Akunndanfuɛ'n 8:10 - NYANMIƐN NDƐ'N 1998

¹⁰ N wunnin kɛ be nga be yo klunwi'n be nyan sɛ dan kpa. Kɛ sran'm be fa i sɔfuɛ'm be fuɛn'n be kɔ Nyanmiɛn i sua'm be nun bɔ be fite'n, kpɛkuun bé wla fi sa tɛ nga sran sɔ'm be yoli'n. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 8:10 ပူးပေါင်းရင်းမြစ်များ

Zɔb I Nyrɛnnɛn Wunlɛ 21:18

?A wun i kɛ be ti kɛ ijre mma bɔ aunngban'n fitɛ i kɔ'n sa? ?Be ti kɛ ndutre bɔ seke'n fitɛ i kɔ'n sa?

Jue Mun 31:12

Min kpɔfuɛ'm be dunman nun ti, be nga e nin be e lika'n mantan su'n, be yaci-man min srilɛ. Min sifuɛ'm be bɔbɔ, mín wun yo be kain. Kɛ be wun min gua su lɔ'n, be kwla-man min wun lɛ wunnge.

Nyanndra Mun 10:7

Sran kpa sa'n, i dunman liɛ'n ɔ jaso-man bé nuan'n nun le. Sanngɛ klunwifuɛ'm be dunman liɛ'n, ɔ tɔ nzue nun.

Akunndanfuɛ'n 1:11

E wla fi sa nga be juli e nannan'm be blɛ su'n be su. Sran nga be wa ba é sin'n, be sinfuɛ liɛ'm be su wun-man be osu.

Akunndanfuɛ'n 2:16

I ngwlɛlɛfuɛ o, i sinnglinfuɛ o, be kwlaa be wu, yɛ kɛ ɔ ´cɛ kɔ'n, sran'm be wla fi be su.

Akunndanfuɛ'n 9:15

Klɔ sɔ'n su yalɛfuɛ kun wo lɛ b'ɔ si ngwlɛlɛ kpa. I ngwlɛlɛ'n ti man klɔ'n sufuɛ'm be fiteli nun, sanngɛ sran fi wla ɔ'a kpɛn-mɛn i su.

Zeremi 17:13

Anannganman, wɔ bɔ ɔ su yɛ Izraɛl i wla'n wo'n, be bɔ be kaci be sin be si wɔ'n be ´wun nyannzuɛn. Be bɔ be yaci wɔ lɛ kɔ like uflɛ sin'n, be ti kɛ dunman bɔ b'a klɛ i aunnyan nun bɔ i nunnunlɛ ɔ yo-man ya'n sa. Afin Anannganman b'ɔ ti kɛ nzue ti kun bɔ i nun nzue'n ti klengle b'ɔ wie-man nun le sa'n, b'a yaci i lɛ.

JÉSUS-CHRIST I DYASIN FE'N BO LUC KLELI'N 16:22

Le kun yalɛfuɛ sɔ'n wuli, anz'm be wa fɛ i ɔli Abraam wun lɔ. Anyanbeunfuɛ'n kusu ɔ wa wuli nan b'a sie i.

Sa nga bé yôli'n 6:13

Be man sran wie'm be jrannin be nyrun lɛ be tɔnnin i suɛn seli kɛ: «Bian nga kan Nyanmiɛn lika ng'ɔ o yɛ'n nin mmla'n be sacilɛ ndɛ titi,

Hébreu 10:38

Yɛ min sran ng'ɔ lafi n su, b'ɔ man ɔ kaci sran kpa'n, ɔ ´nyan nguan. Sanngɛ sɛ ɔ cuɛn i wun kɔ siɛn'n, n klun su jɔ-mɛn i wun .»