Akunndanfuɛ'n 8:16 - NYANMIƐN NDƐ'N 1998

¹⁶ N fali mín wun n wlali ngwlɛlɛ'n i silɛ'n nun, yɛ m buli kokolɛ nga sran'm be koko nyanmiɛn'n bo wa'n i akunndan, afin i kɔnguɛ o, i wia'n nun o, sran'm be nyinma si-man lafilɛ'n.

Akunndanfuɛ'n 8:16 ပူးပေါင်းရင်းမြစ်များ

Bo Bolɛ 31:40

Wia'n ɔ bo min wia nun lele, kɔnguɛ kusu ayrɛ'n ɔ kun min lele kpe nun. N bu min nyinma-a ɔ yo-man ye.

Jue Mun 127:2

Aliɛ'n ɔ kwla cɛn-man nan amu'an jaso, sanngɛ wuun amun la-man ndɛ. Amun fɛ lele nan amu'an nyan amun nuan nun aliɛ b'a di. Nga amun yo i sɔ'n ɔ ti ngbɛn, afin Anannganman fa aliɛ kunngba nga an di'n man i klofuɛ nga be la be lafi mun.

Akunndanfuɛ'n 1:13

M buli like nga be ju mɛn'n nun'n be kwlaa be akunndan nan n ´si bé bo. I sɔ yolɛ'n ɔ ti junman kekleke kun yɛ Nyanmiɛn fa mannin sran'm be kɛ be di-ɔ.

Akunndanfuɛ'n 1:14

N niannin junman nga be di be nyanmiɛn'n bo wa'n be kwlaa, n wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 1:17

N kunndɛli ngwlɛlɛ nin sinnzin'n be afiɛn ngbaciɛ'n. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 2:23

Mɛn'n nun tranlɛ b'ɔ trannin'n i kwlaa'n ti nyrɛnnɛn ngbɛn. I junman b'ɔ dili'n, klunngbɔ yɛ ɔ nyɛnnin i nun-ɔn. Kɔnguɛ bɔbɔ sa'n, i wla kwla gua-man ase. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 5:12

N wunnin sa kun nyanmiɛn'n bo wa, ɔ ti nyrɛnnɛn sa. Yɛlɛ kɛ sran wie tian sika nuan, sanngɛ ɔ di-man, ɔ fa minndɛ sa yalɛ nga be wa tɔ i su'n.

Akunndanfuɛ'n 7:25

Min waan n ´si sa'm bé bo. Min waan n ´si like nga be flɛ i ngwlɛlɛ'n i bo, yɛ min waan n ´si sa nga ti yɛ sa'm be ju'n. N wunnin kɛ klunwi yolɛ nin sinnzin yolɛ'n be ti fia like.

Akunndanfuɛ'n 8:7

Kusu ɔ si-man sa ng'ɔ wa ju i su'n. ?Yɛ wan li yɛ ɔ ´kan wafa nga sa sɔ'n wa fa ju'n ´kle i-ɔ?

Akunndanfuɛ'n 8:9

M buli ninnge nga be yo be nyanmiɛn'n bo wa'n be akunndan kpa n niannin. Ɔ lɛ blɛ kun bɔ sran kun sie i wiengu kun kpɛkuun ɔ kle i nyrɛnnɛn-ɔn.