Akunndanfuɛ'n 9:2 - NYANMIƐN NDƐ'N 1998

² Sa nga be ju sran'm be kwlakwla bé su'n, i kwlaa ti kunngba. Sran kpa'n i agualiɛ'n nin sran tɛ'n i agualiɛ'n be ti kunngba. Sa ng'ɔ ju sran kpa nin sran ng'ɔ ti saun Nyanmiɛn nyrun bé su'n, i sɔ sa kunngba'n ju sa tɛ yofuɛ'n su. Sran ng'ɔ yi sraka o, sran ng'ɔ yi-man sraka o, klun-ufuefuɛ o, klunwifuɛ o, sran ng'ɔ ta Nyanmiɛn nda o, sran nga be sro nda talɛ o, be awieliɛ'n ɔ ti kunngba.

Akunndanfuɛ'n 9:2 ပူးပေါင်းရင်းမြစ်များ

Bo Bolɛ 24:3

nan fa Anannganman b'ɔ ti nglo nin asiɛ'n be Nyanmiɛn'n i dunman ta min nda kɛ a su ja-man Kanaanfuɛ nga e nin be tran wa yɛ'n bé sa nun bla a su man-man mín wa'n.

Zɔb I Nyrɛnnɛn Wunlɛ 9:22

N se kɛ: Nyanmiɛn man sran kpa nin sran tɛ'n be wu wie kunngba'n. Min ndɛ nun-man nun.

Jue Mun 73:3

Afin n wunnin i kɛ be nga be yi Nyanmiɛn'n blo'n, be ninnge'm be yo ye bé sa nun, kpɛkuun min nyin bloli nyin keklefuɛ sɔ'm bé wun.

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 3:19

Afin sran'm be agualiɛ'n nin nnɛn'm be liɛ'n, ngbaciɛ nun-man be afiɛn. Like kunngba nga bɔ man sran de wunmiɛn'n, i kunngba'n yɛ nnɛn'm be kusu be lɛ i-ɔ. I klɔ sran o, i nnɛn o, be kwlaa be wu. Sran'n i kpa tra-man nnɛn'n. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Akunndanfuɛ'n 6:6

?Sɛ sran kun cɛ lele di afuɛ akpi nnyɔn (2.000) nan ɔ'a nyan-man manndran le'n, i mmlusuɛ liɛ'n yɛlɛ onin? ?Sran'm be kwlaa be kɔwlɛ'n ti-man kunngba?

Akunndanfuɛ'n 7:18

Ɔ ti kpa kɛ a `fa afɔtuɛ nnyɔn ng'ɔ o lɛ'm be su. Afin sran nga i nyin yi Nyanmiɛn'n, ɔ fata-man kɛ be kɛn i wun ndɛ.

Akunndanfuɛ'n 7:2

Awlo nga sɛ o nun'n, i nun kɔlɛ'n ti kpa tra awlo nga be su di cɛn nun'n. Yɛlɛ kɛ sran'm be kwlaa be awieliɛ yɛlɛ wie'n, i ti ɔ fata kɛ be nga be nyin o su'n be bu i akunndan.

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Akunndanfuɛ'n 9:3

Nyanmiɛn'n i bo wa'n, ninnge'm be nun tɛ kpa kun yɛ ɔ o yɛ. Sran'm be kwlaa be agualiɛ'n ɔ ti kunngba, ɔ man kɛ sran'm be ´yo sa tɛ'n bɔ ngunmin sa, yɛ sinnzin akunndan'n yɛ ɔ o be anwlɛn'n nun sa tititi-ɔ, kpɛkuun b'a fa wu, wuun b'a ko to be nga be dun mmua wuli'n be lɔ.

Zeremi 43:6

Bla mun o, yasua mun o, famiɛn'n i mma bla mun o, sran nga Nɛbizaradan b'ɔ ti gladi difuɛ'm be kpɛnngbɛn yacili be Safan i wa Asikam i wa liɛ Gɛdalia sa nun'n, be fali be ngba ɔli. Be fali Zeremi nin Neriza i wa Barik ɔli wie.

Malasi 3:15

Y'a wun kɛ be nga be yo bé wun dandan'n be yɛ be di ye-ɔ, sa tɛ yofuɛ'm bé wun fɔuun. Kannzɛ be klɔklɔli Nyanmiɛn o, be o be olɛ lɛ cɛ, ndɛ fi nyan-man be.› »

Malasi 3:18

Kpɛkuun amun ´wun ngbaciɛ ng'ɔ o sran kpa nin sran ng'ɔ bu-man Nyanmiɛn nin i nuan ndɛ'n be like fi'n be afiɛn'n, ɔ nin ngbaciɛ ng'ɔ o sran ng'ɔ su Nyanmiɛn nin sran ng'ɔ su-man Nyanmiɛn'n be afiɛn'n.»

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

1 Samiɛl 14:26

Kɛ be wluli bo'n nun'n, be ´nian-an, awɛma nzue yɛ ɔ ´sonji yɛ, sanngɛ be wie fi ɔ'a fa kɛn-mɛn i nuan. Nda bɔ Sail tali'n ti, srɛ kunnin be.