Akunndanfuɛ'n 9:1 - NYANMIƐN NDƐ'N 1998

¹ Ninnge nga n wunnin be'n, m buli be akunndan kpa n niannin. Sa nga n wunnin i'n yɛlɛ kɛ sran kpa mun nin ngwlɛlɛfuɛ mun be nin be junman mun be o Nyanmiɛn sa nun. Klolɛ nin kpɔlɛ'n kusu sran si-man be nun like fi, afin ɔ si-man i nyrun lɔ sa mun.

Akunndanfuɛ'n 9:1 ပူးပေါင်းရင်းမြစ်များ

Zɔb I Nyrɛnnɛn Wunlɛ 12:10

Nyanmiɛn sa nun yɛ like kwlaa wo-ɔ. I sa nun yɛ sran'm be kwlaa be nguan'n wo-ɔ.

Zɔb I Nyrɛnnɛn Wunlɛ 27:12

Amun kwlakwla amun wun i sɔ'n i wlɛ jrɛiin. ?Yɛ wuun ɔ yo sɛ ti yɛ amun ndɛ'm be ti vɛɛ sɔ-ɔ?

Zɔb I Nyrɛnnɛn Wunlɛ 5:8

Sɛ ɔ ti min'n, wuun n ´kan kle Nyanmiɛn'n, wuun i nyrun yɛ n fa min ndɛ'n n ´kɔ-ɔ.

Jue Mun 10:14

A wun nyrɛnnɛnfuɛ'm be afɛ'n nin be nyrɛnnɛn'n. A yaci-man be nga afɛ nin nyrɛnnɛn'n wo bé su'n be lika nianlɛ. Ɔ su yɛ nyrɛnnɛnfuɛ'm be kisa-a. Wɔ yɛ a uka aika mun-ɔn.

Jue Mun 119:109

Sa kekle'n su min su tititi, sanngɛ mín wla fi-man ɔ mmla'n su.

Jue Mun 31:5

N si kɛ a ´yi min aya bɔ b'a suɛ i min wun'n i nun ´fite. Afin wɔ yɛ a ti min sasafuɛ-ɔ.

Jue Mun 73:3

Afin n wunnin i kɛ be nga be yi Nyanmiɛn'n blo'n, be ninnge'm be yo ye bé sa nun, kpɛkuun min nyin bloli nyin keklefuɛ sɔ'm bé wun.

Nyanndra Mun 16:3

Like nga ɔ waan a ´yo'n, fa wla Anannganman sa nun. Sɛ a fa wla Anannganman sa nun'n, nga a sunnzun'n ɔ ´kpɛn su.

Akunndanfuɛ'n 1:17

N kunndɛli ngwlɛlɛ nin sinnzin'n be afiɛn ngbaciɛ'n. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 10:14

Sinnglinfuɛ'n ɔ ijɔ fiaii. Sran'n b'ɔ o sa'n, ɔ si-man sa ng'ɔ wa ju cɛn wie'n. ?Wan yɛ ɔ ´bo sa ng'ɔ wa ju'n i su'n i su kle i-ɔ?

Akunndanfuɛ'n 7:15

Blɛ kan nga m'an di i asiɛ'n su wa nun'n, m'an wun kɛ sa'n kwlaa kwla ju. Kannzɛ bɔ sran'n ti kpa sɛ, sanngɛ ɔ kpɛ kpo wu. Sran wie kusu i klunwi liɛ'n be kwla kan-man, sanngɛ ɔ wu-man ndɛ.

Akunndanfuɛ'n 7:25

Min waan n ´si sa'm bé bo. Min waan n ´si like nga be flɛ i ngwlɛlɛ'n i bo, yɛ min waan n ´si sa nga ti yɛ sa'm be ju'n. N wunnin kɛ klunwi yolɛ nin sinnzin yolɛ'n be ti fia like.

Akunndanfuɛ'n 8:14

Nyanmiɛn'n i bo wa'n, sa kun o lɛ bɔ i wlɛ wunlɛ yo ya: be yo sran kpa wie'm be kɛ klunwifuɛ mun sa, kpɛkuun be yo klunwifuɛ'm be kɛ sran kpa mun sa. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 8:16

N fali mín wun n wlali ngwlɛlɛ'n i silɛ'n nun, yɛ m buli kokolɛ nga sran'm be koko nyanmiɛn'n bo wa'n i akunndan, afin i kɔnguɛ o, i wia'n nun o, sran'm be nyinma si-man lafilɛ'n.

Akunndanfuɛ'n 8:7

Kusu ɔ si-man sa ng'ɔ wa ju i su'n. ?Yɛ wan li yɛ ɔ ´kan wafa nga sa sɔ'n wa fa ju'n ´kle i-ɔ?

Akunndanfuɛ'n 9:6

Be sran klolɛ o, be sran kpɔlɛ o, be kwla silɛ o, i kwlaa sɔ'n ɔ'a wie. Ninnge nga be ´yo be nyanmiɛn'n bo wa'n, be liɛ nun-man nun kun mlɔnmlɔn.

Ezai 26:12

Anannganman, wɔ man é wun jɔ ye. Afin like nga e yo'n, wɔ yɛ a yiɛ i nuan man ye-ɔ.

Zeremi 43:6

Bla mun o, yasua mun o, famiɛn'n i mma bla mun o, sran nga Nɛbizaradan b'ɔ ti gladi difuɛ'm be kpɛnngbɛn yacili be Safan i wa Asikam i wa liɛ Gɛdalia sa nun'n, be fali be ngba ɔli. Be fali Zeremi nin Neriza i wa Barik ɔli wie.

Mmla'n 33:3

Anannganman klo Izraɛl akpasua-akpasua be sufuɛ mun. Ɔ sasa be bɔ be ti i liɛ mlɔnmlɔn'n, ɔ sasa be bɔ be trɛn i bo lɛ kɛ be ´ti i ndɛ'n.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

1 Samiɛl 2:9

Ɔ sasa be bɔ bé nyin yi i mun'n, sanngɛ sran tɛfuɛ'm be wu aosin nun. Afin kɛ a wun kɛ sran kun ´nyan kwlalɛ lɛ'n, wuun nɛ́n i bɔbɔ fanngan nun-ɔn.