Akunndanfuɛ'n 8:12 - NYANMIƐN NDƐ'N 1998

¹² Kannzɛ bɔ sa tɛ yofuɛ'n ɔ yo sa tɛ'n lele kpɛ ya, nan i nguan'n i sin ɔ'a kpɛ-man'n, sanngɛ n si kɛ be nga be nyin yi Nyanmiɛn'n be liɛ be lɛ muae .

Akunndanfuɛ'n 8:12 ပူးပေါင်းရင်းမြစ်များ

1 Famiɛn Mun 21:25

Nanwlɛ, be nian wun-man sran kɛ Akab sa le bɔ i waan san like ng'ɔ kun Nyanmiɛn i ya'n i cɛ yɛ i waan ɔ ´yo-ɔ! I yi Zezabɛl yɛ ɔ wlɛwlɛli i kɛ ɔ yo sa tɛ sɔ nin-ɔn.

1 Be Nyoliɛ 16:30

Asiɛ'n sufuɛ mun kwlaa, kɛ amun wo i nyrun lɛ'n, amun `usu. Asiɛ'n ti takawa kpa, ɔ su keje-man le.

Zɔb I Nyrɛnnɛn Wunlɛ 35:15

Ɔ waan Nyanmiɛn fa ya ngbɛn nan ɔ wun-man sa tɛ bɔ sran'm be yo'n.

Jue Mun 112:1

An `manman Anannganman! Sran nga i nyin yi Anannganman'n, bɔ Anannganman i mmla'm be su falɛ'n ɔ yo i fɛ'n, i liɛ su ti ye!

Jue Mun 115:13

Be nga be nyin yi Anannganman'n, ɔ ´yo bé wun sa ye, sɛ be lɛ nyrun o, sɛ be lɛ-man nyrun o, ɔ ´yo bé wun sa ye.

Jue Mun 128:2

Sɛ a yo sɔ'n, i liɛ'n junman nga a yo'n, a ´di i nuan like. A ´di alaje, ɔ ninnge mun'n, san kpa yɛ be ´yo-ɔ.

Jue Mun 37:11

Yalɛfuɛ mun yɛ mɛn'n ɔ wa yo be liɛ-ɔ. Bé wun ´jɔ be kpa fɔuun !

Jue Mun 96:9

Kɛ ɔ yi i wun nglo nyannyan'n, amun `koto i bo. Asiɛ'n sufuɛ mun kwlaa, kɛ amun o i nyrun lɛ'n, amun `usu.

Ezipt Lɔ Tulɛ'n 1:20

Izraɛlfuɛ'm be wa trɛli kpa, be wunmiɛn'n yoli dan. Yɛ Nyanmiɛn yoli ba wufuɛ'm be kpa.

Nyanndra Mun 13:21

Be nga be yo sa tɛ'n, sa yaci-man bé su tɔlɛ le. Muae'n kusu yɛ ɔ ti sran kpa'm be liɛ-ɔ.

Nyanndra Mun 28:14

Sran ng'ɔ sro sa tɛ'n i yolɛ mlɔnmlɔn'n, i liɛ su ti ye! Sran nga kusu bɔ be se i sa-a ɔ fɛ-mɛn i ti de-man'n, san nyrɛnnɛn'n yɛ ɔ ´tɔ i su-ɔ.

Akunndanfuɛ'n 12:13

E `sie é su e tie ndɛ'n kwlaa ng'ɔ o lɛ'm be atabo'n: man ɔ́ nyin yi Nyanmiɛn, yɛ nanti i mmla'm be su. Like ng'ɔ fata kɛ klɔ sran kwlakwla yo'n yɛ ɔ o lɛ-ɔ.

Akunndanfuɛ'n 3:14

N wunnin i wlɛ ekun kɛ Nyanmiɛn i sa ti like liɛ ng'ɔ yo'n, ɔ lɛ-man awieliɛ, ɔ ti anannganman. Be kwla uka-man su, be kwla kpɛ-man su. Sa ti bɔ Nyanmiɛn yo sɔ'n yɛlɛ kɛ ɔ klo kɛ sran'm bé nyin yi i .

Akunndanfuɛ'n 5:16

Ng'ɔ o su ekun'n, yɛlɛ kɛ i blɛ ng'ɔ dili i nyanmiɛn'n bo wa'n, ɔ dili i aosin, nin sa yalɛ, nin afɛ, ɔ nin klunngbɔ'n nun .

Akunndanfuɛ'n 5:7

Sɛ mɛn wie nun a wun kɛ be su kle yalɛfuɛ wie nyrɛnnɛn'n, nan be su di i ndrunmun'n, nan be su di i ndɛ kwlɛ'n, nɛ́n i sɔ sa'n ɔ bo ɔ́ nuan. Afin kɛ mɛn'n wo yɛ'n, kannzɛ bɔ man a nyan nyrun sɛ, ɔ wiengu uflɛ o lɛ b'ɔ tra wɔ-ɔ.

Akunndanfuɛ'n 7:15

Blɛ kan nga m'an di i asiɛ'n su wa nun'n, m'an wun kɛ sa'n kwlaa kwla ju. Kannzɛ bɔ sran'n ti kpa sɛ, sanngɛ ɔ kpɛ kpo wu. Sran wie kusu i klunwi liɛ'n be kwla kan-man, sanngɛ ɔ wu-man ndɛ.

Akunndanfuɛ'n 7:18

Ɔ ti kpa kɛ a `fa afɔtuɛ nnyɔn ng'ɔ o lɛ'm be su. Afin sran nga i nyin yi Nyanmiɛn'n, ɔ fata-man kɛ be kɛn i wun ndɛ.

Zeremi 44:10

Lele andɛ, be wie fi koko-mɛn i sa tɛ'm be ti nan se kɛ srolɛ yɛ be ´sro min-ɔn, nan se kɛ be ´fa min mmla nga n fa mannin amun nin amún si mun'n su.»

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

JÉSUS-CHRIST I DYASIN FE'N BO LUC KLELI'N 1:50

Kɛ ɔ fin lalafuɛ nun lele b'ɔ ´fa ju ndɛ'n, ɔ si be bɔ be sro i'n be aunnvuɛ titi.

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Rɔmfuɛ Mun 9:22

?Yɛ Nyanmiɛn kusu yo-man sran'm be kɛ sɛ ufuɛ'n yo i sɛ mun'n sa? ?Sɛ ɔ klo kɛ sran'm be si kɛ ɔ'a fa be wun ya, sɛ ɔ klo kɛ be si kɛ ɔ kwla sa kwlaa yo'n, yɛ sɛ be nga be kun i ya bɔ be nin kunlɛ fata'n b'ɔ blu su'n, ɔ kwla yo-mɛn i sɔ ?

Mmla'n 12:25

Sɛ amun waan amun nin amun osu nunfuɛ amun wun jɔ amun fɔuun nán amun di mmoja. Amun `yo sa ng'ɔ ti kpa Anannganman nyrun'n.

Mmla'n 12:28

Amun `tie ndɛ nga n ´kan kle amun yɛ'n kpa, amun `fa sie nan amun nin amun osu nunfuɛ mun amun wun jɔ amun fɔuun tititi. Afin sɛ amun yo i sɔ'n, wuun amu'an yo sa kpa ng'ɔ nin Anannganman amun Nyanmiɛn'n i nyrun fata'n.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.