Akunndanfuɛ'n 7:8 - NYANMIƐN NDƐ'N 1998

⁸ Like kwlaa i agualiɛ'n ɔ ti kpa trɛ i bo bolɛ'n. Amlin dilɛ ti kpa tra bé wun tulɛ.

Akunndanfuɛ'n 7:8 ပူးပေါင်းရင်းမြစ်များ

Nyanndra Mun 13:10

Tutre'n i like ng'ɔ o su'n yɛlɛ utre ba kpɛlɛ. Be nga be sie bé su, be ti afɔtuɛ'n, be sa nun yɛ akunndan'n wo-ɔ.

Nyanndra Mun 14:29

Sran ng'ɔ fa-man ya ndɛndɛ'n, ɔ ti ngwlɛlɛfuɛ. Sran ng'ɔ fa ya ndɛndɛ'n, ɔ ti sinnglinfuɛ .

Nyanndra Mun 15:18

Sran ng'ɔ fa ya ndɛndɛ'n ɔ klɔklɔ utre. Sran nga kusu bɔ i anwlɛn'n ti wɛtɛɛ'n ɔ tra utre.

Nyanndra Mun 16:32

Sran ng'ɔ fa-man ya ndɛndɛ'n, ɔ lɛ nyrun tra safunyrɛn. Yɛ sran ng'ɔ si i wun su nian'n, ɔ tra sran ng'ɔ de klɔ dan kun kpɛkuun ɔ sie klɔ sɔ'n.

Nyanndra Mun 28:25

Wun tufuɛ'n ɔ kpɛ utre ba. Sran nga kusu b'ɔ fɛ i wun man Anannganman'n, ɔ nyan muae.

Akunndanfuɛ'n 7:1

Sran i dunman kpa nga be bo i sa'n, ɔ ti kpa tra ayre fanninfannin i kpafuɛ'n bɔbɔ. Sran i wie cɛn'n i kpa trɛ i awuliɛ cɛn'n.

JÉSUS-CHRIST I DYASIN FE'N BO LUC KLELI'N 16:25

Yɛ Abraam seli i kɛ: ‹?N wa, ɔ́ wla fi kɛ kɛ a wo asiɛ'n su lɔ'n, a nyannin ɔ ninnge kpakpa'n kwlaa? Lazar kusu wunnin i nyrun. Siɛn'n, ɔ o wa, i wla a gua ase, ɔ kusu a su wun ɔ nyrun.

JÉSUS-CHRIST I DYASIN FE'N BO LUC KLELI'N 21:19

Sɛ an tra amun anwlɛn'n, amun ´nyan amún ti.»

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Efɛzfuɛ Mun 4:2

Nán an tu amún wun mlɔnmlɔn, an `yo wɛtɛɛfuɛ, an `blu sa'm be su, sa nga amun wiengu yo bɔ an wun i'n, man ɔ sɔn amun nun i klolɛ bɔ an klo i'n ti.

Hébreu 10:36

An `tra amun anwlɛn nan amu'an yo Nyanmiɛn klun sa nan amu'an nyan like nga i waan ɔ ´fa man amun'n.

Jacques 5:11

Be nga be jrannin kekle'n, e se kɛ be liɛ su ti ye. An tili Zɔb i anwlɛn b'ɔ trali'n yɛ an wunnin i agualiɛ nga e Min'n man ɔ guɛli i'n, afin sran yo e Min'n i annvɔ, yɛ ɔ si i aunnvuɛ .

Jacques 5:8

Amun kusu, an `tra amun anwlɛn, yɛ an `jran kekle, afin e Min'n i balɛ'n ɔ'a mantan.

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.