Akunndanfuɛ'n 8:11 - NYANMIƐN NDƐ'N 1998

¹¹ Kɛ be ka-man bé ja nun lɛ be tu-man sran ng'ɔ yo sa tɛ'n i fɔ kɛ ɔ nin i fata'n sa'n, i ti yɛ sa tɛ yolɛ'n i akunndan'n wo sran'm be anwlɛn'n nun b'ɔ wie-man le nin-ɔn.

Akunndanfuɛ'n 8:11 ပူးပေါင်းရင်းမြစ်များ

2 Samiɛl 11:15

Ɔ klɛli fluwa'n nun kɛ: «Amun `fa Iri `sie i sonja'm be nyrun kan alɛ'n yri kpa lɛ'n nan amun `yaci i ngunmin, man bé sa kɛn nan ɔ wu.»

Zɔb I Nyrɛnnɛn Wunlɛ 24:23

Ɔ yo man be tran fɔuun be klun ti-man be. Kan kwlaa nga be ´kɔ lɛ'n, ɔ nian be su.

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Jue Mun 10:6

Ɔ se i klun lɔ kɛ: «Sa fi nyan-man min le nan kɛ ɔ ´yo-ɔ ɔ'a yo-ɔ. Nyrɛnnɛn su tɔ-man mín su le.»

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Ezipt Lɔ Tulɛ'n 34:6

I sin ɔ sinnin Moiz i nyrun lɛ, ɔ seli i ekun kɛ: «N ti Anannganman. N ti Nyanmiɛn aklunyefuɛ, nin aunnvuɛ sifuɛ, n fa-man ya ndɛndɛ. Min aklunye'n ti dan, yɛ sa nga n kan kɛ n ´yo be'n, n ´yo be.

Ezipt Lɔ Tulɛ'n 8:15

Blɛ sɔ'n nun yɛ atrɛ yifuɛ'm be seli Ezipt famiɛn'n kɛ: «Nyanmiɛn i tinmin'n yɛ ɔ su di junman ng'ɔ o lɛ nin-ɔn.» Sanngɛ kɛ Nyanmiɛn fa dun mmua kannin'n i su yɛ ɔ yoli-ɔ. Famiɛn'n i anwlɛn'n keteli, ɔ'a sie-mɛn i su Moiz nin Aarɔn be ndɛ'n bo.

Akunndanfuɛ'n 9:3

Nyanmiɛn'n i bo wa'n, ninnge'm be nun tɛ kpa kun yɛ ɔ o yɛ. Sran'm be kwlaa be agualiɛ'n ɔ ti kunngba, ɔ man kɛ sran'm be ´yo sa tɛ'n bɔ ngunmin sa, yɛ sinnzin akunndan'n yɛ ɔ o be anwlɛn'n nun sa tititi-ɔ, kpɛkuun b'a fa wu, wuun b'a ko to be nga be dun mmua wuli'n be lɔ.

Ezai 26:10

Sanngɛ sɛ sran'm be si klunwifuɛ'm be aunnvuɛ'n, kpɛkuun klunwifuɛ sɔ'm be suan-man like ng'ɔ fata kɛ be yo'n i yolɛ. Sa ng'ɔ ti-mɛn i nuan su'n yɛ be yo i asiɛ'n su-ɔ. Yɛ Anannganman, be wun-man ɔ kpli bɔ a ti'n.

Ezai 57:11

?Wan yɛ srɛ kun amun i wun-ɔn? ?Wan yɛ amun sro i ti yɛ man amun laka min b'ɔ man amún wla kpɛn-man mín su, b'ɔ man amun ndɛ nun-man min ndɛ nun nin-ɔn? M muannin min nuan ɔ'a cɛ kpa. ?I sɔ'n ti yɛ amun sro-man min kun nin-ɔn?

Zeremi 42:15

amun bɔ amun ti Zidafuɛ'm be onga'n amun `tie i kpa, Anannganman b'ɔ sie mɛn wunmuan'n, Izraɛl Nyanmiɛn'n waan n `se amun kɛ yoo: sɛ amun waan san Ezipt'n yɛ amun ´wanndi be ´kɔ ko tran'n,

Zeremi 48:11

Sɛ Moab ti sran'n, wuun n ´se kɛ kɛ ɔ fin i kaan nun lele'n, sran fi nian kle-mɛn i yalɛ le'n, wuun n ´se kɛ sran fi nian fɛ-mɛn i nian ɔ-man mɛn uflɛ nun le. Ɔ o i wolɛ lɛ cɛ kɛ nzan wie b'ɔ o i tomua'n nun bɔ be nian kaci-mɛn i le'n sa. I sɔ'n ti ɔ tɛ yo uflɛ kɛ blɛ li yɛ b'a yi i sa. Yɛ i bɔnlɛ fannin fannin tɛ o i osu'n nun.»