Akunndanfuɛ'n 7:4 - NYANMIƐN NDƐ'N 1998

⁴ Ngwlɛlɛfuɛ'm be bu wie'n i akunndan. Sanngɛ sinnglinfuɛ'm be liɛ'n, ngowa'n yɛ be waan be `fa man be nan be kan-an.

Akunndanfuɛ'n 7:4 ပူးပေါင်းရင်းမြစ်များ

2 Samiɛl 13:28

Absalɔm seli i gbanflɛn'm be kɛ: «Amun `nian Amnɔn su kpa, sɛ nzan'n ti i kpa'n, kɛ n ´se kɛ: ‹Amun `kun Amnɔn,› kpɛkuun amun `kun i. M bɔbɔ min dunman nun amun `jran kekle, amun `tra amun anwlɛn. Nán srɛ kun amun.»

1 Famiɛn Mun 20:16

Kɛ wia'n juli bé ti afiɛn'n, yɛ be tinnin bé wun ase-ɔ. Kɛ ɔ ´yo sɔ'n, wuun Bɛn-Adad nin famiɛn ablasan-nin-nnyɔn nga be bali i ukalɛ'n, be ti tannin sua'm bé bo lɔ be tɛ nɔn nzan'n.

Akunndanfuɛ'n 2:1

N seli n klun lɔ kɛ like nga be flɛ i aklunjuɛ'n n ´wun i bo nan n ´nian kɛ ɔ fa ti'n. Kpɛkuun n ´wun like kpakpa nga bɔ man sran klun jɔ'n i bo. Sanngɛ n wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 7:3

Awlaboɛ'n ɔ man sran ngwlɛlɛ tra srilɛ'n. Afin ɔ yo man sran'n ɔ mlɛn i nyrun sanngɛ ɔ man ɔ kaci sran kpa.

Akunndanfuɛ'n 7:5

Kɛ n ko sie mín su sinnglinfuɛ i manmanlɛ jue'n i bo'n, ɔ flunman kɛ n tie afɔtuɛ ndɛ nga ngwlɛlɛfuɛ'n kan kle min'n.

Ezai 21:4

N lɛ-man anwlɛn kun, srɛ'n ɔ'a kun min kpo. Min waan wuun kɔnguɛ min wun ɔ ´jɔ min fɔun kan, kpɛkuun kɛ aliɛ'n san'n, n klun yɛ ɔ titi min-ɔn.

Zeremi 51:39

Kɛ awe'n ko ti be'n, n wa man be aliɛ fɛfɛ kpa man be ´di. Be ´di, be ´nɔn nzan'n lele be ´bo. Kpɛkuun lafilɛ nga be lafi-ɔ be tinnge-man'n yɛ be wa lafi-ɔ.» Anannganman'n yɛ ɔ kan sɔ-ɔ.

Zeremi 51:57

Babilɔni famiɛn'n i awlo lɔ sran dandan mun, nin afɔtuɛ manfuɛ mun, nin nvle siefuɛ mun, nin lika i su kpɛn mun, ɔ nin safunyrɛn mun, m ´man be nzan be ´nɔn be ´bo be ´lafi. Be su tinnge-man kun. Famiɛn nga be flɛ i kɛ Anannganman'n b'ɔ sie mɛn wunmuan'n yɛ ɔ kan sɔ-ɔ.»

Daniɛl 5:30

I kɔnguɛ kunngba sɔ nun'n be kunnin Bɛlsazar b'ɔ ti Babilɔni famiɛn'n.

Ndɛ Nga Nyanmiɛn I Nuan Ijɔfuɛ Oze Kannin'n 7:5

Cɛn nga be ´di famiɛn'n i cɛn'n, kɛ famiɛn'n i awlo lɔ sran dandan'm be ko nɔn nzan'n b'ɔ ko ti be'n, kpɛkuun ndɛ'm be su floflo bé nuan.

Naɔm 1:10

B'a yo kɛ owie bɔ b'a to b'a bla be wiengu'n sa, be nɔn nzan lele ɔ'a ti be. Be ´yra kɛ ijre kee kpa'n sa .

1 Samiɛl 25:36

Kɛ Abigail ´sɛ i sin Nabal wun lɔ'n, wuun cɛn nga be su di i awlo nun'n ɔ ti kɛ famiɛn wie yɛ ɔ su di cɛn sa. Nabal klun ti jɔwa dan, ɔ'a nɔn nzan'n lele ɔ'a tratra su, ɔ'a bo i. Ɔ man Abigail ɔ'a kan-man ndɛ fi ɔ'a kle-mɛn i lele san aliɛ'n cɛnnin.

1 Samiɛl 30:16

Yɛ ɔ nin David be ɔli-ɔ. Be ´nian-an, alɛ kunfuɛ sɔ'm be yɛ be tru lika'n nun yɛ, ninnge kpanngban nga be nyɛnnin Filistifuɛ nin Zidafuɛ'm be mɛn'n nun lɔ'n, be su di be ´nɔn'n, wuun be ´si able.