Akunndanfuɛ'n 9:3 - NYANMIƐN NDƐ'N 1998

³ Nyanmiɛn'n i bo wa'n, ninnge'm be nun tɛ kpa kun yɛ ɔ o yɛ. Sran'm be kwlaa be agualiɛ'n ɔ ti kunngba, ɔ man kɛ sran'm be ´yo sa tɛ'n bɔ ngunmin sa, yɛ sinnzin akunndan'n yɛ ɔ o be anwlɛn'n nun sa tititi-ɔ, kpɛkuun b'a fa wu, wuun b'a ko to be nga be dun mmua wuli'n be lɔ.

Akunndanfuɛ'n 9:3 ပူးပေါင်းရင်းမြစ်များ

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Zɔb I Nyrɛnnɛn Wunlɛ 15:16

yɛ ɔ waan sran b'ɔ ti kain, bɔ ɔ'a kplɔ, bɔ sa tɛ'n ti i nzue yɛ ɔ nɔn'n yɛ ɔ lafi i su-ɔ!

Zɔb I Nyrɛnnɛn Wunlɛ 21:26

Sanngɛ be wafa nnyɔn'n, be wla be ase. Kakaa mma'm be fɔ be su nyinmɔn nyinmɔn nyinmɔn.

Zɔb I Nyrɛnnɛn Wunlɛ 9:22

N se kɛ: Nyanmiɛn man sran kpa nin sran tɛ'n be wu wie kunngba'n. Min ndɛ nun-man nun.

Jue Mun 51:5

Afin n wun sa tɛtɛ nga n yo be'n. Sa tɛtɛ sɔ'm be sinsin min nyin su.

Jue Mun 64:7

Be bu sa tɛ nga be wa yo'n i wun akunndan, kpɛkuun be waan: «Like nga e ko yo'n, y'a wun i siɛn'n. Nanwlɛ, kɛ klɔ sran kpa'n ɔ o lɛ'n, ɔ si ngwlɛlɛ o.»

Nyanndra Mun 14:32

Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.

Akunndanfuɛ'n 1:17

N kunndɛli ngwlɛlɛ nin sinnzin'n be afiɛn ngbaciɛ'n. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 12:7

Kɛ ɔ ko yo sɔ'n, wuun sran i wunnɛn'n ɔ su sɛ i sin ndutre bɔ be fa yili i'n i nun, yɛ nguan ng'ɔ o i nun'n kusu ɔ sɛ i sin kɔ Nyanmiɛn b'ɔ fa mɛnnin i'n i wun lɔ.

Akunndanfuɛ'n 2:14

Ngwlɛlɛfuɛ'n ɔ wun ase yɛ sinnglinfuɛ'n nanti i liɛ ble'n nun. Sanngɛ n si kɛ awieliɛ kunngba'n yɛ ɔ wa wie be nnyɔn nin-ɔn.

Akunndanfuɛ'n 7:2

Awlo nga sɛ o nun'n, i nun kɔlɛ'n ti kpa tra awlo nga be su di cɛn nun'n. Yɛlɛ kɛ sran'm be kwlaa be awieliɛ yɛlɛ wie'n, i ti ɔ fata kɛ be nga be nyin o su'n be bu i akunndan.

Akunndanfuɛ'n 7:25

Min waan n ´si sa'm bé bo. Min waan n ´si like nga be flɛ i ngwlɛlɛ'n i bo, yɛ min waan n ´si sa nga ti yɛ sa'm be ju'n. N wunnin kɛ klunwi yolɛ nin sinnzin yolɛ'n be ti fia like.

Akunndanfuɛ'n 8:11

Kɛ be ka-man bé ja nun lɛ be tu-man sran ng'ɔ yo sa tɛ'n i fɔ kɛ ɔ nin i fata'n sa'n, i ti yɛ sa tɛ yolɛ'n i akunndan'n wo sran'm be anwlɛn'n nun b'ɔ wie-man le nin-ɔn.

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Akunndanfuɛ'n 9:2

Sa nga be ju sran'm be kwlakwla bé su'n, i kwlaa ti kunngba. Sran kpa'n i agualiɛ'n nin sran tɛ'n i agualiɛ'n be ti kunngba. Sa ng'ɔ ju sran kpa nin sran ng'ɔ ti saun Nyanmiɛn nyrun bé su'n, i sɔ sa kunngba'n ju sa tɛ yofuɛ'n su. Sran ng'ɔ yi sraka o, sran ng'ɔ yi-man sraka o, klun-ufuefuɛ o, klunwifuɛ o, sran ng'ɔ ta Nyanmiɛn nda o, sran nga be sro nda talɛ o, be awieliɛ'n ɔ ti kunngba.

Akunndanfuɛ'n 9:4

Kusu san sran nga i nyin tɛ o su'n yɛ ɔ lafi su kɛ ɔ kwla nyan like cɛn wie-ɔ. Be nga bé nyin o su'n, be si kɛ be ´wu cɛn kun, sanngɛ be nga b'a wu'n be liɛ'n be wun-man sa fi wlɛ. Be minndɛ-man akatua fi kun, afin sran'm bé wla ɔ'a fi be su. Alua nga i nyin tɛ o su'n, i kpa tra asɔmɔli i fuɛn'n lele.

Zeremi 16:12

Amun kusu sa tɛ nga amun yoli'n, ɔ trali amún si'm be liɛ'n. Amun waan amun klun klo akunndan liɛ'n cɛ yɛ amun ´fa su-ɔ. Ɔ lɛ-man amun nun kun. Ndɛ nga n kan'n, amun tie-man.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

JÉSUS-CHRIST I DYASIN FE'N BO LUC KLELI'N 15:17

Kɛ ɔ tran buli akunndan bɔ i nyin kpɛnnin i laa nun'n, ɔ seli kɛ: ‹Nian min si awlo lɔ junman difuɛ kpanngban bɔ be di-man aliɛ yalɛ, yɛ min yɛ n su wu awe nun wa yɛ!

JÉSUS-CHRIST I DYASIN FE'N BO LUC KLELI'N 6:11

Ya kunnin be dan kpa Jésus wun, nan b'a ko bu sa nga be ´yo i'n i akunndan.

Sa nga bé yôli'n 12:23

I osu kunngba'n nun e Min Nyanmiɛn i anz kun man tukpacɛ wie tɔli i su. Kakaa'm be loli i wun nan ɔ'a wu yɛlɛ kɛ ɔ'a tu-man Nyanmiɛn i kpli.

Sa nga bé yôli'n 26:11

N ta be fɔ tu Nyanmiɛn ndɛ suanlɛ nin i srɛlɛ sua'n kwlaa nun, n waan n ´yo sɔ nan ɔ fin bé nuan fite kɛ be lafi-man Jésus su kun. Ya bɔ n fɛ i bé wun dan kpa'n ti, n kle be yalɛ lele fa ju nvle uflɛ nun.»

Sa nga bé yôli'n 26:24

Pɔl nuan nian tɔ-man, kpɛkuun Fɛstis kpan seli i kɛ: «Pɔl, ɔ́ ti a saci! A suan ninnge'n lele ɔ man ɔ́ ti a saci!»

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.

2 Piɛr 2:16

sanngɛ Nyanmiɛn tuli i fɔ sa sɔ'n b'ɔ yoli'n ti, afin aflunmun'n fiteli i, ɔ ijɔli i nyrun, ɔ man Nyanmiɛn nuan ijɔfuɛ sɔ'n yacili i sinnzin sɔ'n i yolɛ .