Akunndanfuɛ'n 8:5 - NYANMIƐN NDƐ'N 1998

⁵ Sran nga bɔ i nyin yi i'n ɔ su fɛ-mɛn i wun wlɛ-mɛn i ndɛ tɛ nun. Akunndanfuɛ'n si i anwlɛn'n nun lɔ kɛ blɛ wa ju bɔ Nyanmiɛn wa di jɔlɛ-ɔ.

Akunndanfuɛ'n 8:5 ပူးပေါင်းရင်းမြစ်များ

1 Be Nyoliɛ 12:32

Manase akpasua bue kun'n nun'n sran'm be ti akpi-akpi blu-nin-mɔcuɛ (18.000). Be kpali be wafa ngunmin kɛ be ko sie David famiɛn.

Jue Mun 119:6

nan sɛ sa sɔ'n wie kpɛn min klun'n, m'an wun-man su nyannzuɛn i kasiɛn nun'n ti.

Ezipt Lɔ Tulɛ'n 1:17

Sanngɛ ba wufuɛ sɔ mun bé nyin yi Nyanmiɛn i ti, b'a yo-man like nga famiɛn'n seli be kɛ be yo'n. Ɔ man be yacili ba yasua'm be lɛ, b'a kun-man be.

Nyanndra Mun 12:21

Sa tɛ fi sa nyan-man klun-ufuefuɛ'n. Sanngɛ sa tɛtɛ'n kwlaa ti sin yia klunwifuɛ mun .

Nyanndra Mun 17:24

Sran ng'ɔ si sa'n, akunndan ndɛ mlin-mɛn i klun le, sanngɛ sran ng'ɔ wun-man sa wlɛ'n, like nga be o mmua-mmua'n, be akunndan yɛ ɔ bu-ɔ.

Akunndanfuɛ'n 10:2

Ngwlɛlɛfuɛ'n i anwlɛn ba'n ɔ fɛ i kɔ fama su, sinnglinfuɛ'n i anwlɛn ba'n kusu ɔ fɛ i kɔ bɛ su .

Akunndanfuɛ'n 12:13

E `sie é su e tie ndɛ'n kwlaa ng'ɔ o lɛ'm be atabo'n: man ɔ́ nyin yi Nyanmiɛn, yɛ nanti i mmla'm be su. Like ng'ɔ fata kɛ klɔ sran kwlakwla yo'n yɛ ɔ o lɛ-ɔ.

Akunndanfuɛ'n 2:14

Ngwlɛlɛfuɛ'n ɔ wun ase yɛ sinnglinfuɛ'n nanti i liɛ ble'n nun. Sanngɛ n si kɛ awieliɛ kunngba'n yɛ ɔ wa wie be nnyɔn nin-ɔn.

Akunndanfuɛ'n 8:2

Sɛ famiɛn'n man mmla kun'n, man ɔ́ nyin yi i, afin a tɛli i nda Nyanmiɛn nyrun.

Ndɛ Nga Nyanmiɛn I Nuan Ijɔfuɛ Oze Kannin'n 5:11

Efraimfuɛ'm be lɛ-man nyrun kun, b'a kuakua. Afin be bɔbɔ be tiaun mmla liɛ'n yɛ be waan be ´nanti su-ɔ.

JÉSUS-CHRIST I DYASIN FE'N BO LUC KLELI'N 20:25

Yɛ ɔ seli be kɛ: «Sɛ ɔ ti sɔ'n, an `fa ng'ɔ ti Sezar liɛ'n mɛn i, yɛ ng'ɔ ti Nyanmiɛn liɛ'n, an `fa mɛn i.»

Sa nga bé yôli'n 4:19

Piɛr nin Zan be usali be kɛ: «?Sɛ Nyanmiɛn wun kɛ é nyin yi amun bɔ é nyin yi-mɛn i'n, ɔ ti kpa? An `bu nian,

Sa nga bé yôli'n 5:29

Piɛr nin i wiengu kun mun be seli be kɛ: «Sɛ é nyin yi Nyanmiɛn tra sran mun'n, ɔ ti kpa tra kɛ é nyin yi sran'n.

Kolɔsfuɛ Mun 1:9

I sɔ'n ti'n, e kusu kɛ ɔ fin cɛn nga e tili amun ndɛ bɔ be kan'n, e srɛ Nyanmiɛn titi kɛ ɔ nian amun su. E srɛ i kɛ ɔ yo man an si ngwlɛlɛ nan an wun sa nga i Wawɛ'n kle amun'n i wlɛ nan an si i klun sa'n kpa.

Hébreu 5:14

Sanngɛ be nga b'a yo sran bɔ be kunndɛ sa ng'ɔ ti kpa'n nin tɛ'n be ngbaciɛ lele b'a si i kpa'n, aliɛ'n ti be liɛ.