Akunndanfuɛ'n 8:13 - NYANMIƐN NDƐ'N 1998

¹³ Klunwifuɛ'n ɔ nyan-man muae yɛ i nguan nyanman'n yo-man tɛnndɛn. I nguan sɔ'n ɔ yo vɛɛ kan kɛ fɔnvɔ sa yɛlɛ kɛ i nyin yi-man Nyanmiɛn mlɔnmlɔn .

Akunndanfuɛ'n 8:13 ပူးပေါင်းရင်းမြစ်များ

Zɔb I Nyrɛnnɛn Wunlɛ 14:2

Klɔ sran'n ɔ ti kɛ waka nnyrɛ b'ɔ kpuke'n sa. Kɛ ɔ cɛ kan'n, kpɛkuun waka nnyrɛ sɔ'n ɔ'a kpɔ ɔ'a tɔ. Klɔ sran'n ɔ sin ndɛndɛ kɛ fɔnvɔ sa, ɔ cɛ-man.

Zɔb I Nyrɛnnɛn Wunlɛ 18:5

Sran ng'ɔ bu-man Nyanmiɛn like fi'n i kannin'n ɔ ´nuan, i gbo'n nun sin'n su jue-man kun.

Zɔb I Nyrɛnnɛn Wunlɛ 20:5

sran ng'ɔ bu-man Nyanmiɛn like fi'n, i anyrunnyan'n ɔ kɔ-man mmua, i aklunjuɛ'n cɛ-man? ?Yɛ a si-man ekun kɛ sran nga i nyin yi-man Nyanmiɛn'n, i klun jɔ-man kɔ-man mmua ?

Zɔb I Nyrɛnnɛn Wunlɛ 21:30

Kɛ nyrɛnnɛn'n ɔ ba'n, ɔ kpɛ sran ng'ɔ bu-man Nyanmiɛn like fi'n yaci. Kɛ Nyanmiɛn i ya cɛn'n ju'n, sa ju-man i su wie.

Jue Mun 11:5

Anannganman si sran kpa'n i klun akunndan'n. Sanngɛ klunwifuɛ'n, ɔ nin sran ng'ɔ fa sa tɛ yolɛ'n cici i ti'n, ɔ kpɔ i sɔfuɛ mun .

Jue Mun 144:4

Sran'n, i like b'ɔ fɛli i yɛlɛ aunngban b'ɔ fita kan kpɛkuun ɔ'a sin'n. I nguan'n ɔ ti tika kɛ lolɛ b'ɔ o lɛ kan kpɛkuun ɔ nun-man lɛ kun'n sa.

Jue Mun 37:1

Jue nga ti David liɛ. I waan: Nán fa ya be nga be yo sa tɛ'n bé wun. Nán ɔ́ nyin blo be nga be fɔn mmla'n bé wun.

Jue Mun 39:5

«Anannganman, kle min blɛ nga min nguan'n ɔ ´wie'n. Kle min kɛ min nguan'n i nyanman'n ɔ ti tɛnndɛn ju'n. Man n si kɛ kannzu n sɔ-man.

Jue Mun 55:23

Fa sa ng'ɔ o ɔ́ su'n kwlaa wlɛ i Anannganman sa nun, ɔ ´suan ɔ bo. Ɔ su yaci-mɛn i sufuɛ kpa'n lɛ man srɛ kun-mɛn i nan i wun usu-mɛn i .

Akunndanfuɛ'n 3:14

N wunnin i wlɛ ekun kɛ Nyanmiɛn i sa ti like liɛ ng'ɔ yo'n, ɔ lɛ-man awieliɛ, ɔ ti anannganman. Be kwla uka-man su, be kwla kpɛ-man su. Sa ti bɔ Nyanmiɛn yo sɔ'n yɛlɛ kɛ ɔ klo kɛ sran'm bé nyin yi i .

Akunndanfuɛ'n 5:7

Sɛ mɛn wie nun a wun kɛ be su kle yalɛfuɛ wie nyrɛnnɛn'n, nan be su di i ndrunmun'n, nan be su di i ndɛ kwlɛ'n, nɛ́n i sɔ sa'n ɔ bo ɔ́ nuan. Afin kɛ mɛn'n wo yɛ'n, kannzɛ bɔ man a nyan nyrun sɛ, ɔ wiengu uflɛ o lɛ b'ɔ tra wɔ-ɔ.

Akunndanfuɛ'n 6:12

Sran i nguan'n ti kɛ fɔnvɔ wie sa. ?Wan yɛ ɔ si like kpa ng'ɔ wa ju i nguan tika sɔ'n nun-ɔn? ?Nyanmiɛn'n i bo wa'n, wan yɛ ɔ kwla kan sran kun i wie'n i sin sa mun kle i-ɔ?

Akunndanfuɛ'n 7:15

Blɛ kan nga m'an di i asiɛ'n su wa nun'n, m'an wun kɛ sa'n kwlaa kwla ju. Kannzɛ bɔ sran'n ti kpa sɛ, sanngɛ ɔ kpɛ kpo wu. Sran wie kusu i klunwi liɛ'n be kwla kan-man, sanngɛ ɔ wu-man ndɛ.

Akunndanfuɛ'n 7:18

Ɔ ti kpa kɛ a `fa afɔtuɛ nnyɔn ng'ɔ o lɛ'm be su. Afin sran nga i nyin yi Nyanmiɛn'n, ɔ fata-man kɛ be kɛn i wun ndɛ.

Akunndanfuɛ'n 8:8

Sran fi kwla tra-man i bɔbɔ i nguan'n nun. Sran fi kwla su-man i wie cɛn'n bo kɔ-mɛn i sin. Kɛ alɛ'n ko tɔ sa'n, ɔ lɛ-man kɛ b'a fite nun, klunwi yolɛ'n ɔ kwla de-man klunwi yofuɛ mun.

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Ezai 30:13

amun fɔnlɛ sɔ'n, ɔ ti kɛ klɔ'n i wun talɛ nglo-nglo b'ɔ kpaci kplala kpɛkuun ɔ wunndun'n sa. I tɔlɛ'n ɔ fu sran'm be nun, ɔ jranjran-man.

Ezai 57:21

Anannganman waan: «Be nga be bu-man min nin min ndɛ'n like fi'n, bé wun jɔ-man be le.»

Ezai 65:20

Be su wun-man kɛ bakan ɔ ´wu i kaan nun lɔ kun, yɛ sran kpɛnngbɛn b'ɔ yo-man oke kɔ-man mmua b'ɔ wu'n, be su wun-mɛn i sɔ lɔ kun. Afin sɛ sran kun ´wu nan ɔ lɛ afuɛ ya'n, wuun be flɛ kɛ ɔ tɛ yo gbanflɛn annzɛ talua. Sran nga ɔ'a di-man afuɛ ya nan ɔ wu'n, wuun be se kɛ b'a bo i sannzan ti-ɔ.

Zeremi 44:10

Lele andɛ, be wie fi koko-mɛn i sa tɛ'm be ti nan se kɛ srolɛ yɛ be ´sro min-ɔn, nan se kɛ be ´fa min mmla nga n fa mannin amun nin amún si mun'n su.»

Malasi 3:18

Kpɛkuun amun ´wun ngbaciɛ ng'ɔ o sran kpa nin sran ng'ɔ bu-man Nyanmiɛn nin i nuan ndɛ'n be like fi'n be afiɛn'n, ɔ nin ngbaciɛ ng'ɔ o sran ng'ɔ su Nyanmiɛn nin sran ng'ɔ su-man Nyanmiɛn'n be afiɛn'n.»

Jean 5:29

yɛ be ´fin ndia'n nun fite. Be nga be yoli sa kpa'n, be ´cɛn be ´nyan nguan, be nga be yoli sa tɛ'n, be ´cɛn, yɛ be ´fa be kɔ jɔlɛ difuɛ'n i ja su .»

Jacques 4:14

An si-man like ng'ɔ ´yo amun ainman'n. An ti kɛ bɔlɛ'n b'ɔ gua kaan, sanngɛ kɛ ɔ ´yo kan'n, wuun ɔ'a titi'n sa .

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.