Akunndanfuɛ'n 8:8 - NYANMIƐN NDƐ'N 1998

⁸ Sran fi kwla tra-man i bɔbɔ i nguan'n nun. Sran fi kwla su-man i wie cɛn'n bo kɔ-mɛn i sin. Kɛ alɛ'n ko tɔ sa'n, ɔ lɛ-man kɛ b'a fite nun, klunwi yolɛ'n ɔ kwla de-man klunwi yofuɛ mun.

Akunndanfuɛ'n 8:8 ပူးပေါင်းရင်းမြစ်များ

2 Samiɛl 14:14

Ɔ lɛ-man e nun kun b'ɔ su ko wu-man-an. Kɛ e ko wu'n, e ti kɛ nzue bɔ ɔ'a utu'n sa, be isa-a, ɔ yo-man ye kun, sanngɛ Nyanmiɛn ɔ'a sie-man ba ng'ɔ wanndi ɔli mɛn wie nun i liɛ'n sɔ kɛ ɔ ka lɔ. Ɔ'a sie-mɛn kɛ ɔ trɛn i bɔbɔ Nyanmiɛn'n i wun mmua.

2 Famiɛn Mun 7:15

Be ɔli, be ko kunndɛli be lele be juli Zurdɛn'n i nuan. Kɛ be ´kɔ'n, be wunnin kɛ tralɛ mun, ɔ nin ninnge wie mun be tru atin'n nun kɔ. Kɛ Sirifuɛ'm be ´wanndi kɔ'n, bé wun b'ɔ usu-usu be'n ti, yɛ ninnge sɔ'm be guali atin'n nun-ɔn. Be nga be sunmannin be'n be sali bé sin, be wa kannin sa nga be wunnin i'n kleli famiɛn'n.

Zɔb I Nyrɛnnɛn Wunlɛ 14:5

Wɔ yɛ a sie sran'n i cɛn ng'ɔ ´di'n i nuan-an. Wɔ yɛ a sie i anglo ng'ɔ ko di'n i nuan-an. A sieli bé nuan, sran'n ɔ tra su-ɔ ɔ yo-man ye.

Zɔb I Nyrɛnnɛn Wunlɛ 34:14

Sɛ i waan ɔ ´bu i bɔbɔ i ngunmin i wun akunndan'n, yɛ sɛ i waan ɔ ´yi nguan ng'ɔ fa wlali ninnge'm be nun'n,

Jue Mun 89:48

Man ɔ nyin kpɛn mín su, sran i nguan'n ti tika. A yili sran'n kɛ ɔ `wu.

Jue Mun 9:17

Anannganman ɔ'a fa wafa ng'ɔ ti'n ɔ'a kle, ɔ di jɔlɛ weinwein. Anannganman man sa tɛ yofuɛ'n ɔ'a tɔ aya nga i bɔbɔ suali'n nun.

Nyanndra Mun 12:3

Klunwi yolɛ'n ɔ man-man sran i jransuɛ. Klun-ufuefuɛ'm be liɛ'n kɛ be o lɛ'n yɛ be wo-ɔ, be tɔ-man le.

Nyanndra Mun 14:32

Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.

Akunndanfuɛ'n 3:21

?Wan yɛ ɔ kwla se kɛ klɔ sran'n i kla liɛ'n ɔ fu kɔ nglo lɔ nan nnɛn'm be liɛ'n ɔ ka asiɛ wun wa-a?

Akunndanfuɛ'n 8:13

Klunwifuɛ'n ɔ nyan-man muae yɛ i nguan nyanman'n yo-man tɛnndɛn. I nguan sɔ'n ɔ yo vɛɛ kan kɛ fɔnvɔ sa yɛlɛ kɛ i nyin yi-man Nyanmiɛn mlɔnmlɔn .

Akunndanfuɛ'n 9:12

Kɛ kpatra'n b'ɔ ´wun i wun-ɔn, lala ɔ'a trɛ i'n, annzɛ anunman'n b'ɔ ´wun i wun-ɔn, aya ɔ'a trɛ i'n, kɛ klɔ sran'n kusu ɔ ti sɔ-ɔ, ɔ si-man cɛn nga nyrɛnnɛn'n ɔ wa tɔ i su-ɔ. Blɛ wie'n, sran'n sunnzun-man kɛ sa su wa nyɛn i, kpɛkuun sa wie ɔ'a tɔ i su ɔ'a blɛblɛ i wun.

Ezai 28:15

Amun waan amun nin wie'n b'a tra aenguɛ, amun waan amun nin blɔlɔ'n b'a tra janvuɛ, ɔ man kɛ sa kekle'n ɔ ´ba'n, ɔ ´to fuan amun, afin amun waan amun ´fia ato'n i sin, yɛ amun fa gblɛ'n ´kata amún nyin.

Ezai 28:18

Aenguɛ bɔ amun nin wie'n amun trali'n, ɔ ´saci, yɛ janvuɛ bɔ amun nin blɔlɔ'n amun trali'n, ɔ su yo-man ye kun. Blɛ bɔ sa kekle'n ɔ ´ba'n, ɔ ´tɔ amun su wie.

Ezai 47:10

A lafili ɔ klunwi'n su, a seli kɛ: ‹Sran fi wun-man min.› Ɔ ngwlɛlɛ'n nin ɔ silɛ'm be lakali wɔ. A seli ɔ klun lɔ kɛ: ‹M bɔbɔ min'n, sran fi nin min sɛ-man.›

1 Korɛntfuɛ Mun 15:43

Kɛ be ´wlɛ i ase'n, ɔ lɛ-man nyrun, kɛ ɔ ko cɛn i'n, ɔ lɛ nyrun, kɛ be ´wlɛ i ase'n, ɔ ti fuɛn, kɛ ɔ ko cɛn i'n ɔ lɛ wunmiɛn.

2 Korɛntfuɛ Mun 13:4

Afin ɔ ti nanwlɛ kɛ be boboli i waka'n su kɛ sran b'ɔ kwla-man like fi yo sa, sanngɛ Nyanmiɛn i fanngan nun ti yɛ ndɛkɛn ɔ o lɛ-ɔ. E kusu kɛ e nin i y'a yo sran wunmuan'n, e yo e wun kɛ i bɔbɔ yoli i wun kɛ fuɛnfuɛ'n sa, sanngɛ like nga e yo man amun'n, e yo i Nyanmiɛn i fanngan nun, yɛlɛ kɛ e nin Krist y'a yo sran wunmuan.

Hébreu 9:27

Be sieli i kɛ sran wu kpɛ kunngba, i sin be fɛ i kɔ Nyanmiɛn ja su.