Akunndanfuɛ'n 8:9 - NYANMIƐN NDƐ'N 1998

⁹ M buli ninnge nga be yo be nyanmiɛn'n bo wa'n be akunndan kpa n niannin. Ɔ lɛ blɛ kun bɔ sran kun sie i wiengu kun kpɛkuun ɔ kle i nyrɛnnɛn-ɔn.

Akunndanfuɛ'n 8:9 ပူးပေါင်းရင်းမြစ်များ

2 Famiɛn Mun 25:7

Be kunnin i mma mun i bɔbɔ nyrun lɛ, kpɛkuun Nɛbikadnɛzar man be boli i nyinma'n. Ɔ man be fali jrɔkɔ be cili i nan ɔ'a fɛ i ɔ'a ɔ Babilɔni .

Ezipt Lɔ Tulɛ'n 14:28

Nzue'n katali alɛ kakaklolo'm be nin famiɛn'n i alɛ kunfuɛ bɔ be fuan Izraɛlfuɛ mun'n be kwlaa bé su. Sran ba kun sa ɔ'a nyɛn-mɛn i ti.

Akunndanfuɛ'n 1:14

N niannin junman nga be di be nyanmiɛn'n bo wa'n be kwlaa, n wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 3:10

M buli junman nga Nyanmiɛn fa mannin klɔ sran'm be kɛ be di'n i akunndan n niannin.

Akunndanfuɛ'n 3:16

N wunnin i wlɛ nyanmiɛn'n bo wa ekun kɛ kan be di jɔlɛ lɛ'n, klunwi o lɛ, yɛ be di ndɛ kwlɛ lɛ.

Akunndanfuɛ'n 4:1

Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Akunndanfuɛ'n 5:13

Kɛ sanvuɛsa wa tɔ i su'n, kpɛkuun i sɔ anyanbeun liɛ'n kwlaa ɔ'a tu anunman i sa nun. I ti ba yasua ng'ɔ wuli i'n, ɔ nyan-man like fi.

Akunndanfuɛ'n 5:7

Sɛ mɛn wie nun a wun kɛ be su kle yalɛfuɛ wie nyrɛnnɛn'n, nan be su di i ndrunmun'n, nan be su di i ndɛ kwlɛ'n, nɛ́n i sɔ sa'n ɔ bo ɔ́ nuan. Afin kɛ mɛn'n wo yɛ'n, kannzɛ bɔ man a nyan nyrun sɛ, ɔ wiengu uflɛ o lɛ b'ɔ tra wɔ-ɔ.

Akunndanfuɛ'n 5:8

Asiɛ'n nun like nga be nyɛn i'n ɔ ti sran'm be kwlaa be liɛ. Fie su junman'n yɛ man famiɛn'n ɔ di like-ɔ.

Akunndanfuɛ'n 7:25

Min waan n ´si sa'm bé bo. Min waan n ´si like nga be flɛ i ngwlɛlɛ'n i bo, yɛ min waan n ´si sa nga ti yɛ sa'm be ju'n. N wunnin kɛ klunwi yolɛ nin sinnzin yolɛ'n be ti fia like.

Akunndanfuɛ'n 7:7

Sɛ be su kle sran kun nyrɛnnɛn'n, ɔ yo ngwlɛlɛfuɛ'n i ya lele tra su. Adi nga be man'n, ɔ yo man sran di-man nanwlɛ.

Mmla'n 2:30

Sanngɛ Siɔn b'ɔ ti Ɛsbɔn famiɛn'n waan nán i yɛ ɔ ko yaci e nun e ko sin-ɔn. Kannzu Anannganman amun Nyanmiɛn'n yɛ ɔ keteli i anwlɛn nin-ɔn, kɛ ɔ ´yo nan amu'an kwlɛ i nan amu'an fɛ i mɛn nga amun o nun ndɛkɛn yɛ'n ti.