Kɛ ɔ cɛli lɛ lɔun kan'n, le kun Filistifuɛ'm be famiɛn Abimelɛk ɔ ´niɛn i fenɛtri'n nun-ɔn, Izaak yɛ ɔ nin i yi Rebeka be su tra ndalie yɛ.

Jue Mun 144:4

Sran'n, i like b'ɔ fɛli i yɛlɛ aunngban b'ɔ fita kan kpɛkuun ɔ'a sin'n. I nguan'n ɔ ti tika kɛ lolɛ b'ɔ o lɛ kan kpɛkuun ɔ nun-man lɛ kun'n sa.

Jue Mun 39:5

«Anannganman, kle min blɛ nga min nguan'n ɔ ´wie'n. Kle min kɛ min nguan'n i nyanman'n ɔ ti tɛnndɛn ju'n. Man n si kɛ kannzu n sɔ-man.

Nyanndra Mun 18:22

Sran nga b'ɔ nyan bla kpa ja'n, wuun ɔ'a nyan muae, afin like yɛ Anannganman fa cɛli i-ɔ.

Nyanndra Mun 19:14

Aja like nga be nyɛn i bé nannan'm bé sin'n yɛlɛ sika nin sua. Sanngɛ bla ngwlɛlɛfuɛ'n, Anannganman yɛ ɔ man-an.

Akunndanfuɛ'n 2:10

Like kwlaa nga n klo kɛ n ´nian'n, n niannin. Like nga be nyan nun aklunjuɛ'n i wafa wie fi ɔ'a san-man mín wun. Min junman kwlaa nga n dili'n, n nyɛnnin i nuan aklunjuɛ. Junman nga n dili'n i nuan like liɛ nga n ko nyɛn i mɛn'n nun'n, yɛ ɔ o lɛ-ɔ.

Akunndanfuɛ'n 2:24

Like ng'ɔ ti kpa man sran'n, yɛlɛ aliɛ dilɛ nin nzan nɔnlɛ, ɔ nin junman bɔ be di'n i nuan like nyanlɛ. N wunnin kɛ like kpa sɔ'n kusu Nyanmiɛn yɛ ɔ man-an.

Akunndanfuɛ'n 3:13

Yɛ n wunnin kɛ blɛ bɔ sran kun di like b'ɔ nɔn nzan'n b'ɔ di i sa ti junman'n i nuan like'n, Nyanmiɛn yɛ ɔ fɛ i sɔ'n mɛn i-ɔ.

Akunndanfuɛ'n 3:22

I agualiɛ su'n, n wunnin i kɛ, like ng'ɔ ti kpa man sran'n, yɛlɛ i junman ng'ɔ dili'n i nun ninnge b'ɔ nyɛnnin i'n i wie dilɛ. ?Afin sɛ sran kun i blɛ liɛ'n ko ju'n, wan yɛ ɔ kwla fɛ i ba mɛn'n nun wa ekun bɔ sa nga be yo be i sin wa'n, ɔ ´kwla wun be nun ekun-ɔn?

Akunndanfuɛ'n 5:18

Cɛn wie Nyanmiɛn man sran wie anyanbeun kɛ ɔ di su aklunjuɛ. Sran sɔ'n nyɛn i liɛ junman ng'ɔ di'n i nun. Nyanmiɛn yɛ ɔ man i sɔ nin-ɔn .

Akunndanfuɛ'n 6:12

Sran i nguan'n ti kɛ fɔnvɔ wie sa. ?Wan yɛ ɔ si like kpa ng'ɔ wa ju i nguan tika sɔ'n nun-ɔn? ?Nyanmiɛn'n i bo wa'n, wan yɛ ɔ kwla kan sran kun i wie'n i sin sa mun kle i-ɔ?

Akunndanfuɛ'n 7:15

Blɛ kan nga m'an di i asiɛ'n su wa nun'n, m'an wun kɛ sa'n kwlaa kwla ju. Kannzɛ bɔ sran'n ti kpa sɛ, sanngɛ ɔ kpɛ kpo wu. Sran wie kusu i klunwi liɛ'n be kwla kan-man, sanngɛ ɔ wu-man ndɛ.

Malasi 2:15

?Anannganman ɔ'a fa-man amun, ɔ nin amún yi'm be wunnɛn'n, ɔ nin amun wawɛ'n ɔ'a yo-man sran wunmuan kun? ?Nguɛ ti-ɔ? ?Nán ba wulɛ ti-ɔ? Amun `nian amun wun kpa, nán amun yra amun gbanflɛn nun bla mun.