Akunndanfuɛ'n 8:3 - NYANMIƐN NDƐ'N 1998

³ Nán jaso i bo, yɛ nán yo sa nga i klun klo-man su'n kɔ ɔ nyrun. Afin sa kwlaa nga famiɛn'n waan ɔ ´yo'n ɔ su yo.

Akunndanfuɛ'n 8:3 ပူးပေါင်းရင်းမြစ်များ

Bo Bolɛ 47:9

Zakɔb tɛli i su kɛ: «M'an tu m'an tran mɛnmɛn wie'm be nun lele afuɛ ya afuɛ ablasan. Sa yalɛ sunman nyannin min, i ti m'an yo oke ndɛ. N su cɛ-man kɛ mín si'm be sa, kusu be yoli wlan-wlan sinfuɛ wie kɛ min sa.»

Nyanndra Mun 14:29

Sran ng'ɔ fa-man ya ndɛndɛ'n, ɔ ti ngwlɛlɛfuɛ. Sran ng'ɔ fa ya ndɛndɛ'n, ɔ ti sinnglinfuɛ .

Nyanndra Mun 24:21

Mín wa, man ɔ́ nyin yi Anannganman nin famiɛn'n. Be nga be waan be ´kpɛ like'n kwlakwla wun'n, nán kuku ɔ́ wun yi be nun.

Akunndanfuɛ'n 10:4

Sɛ sran ng'ɔ sie wɔ'n fa ya ɔ́ wun'n, nán jaso ɔ junman'n su, afin diin tranlɛ'n yo man sa tɛ kpanngban kpa to fuan sran.

Ezai 48:4

Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Daniɛl 5:19

Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.